No er blomkålen kjempebillig, så det er tid for å kjøpe med seg heim eit hovud eller to, og lage ei deilig suppe.
Denne suppa er tilbehør til fire, til dømes til pannekaker, slik vi hadde den, eller middagssuppe til to. Det er ein enkel versjon, ikkje noko fiksfakseri, berre ei smakfull, «gamaldags» suppe, lett å lage med ting ein har i huset, berre ein finn eit blomkålhovud.
Suppa er jamna med smør og mjøl som er knadd saman, ein klassisk Beurre Manié på kokkespråket. Det er ein enkel måte å jamne ei suppe på, når det ikkje passar å lage ein roux, altså å smelte smør og så ha i mjøl, og spe med kraft. Grunnen til at eg brukar Beurre Manié er sjølvsagt for å spare tid og oppvask, elles måtte eg ha brukt ei gryte til for å lage rouxen.
Beurre Manié lagar du med mjukt smør og vanleg kveitemjøl, eg hadde flytande Bremykt i skapet (fy skam), så eg brukte det. Ta det i suppa litt og litt, det er ikkje sikkert du treng alt. Slik gjorde vi det:
Blomkålsuppe
Eit stort blomkålhovud
1 liter vatn
2-3 ss kyllingfond
2 ss smør
2 ss mjøl
3 dl mjølk
Salt, peppar og muskat
Bacon og evnt. krutongar til garnityr
Legg blomkålhovudet i saltvatn for å rense det for eventuelle småkryp. Set vatnet på kok i ei romsleg gryte. Finhakk 2/3 av blomkålen, resten kan du ta vare på til pynt. Ha den finhakka blomkålen i vatnet saman med buljongen, og la det koke i ti minutt. Køyr det glatt med ein stavmiksar.
Kna saman smør og mjøl til ein glatt klump. Ha det i suppa litt og litt medan du rører godt, til den er passe tjukk. Del resten av blomkålen i små bukettar, og ha dei i gryta saman med mjølka. La det heile koke i ti minutt til medan du rører, så det ikkje legg seg ved. Smak til suppa med litt reven muskat, salt og nykverna peppar.
Steik bacon med litt olje eller smør i ei steikepanne. Server suppa garnert med bacon og krutongar viss du har. Skal suppa vere full middag er det godt med nybakt brød til. Utan bacon er dette ei fin veggissuppe.
Hei!
Blomkål er godt:-) Har du noe forslag til hva man kan jevne suppen med hvis man ikke vil bruke hvetemel?
Klem:-)
ÅÅÅh elsker blomkålsuppe!!! Mmmmm.. dette må jeg prøve.
Og vips var dagens middag bestemt! Jeg er veldig glad i å gratinere blomkål og ha bacon over/i sausen jeg bruker, men suppe er en fin variasjon 🙂 Takk for at du posta noe enkelt og lettlaget som samtidig smaker godt!
2xIna har startet http://www.matbloggsentralen.blogspot.no
Hvis du har lyst at din matblogg skal være med, send oss en mail eller legg igjen en kommentar på bloggen!
Velkommen!
Ann-Kristin: Du kan jamne den med litt maisenna rørt ut i vatn, eller du kan røre saman ein desiliter av mjølka med to eggeplommer, og ha i suppa til slutt. Ikkje kok suppa etter at eggeplommene har kome i, då skiljer den seg.
Hei! Hvor mye melk skal det være? Kanskje jeg er blind men kan ikke finne det.
Du har heilt rett, Guro, det mangla! No har eg lagt det til, eg brukte ca. 3 dl mjølk.
dette var godt. Takk for middagshjelp i dag