Ja, no held Samlaget og eg på å legge planar for ein ny runde på Sunnmøre for å signere bøker og heie Smalhans ut i butikkane og under juletrea.
Dette skjer helga 18.-20. november, men no har eg akkurat fått beskjed om at det vert bokhandlartreff i Ålesund torsdag kveld, så då møter eg sjølvsagt opp dagen før. Fredag skal eg uttil Herøy vidaregåande skule, og lage mat saman med flinkisane som går på kokkelinja der.
Så jobbar vi for å få til ei signering på ein bokhandel i Fosnavåg sidan eg likevel er der, og sidan det er ein strålande fin plass. Laurdag skal eg lage haloi på skulekjøkkenet på Larsnes, der vert det ope skulekjøkken med smaksprøver, og kanskje får nokre lov til å prøve seg som assistentar og. Laurdag kveld har vi nokre idéar, men vi er ikkje heilt i boks enno.
Søndag ettermiddag, i tretida, tenker eg, er det presentasjon av Smalhans på Aasen-tunet i Hovdebygda. Der blir det også smaksprøver og anna matmoro. Etter meg kjem Arnhild Skre og skal presentere den Brage-nominerte Hulda Garborg-biografien sin, så det blir Samlagsmoro frå vegg til tak.
Så de av lesarane mine som er i området: Kom og treff meg! Det er det beste eg veit, å møte blogglesarane mine i levande live. Vi sjåast på Sunnmøre!
Skal prøve å komme meg opp i Hovdebygda men du kunne no stoppa på Eid når du svingar forbi
Då blir eg glad, Inger Lise, om du kjem til Hovdebygda! <3