Du såg ribba i går? Den serverer eg med omnsbakte mandelpoteter, ein deilig sursøt grillsaus og coleslaw-salat. Coleslaw er finsnitta kål, ofte også med gulrøtter. Eg hadde eit eple liggande og, og det vart med i salaten. Dressingen er krema og lett sursøt, den og. Slik gjer du det:
Coleslaw
Ein kålskalk
Ei stor eller to mindre gulrøtter
Eit halvt eple
Litt sitronsaft
2 ss majones
2 ss kesam
2 ts honning
2 ts eplecidereddik
Salt og peppar
Snitt kålen fint, ostehøvel er fint å bruke. Riv gulrota og eplet, eller bruk eit juliennejern og snitt dei fint. Legg alt lagvis i ein bolle, kryst litt sitronsaft over og dryss salt mellom laga. Dette kan du gjerne gjere nokre timar før servering.
Bland alt til dressingen, men vent med å salte. Bland saman dressing og snitta grønsaker, og rør godt. Smak til med peppar, og om nødvendig, litt salt. Sett til side.
4-5 potetar per person
1 dl olivenolje
1 ss urtesalt
Bland urtesalt og olivenolje i ein vid bolle. Del potetene i to på langs, og ha dei i bollen. Rist potetene rundt i bollen slik at dei vert dekt med urteolje.
Ha dei i ei langpanne, syt for at alle potetene vert liggande med kuttsida opp. Fordel det som er att av urteolje over potetene.
La dei steike øverst i omnen dei siste halvtimen av steiketida for ribbene.