Det er desse kveldane som ein delar med gode vennar i ein flott hage midt i byen i det vakre sommarlyset.

Det er desse kveldane då praten går lett, maten smakar godt og rausheit og glede pregar samveret.

Det er desse kveldane då ein syklar heim forbi botanisk hage og pustar inn den intense dufta av skjærsmin.

Det er desse kveldane då ein kjem heim til fine ungdommar som har laga seg middag, og som ryddar når ein ber om det.

Det er desse kveldane då vi vaksne tenner lys og delar ei stille stund etter at ungdommane er i seng.

Fine kveldar.