Inspirert av min eigen vintersyklingstråd her inne på tirsdag så har eg sjekka marknaden for pustemasker for idrett.

No har eg vore på Oslo Sportslager, og lagt att nokre pengar for å skaffe meg denne flotte maska.

Dei andre hadde ein slik tut, og eg fekk litt romlingane-kjensle. Det er eg alt for forfengeleg til å gå med. Denne derimot, hadde ein slags kamo-dekor, men ikkje verre enn at eg kan gå med den. Eller sykle, for å vere heilt presis.

Eg spurte han som selde meg den kor ofte eg måtte skifte filter i den. «Når du ser at det har blitt misfarget», sa han. Eg trur ikkje han har teke omsyn til alt det kvinner går med i ansiktet.

Mi maske er allereie lettare misfarga av eit lag med Max Factor Lasting performance i fargen pastelle, og i midten ein liten stenk av Estee Lauder Michael Kors Lipgloss i fargen Very Hollywood. Men så har eg ikkje sett så mange damer med slike masker heller.

Uansett, sjølv om eg føler meg som mammaen til Luke Skywalker, når det er kaldt fungerer den veldig godt for mine lett astmabefengte lunger. God sykkeltur!