Forseggjort søndagsfrukost gjer meg lykkeleg, og eg har vel fortalt tidlegare at eg er veldig glad i salatar med tunfisk.
I dag lagde eg ein ny variant, basert på det som var i kjøleskapet.
Dei salta sitronane er framleis med, eg har vel brukt opp ein tredjedel, tenker eg, til dressingar, salatar og gryterettar. I dag vart skalet av ein salt sitronbåt finhakka og blanda med tynne vårløkringar og rista graskarkjerner frå Singh.
Eg hadde i to spiseskeier med remulade, og ein boks med tunfisk. Eg er så barnsleg at eg framleis likar tunfisk i gelé, men du kan sikkert bruke den i olje eller vatn og.
Eg blanda det heile godt, og kverna litt svart peppar over. Røra eller salaten tok eg på skiver med rista brød. Prøv du og, det er kjempegodt!
Yhm, ja, sånt er helt nydelig 😀 De salta sitronene frister meg overmåte, så jeg tror jeg blir nødt til å gjøre i stand et glass med sånn i år. Det er godt med økologiske sitroner på Meny, heldigvis.
God søndag, Ag, skinner sola hos deg også?
Sola skin! 🙂 Ja, du må prøve dei sitronane. Dei er så anvendelege (uff, dårleg nynorsk) og passar til mange ting. Og så er dei faktisk lette å lage, det tek berre litt tid før dei er klare til å spisast. Fjern alt fruktkjøt viss du gjer det, det blir uansett alt for salt.
Mmm, det så kjempegodt ut! 🙂