Middag, Sausar og dippar, Tilbehør, Veggis
Comments 2

Man bli’kke børsten…


Det begynte en morgen i dusjen,

min kone Turid, som jeg kaller tusjen, ropte: Larsern har du bestilt drosjen?

for hun sku til verksted med påsjen.

Hun kanke kjøre påsjen uten å kræsje’n! Nei, tusjen, sa jeg, jeg tar mæsjen.

Neimen larsern, sa tusjen, du er børsten! Næh, bli’kke børsten av litt champis mot tørsten…

osv. (Tekst: Ole Paus)

Gratulerer med dagen! Dette er jo sjølvaste champagne-dagen, og då tenkte eg at eg skulle foreslå litt champagne-mat av den rampete typen, faktisk.

Eg har nemleg fått tak i heilt ferske norske asparges, og lagt til nokre få av mine eigne. Dette var min luksusmiddag til meg sjølv her om kvelden. Å spise dette gir meg ein deilig, rampete følelse. Det er nesten som om det skulle vore forbode, så godt er det.

Dersom du vil lage den til fleire enn deg sjølv kan du jo bruke den som tilbehør, dette går fint til alle typar kvit og raud fisk, og til skaldyr.

Ferske asparges skal dampe veldig kort, eg brukar ikkje meir enn tre minutt. Eg skreller litt av aspargesen nederst, men det er ikkje naudsynt. Du kan berre bruke den som den er. Gjer du som meg og skrellar den, kan du bruke skrellet til å koke kraft på til ei aspargessuppe seinare. Frys skrellet viss du ikkje skal bruke det med ein gong.

Aspargesen serverte eg meg sjølv med ei klassisk norsk gourmetoppfinning, Sandefjordsmør. Oppskrifta kjem frå eit av mine favoritthotell, arkitekt Arnstein Arneberg si perle Park hotell i Sandefjord. Der vart sausen brukt til fisk, og 17. mai får du framleis denne sausen servert der. Den er ein forenkla utgåve av Beurre blanc, den klassiske franske smørsausen. Slik gjer du det når du serverer dette som eit tilbehør:

Asparges med sandefjordsmør

100 g asparges per person

2 dl fløte

100 g mjukt smør i terningar

Sitronsaft

Kruspersille

Ha fløten og kruspersillen i ei lita, tjukkbotna gryte. La det koke i fem minutt. Sett til side. Pisk inn smøret terning for terning. Smak til med sitronsaft. Du kan også ha litt peppar i. La sausen stå varmt, men den må ikkje koke. Dette er saus nok til fire porsjonar.

Kok opp vatn i ei vid gryte som du har lok til. Ha i salt og litt sukker. Ha i aspargesane, og la dei koke i tre minutt. Legg dei rett over i ei skål med kaldt vatn, og så fort over på tallerken. Hell på sandefjordsmør, og legg på evnt. fisk og andre grønsaker. Eller nyt det åleine. Uansett vert dette best med eit glas musserande vin av eit eller anna slag, syra og boblene står perfekt til det grøne i aspargesen og fedmen i sausen.

God syttande mai!

2 Comments

  1. God syttande ma til deg og! Eg har asparges i hagen. Den har ikkje kome enno. Det er faktisk godt å snike seg til å brekke av ein og ete han rå – også.

    Likar

  2. Ser kjempegodt ut – men jeg er litt usikker på den smørsausen… På Wagamama’s i England pleide de ha asparges til forrett på menyen, og da fikk man lettstekte (ikke dampede!) asparges med en mørk tynn saus til, sannsynligvis soyabasert (?!) men også med noe ingefæraktig i… Den var drysset over fem stengler asparges, servert plain on a plate.

    FANTASTISK godt. Det ble min standard-forrett og jeg sørget da den i februar var borte fra menyen… Men nå ble jeg litt inspirert til å ta med meg noen av de ferske aspargesene jeg så i matbutikken min her om dagen, så kanskje…?

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s