Nokre av dei som kjenner meg trur at eg er ein slags superpropell som surrar og går heile tida. Det må vere bygd på ei grov missforståing. Innimellom er eg så søkke lat at eg gjer ingenting meir enn eg absolutt må. Det er vindua mine, det er då eg samlar krefter til å gå laus på nye greier.
I dag er ein slik dag, eg lagde gresk buffé til 16 personar i går, og fekk vere med på festen som varte til langt på natt. Dagen i dag har blitt tilbrakt i senga, ein kjapp tur i dusjen og så ved kjøkkenbordet med avisene, gode brødskiver og avisene.
No skal eg ta på solfaktor, og ta ein tur ut i hagen. Eg tek med meg ei mugge iste av enklaste sort.
Når eg får lyst på iste vil eg ha det FORT, eg gidd ikkje å trekke te, la den kolne og sånn går no dagan.
Hos Røtter på St.Hanshaugen fann eg desse fine iste-teposane med blåbær. Dei skal trekke i kaldt vatn, og isteen er ferdig etter eit kvarter. Perfekt! Det er akkurat så lenge eg klarer å vente.
Eg brukar den største mugga mi, og puttar oppi fire blåbæristeposar, det gir passe styrke.
Så let eg det stå og trekke medan eg leitar fram noko å sitte på, solfaktor, dei avisene eg enno ikkje har lese og isbitar frå frysaren.
I vasken står det nokre myntekvistar i vatn, dei tok eg inn på torsdag for å bruke i tsatsikien til den greske buffeten. Den struttar full av liv, mynte overlever alt, også oppbevaring i oppvaskkummen i tre dagar.
Eg tek ein kvast, og puttar i isteen saman med isbitane. Så er det berre å nyte ein fin dag i hagen – utan andre plikter enn å kose seg. Ha ein deilig dag, du og!
Ååå, det så deilig tørsteslukkende ut! Celestial seasonings tea er kjempegode! Og det er vel lov å være lat – noen kaller det å nyte livet! 😉
Det er vår tids misoppfatning – at vi må være aktive og flinke til enhver tid, ellers er vi late … Nyt dagene! 🙂 klem
Iste er deilig forfriskende i varmen. Jeg har dilla på gresk iskaffe for tiden (Frappe) Kjøpte med meg elektrisk visp og pulverkaffe fra Hellas, og følger oppskrift jeg har funnet på Youtube 😀
Åhhh! Iste er godt det, men Frappe!!!!! Og med vaniljeis i er den fantastisk! Kunne du ha delt den oppskrifta Bipbap? :-))
Javisst 😀 Det er veldig enkelt og fort gjort.
Fantastisk! Endelig har jeg fått clouet med frappé. Takk, Bibap 😀