På mi reise mellom tebutikkar i Paris gjorde eg eit nytt bekjentskap etter tips frå ei god venninne: Eg leitte opp Dammann Frères.
Dammann Frères ligg på Place de Vosges, eit lite stykke aust for sentrum. Det er eit vakkert område, spesielt om du drar austover i dei gatene som går parallelt med Rue Rivoli på nordsida. Der finn du koselege butikkar, kaféar og restaurantar, og du er utanfor det verste turiststresset.
Eg har tidlegare skrytt av Mariage Frères, og dei har mange fortrinn. Earl greyen deira er betre, dei har tesalong med førsteklasses mat og dei har ein sjarmerande og gamaldags stil. Dammann Frères er meir moderne, lokala er heilt fantastiske og dei har hundrevis av tesortar å sniffe seg igjennom.
Og kva bør ein velge? Eg seier som Ole Brumm; Ja takk, begge delar. Så har du tid når du er i Paris, dra begge plassar. Ha ein fin søndag!
Så morsomt at dere dro dit! Fint å vite forskjellen på de to husene også. Men Dammann har så fine bokser, syns jeg… 😀