Ferie, Reise
Comments 4

Med nasen sørover att


I dag reiser vi tilbake til Frankrike, og blir der nokre dagar til. Mennene i familien reiser til Oslo mandag kveld, medan damene skal sniffe seg gjennom Paris, og blir til onsdag.

Men før vi forlet Jersey gjer ein seg nokre tankar om denne underlege, sjølvstendige øya ein svipptur frå franskekysten. Den ligg jo mykje nærare Frankrike enn England. Jersey og søsterøya Guernsey har vore sjølvstyrt sidan 1200-talet, og det ber den preg av.

Den britiske dronninga er statssjef, og har oppnemnt sin viseguvernør, men er fogden, The Bailiff som styrer butikken. Her er ingen politiske parti, og har ingen statsminister. Bailiffen leiar både States of Jersey, det lokale styringsorganet, og The Royal Court.

IMG_8711Folk på Jersey lever tilsynelatande ganske uberørt av dette underlege politiske systemet, kanskje delvis fordi mange av dei som offisielt bur her er innom berre av og til for å besøke pengane sine. Øya ber preg av stor rikdom, her er det lite slum å sjå. Mange forlenga, svarte bilar, flotte hagar med velkomponerte bolmsterbed, gartnarbilar i oppkøyrselen og innleigde sikkerheitsvakter. 

Likevel er dei vi møter opne og pratesalige, og det er ei hjarteleg stemning så langt vi har erfart. Mange franskmenn jobbar her, mellom anna i turistbransjen, og jammen klarer dei ikkje å lære seg engelsk viss dei må.

IMG_9017Jersey er frodig, hortensiaene er på storleik med dei største middagstallerknane. Øya er kupert, vakker, full av ting å sjå og ting å gjere. Sjølv om ein sikkert har sett det meste i løpet av ei vekes tid så skulle eg ikkje ha noko problem med å tilbringe sommarane her.

Det blir omtrent som Kragerø eller Visby, om sommaren er det fullt liv, på vinteren er det noko gråare. Hotellet vi bur på er ope berre frå april til oktober, og det er nok vanleg både for hotell og butikkar. 

No har ikkje eg vore her så lenge, men inntrykket mitt er at øya har ein høg snittalder. Det er mange butikkar med klede for dei godt vaksne, og på bussar og i butikkar er det ein høg andel eldre. Det kan godt hende at engelskmenn bur her som pensjonistar, som eit alternativ til Spania.

Tempoet på Jersey er roleg, og folk tek seg tid til å hjelpe og gje råd viss du spør om ting. Vi kosar oss, og det ville sikkert du og gjere, om vegen din gjekk forbi her. -Og vi er ikkje sponsa av det lokale Turistrådet. 😉

This entry was posted in: Ferie, Reise

av

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

4 Comments

  1. Disse reisebrevene dine er virkelig flotte og jeg har stor glede av dem. Bare så du vet det, selv om jeg ikke kommenterer så mange av dem. 🙂

    Likar

  2. Samme her! 🙂
    …og jeg vurderer om ikke det med boligbytte kanskje hadde vært noe for oss. En familie med slott ved Gardasjøen kunne kanskje likt seg her i vår micro-enebolig på «landet»… 😉

    Likar

  3. Åååå, jeg har drømt om Jersey i mange år. Du klarer virkelig å friste!
    Angående sniffing i Paris (neida, ikke misunnelig), ville jeg reist på Guerlain og Montale iallefall 😀

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s