Eg er ganske flink til å bruke restar, men enkelte restar er vanskelege å bruke opp.
Då hamnar dei lett i søpla, men eg mislikar sterkt å kaste mat, så eg prøver så godt eg kan å få brukt dei på ein fornuftig måte.
Når ein lagar pai er det ganske vanskeleg å ikkje site att med litt paideig. Du kjevlar den ut, og så skjer du rundt kanten , og så sit du der med ein liten neve deig. Her om dagen fann eg ein fin måte å bruke opp paideigen på: Bland den med havregryn og litt sukker, og lag ein smuldredeig til ei epleform!
Slik gjorde eg det:
Ein neve paiskalrestar
75 g havregryn
50 g sukker
4 store eller åtte små syrlege hageeple
Sukker og kanel til strøing
Ha paiskalrestane i ein bolle. Ha i havregryn og sukker, og smuldre det heile saman med fingrane til det er ein grynete masse.
Skrell epla, del dei i to og fjern kjernehuset. Skjer dei i tynne skiver. Legg skivene utover i ei smurd, eldfast form. Dryss sukker og kanel mellom laga. Fordel smuldredeigen oppå epla. Steik epleforma på 210 grader i 20 minutt. Server med is, vaniljesaus eller vaniljekesam.
Den her var ikke dum. Nå er jeg så rar at jeg gjerne kan kose meg litt med ekstra paideig, men neste gang skal jeg heller legge det til side og bruke det i en smuldrepai. Takk for tipset.
Jah! Skal definitivt testes ut 🙂