All posts filed under: Fest

I den sorte gryte

Published by

Vinden stryk om nåvene, og det er godt å ha ein heimesøndag, utan andre plikter enn å lese avisene, drikke te av store koppar og lage ein god middag. Vi er gode til å samle, og ikkje så gode til å ete opp. Eg har vore i frysaren, og fann kjøtdeig som burde bli eten. Det skulle ikkje mykje ekstra til for å lage ei god haustgryte til meg, familien og nokre kjære vennar. Gryter kan få smak på mange måtar. Kjøtdeig er ikkje det som har alt for mykje eigensmak, så då gjeld det å supplere med andre, morsomme smakar som gjer at dei rundt bordet vert nøgde og mette. Grønsakene i gryta er paprika, løk og sjampinjong. Eg likar små sjampinjongar, som eg heilsteiker. Finn du ikkje små kan du ta store og dele dei i bitar, men mi erfaring er at dei små vert liggande att, av ein eller annan grunn. Finn du ikkje sopp, så kan du bytte den ut med andre ting, både squash, gulrot og sellerirot går fint i …

Bursdag!

Published by

I dag er det bursdagsfesten, elleveåringen blir tolv! Det er stor stas å få heile familien på besøk, med søskenbarn, tanter og onklar, vennar og besteforeldre. Menyen kjem i bloggen så snart den er ferdig lagd, fotografert og oppskriftene er nedskrivne. Eg serverer ei haustgryte med ris og godt brød, og det gode brødet er bestemor sine grove rundstykke. I mellomtida kan du jo kose deg med denne?

I komitéen

Published by

Som alltid er eg i komitén. No dreg eg ut til festlokalet for å hjelpe førtiåringen med å rydde etter festen. Det må til, når 66 livlege førtisar har feira bursdag til seint på natt. I mellomtida regjerer mor mi på kjøkkenet, og lagar fårikål til heile familien. Det blir ein slags drive-in-middag, der gjestane kjem innom mellom fotballkampar, sjukebesøk og utsoving for å få haustens favorittmiddag. Ha ein fin dag, du og!

Meir dessert…

Published by

Denne helga har søstra mi førtiårsbursdag, gratulerer, kjære du! 🙂 Eg lagar dessertar til eit selskap til sytti, og vertinna vil gjerne at folk skal få velge mellom forskjellige dessertar. Difor har eg laga 35 glass med appelsinsjokolademousse, 35 glas med mokkasjokolademousse, 40 porsjonar med pannacotta, denne gongen med multesaus, og sikkert nærare femti glas med god, gammaldags trollkrem. Trollkrem er ein kjempefin allergikardessert, gluten- og mjølkefri. Trollkremen lagde eg slik: 1,3 liter tyttebær 4 dl sukker 3 eggekviter Pisk alt i ein diger kenwood på full fart til det blir ein fluffy krem. Denne oppskrifta fyller den største kenwooden fullstendig. Del opp porsjonen viss du skal ha færre enn sytti gjestar. 😉 Have fun!

Festbordet…

Published by

Slik såg det ut, ferdig pynta og med forrettane på bordet. Meny: Caprese, Italiensk salat med tomat, basilikum og mozarella, med skinke, saltsylta sitronar og aioli Heilsteikt entrecote, langtidssteikt og grilla, servert med honningglaserte grønsaker, potetterrin, raudvinssaus og salat Pannacotta med skogsbærsaus

For tida…

Published by

-er eg litt bissi. Venninna mi sin femtenåring blir konfirmert denne helga, og eg er i komitéen, sjølvsagt. Her ser du steika, som står til mørning i natt: Den vert servert med honningglaserte rotgrønsaker, rødvinssaus, ein salat og potetgrateng. Dette er ein enkel grateng utan fløte, men med ein del smør. Den er bakt i langpanne under press, for å bli enkel å kutte opp. Presset er ein stein vi fann i hagen. Den er flott, der den ligg i steikeomnen.

Ze movez

Published by

På båt er det som hovudregel dans og moro. Her er bruksanvisninga.

Tunge på flaska….

Published by

Dette skal ifølge informerte kjelder vere barrekninga frå då Iron Maiden var i Bergen sist, og hadde det kjekt på ein lokal pub. Sjekk tidspunktet, dei ba om rekninga kl. 17:42. For meg er det litt tidleg å gå heim, men dei hadde tydelegvis fått nok. Imponerande.

Menn i raudt

Published by

At kvinner i raudt får danse er ei gamal sanning som står ved lag. I bryllupet eg nettopp var i kom to av mennene i raude bukser på fredagsfesten. Modig og flott, syns eg. No får vi det bekrefta: Menn i raude klede dreg damer. Det forklarer jo det heile. 😉

Alla famnar jag lämnat

Published by

Så er eg på veg igjen, i ettermiddag går flyet til Paris med fjortenåringen og meg ombord. Elleveåringen kjem etter på søndag, han ville ikkje vere så lenge i Paris som oss. I morgon er vi på nett igjen, skal du sjå. I mellomtida kan du kose deg med denne sangen som vakre Tora Augestad sang til brudeparet i kyrkja på laurdag. Høg lommetørklefaktor, kan eg fortelje. Kajsa-Stina Åkerström syng songen ho har skrive saman med Åsa Jinder.

Fine Koster

Published by

No er vi trygt på plass på Syd-Koster, installert på Ekenäs hotell. Nesten alt har gått etter planen, bortsett frå ein lite samarbeidsvillig kakering rundt det midterste laget på bryllupskaka. Den lek når geléen som skal vere over og under bæra vert for tyntflytande, så ei stund hadde vi gelébad på benken. Når geléen hadde fått blitt litt stivare i bollen vart den meir samarbeidsvillig, og no står kaka stildra inn i kjøleskapet i von om at den er stiv og fin til i morgon. I kveld inviterte brudeparet oss på grillfest på vestsida av øya, og vi har nikost oss med burgerar, pølser, svinefilet og bakte grønsaker. Familiekoret har opptrådt, delar av solistkoret, supplert med slike som meg, og det vert neppe stillare utover natta. Men i morgon er det frukost og så øving i kyrkja klokka 12. Då skal vi førebu innmarsj og utmarsj for brudeparet. Etter det er det berre kakemonteringa som står att, det er alltid nervepirrande. Litt pynt med frukt langs kantane må til, elles er det meste gjort. Eg legg …

På veg

Published by

Eg er på veg, ut i verda, inn i kjent og ukjent terreng. I dag er eg på ei øy på svenskekysten. Her er eg hos fine menneske som tok i mot meg i går kveld i regnet, med god mat, godt drikke og glad prat. Tre tenåringar sit med plirande blanke auge og høyrer på historier om kva foreldra fann på i ei ikkje altfor fjern fortid. I dag skal eg vidare til ei ny øy, der det skal stå bryllup i morgon. Før det skal eg innom Konsum og ta med meg det dei har av fin frukt og bær som eg kan pynte bryllupskaka med. Det vert nærare hundre gjestar, så denne gongen er den i tre etasjar, i storleik XL. Men frykt ikkje, brudgommen er sunnmøring, så tante M kjem med minst åtte kaker, kjenner eg henne rett. Brudeparet er songarar begge to, og det er ein god gjeng av gjestane og. Eg har fått utdelt notar til innmarsj og utmarsj, og eg vonar det vert høve til å øve undervegs …

Hjärtat

Published by

Er det berre eg som syns det er litt snodig når ho som ekspederer meg i undertøysbutikken seier: «Hur går det med dej, hjärtat» når eg står i prøverommet? Eg har aldri møtt henne før. (Når den vennlege svenske dama skulle inn til ho i naboprøverommet sa ho: «Nu kommer jag inn till dej, damen.» «Hjärtat» var kanskje betre.) (Og det vart veldig fint (og dyrt) undertøy.)

Ei energibombe

Published by

Det har vel ikkje gått nokon hus forbi at eg var ein av mange frivillige på konserten med Stavangerensemblet på Moringen pub i Kolbjørnsvik på laurdag. Ovedia og eg hadde ansvar for catering til bandet, og vi ventar no på eit tilbod om å bli Stavangerensemblet sitt faste cateringcrew. Vi fekk iallfall litt skryt for maten og stellet forøvrig. (At eg nekta Frode øl før han skulle synge tok han med godt humør. Han innretta seg etter myndige sunnmørsdamer.) Konserten var fantastisk, langt over mine forventningar. I mi bok er Stavangerensemblet eit band som spelte til dans i Gjerdsvika og i Ulsteinvik seint på syttitalet og litt utpå åttitalet, etter det har eg ikkje høyrt så mykje på dei, må eg innrømme. Men dei gjorde eit forrykande show, og vokalisten (som på grunn av meg var nesten edru) er berre ei energibombe. Settet var tett, ingen pauser, kjappe skift og proft på alle måtar. Dei serverte ei lang perlerad av gamle hits, mange hadde eg gløymt, men dei kom fram att når dei kjende riffa …

I morgon, i morgon

Published by

-står Alt godt i baren på Moringen pub. Det skal ikkje bli ein vane, men akkurat denne dagen er spesiell. Stavangerensemblet spelar i Kolbjørnsvik, og det blir ein deilig, nostalgisk åttitalsfest med masse gamle hits, slitne jeans og tynt hår på toppen. Sjekk ut meir info her, og bli med om du er i området. Ha ein fin fredag! 🙂

Den aller kulaste kaka

Published by

Eg har lagd nokre bryllupskaker dei siste femogtjue åra, i sommar blir det berre ei. Men denne overgår eg ikkje, iallfall ikkje når det gjeld teknikken. Sjekk den ut!

Cheesecake Brownie

Published by

Det gjekk brått opp for meg at eg aldeles hadde gløymt å poste oppskrifta til dei sagnomsuste cheesecake-browniane som eg lagde til den mykje omtalte konfirmasjonen. Restane av denne hadde eg med på jobb på mandagen etter konfirmasjonen, og matlei som eg var var eg litt flau over å servere desse kakebitane som hadde daldra i sykkelkorga mi langs ring to i ein plastpose. Men på kontoret forsvann dei som dogg for sol, og røynde kakeetarar skrytte av dei. Så eg fekk altså tilbake trua på denne ville idéen om å blande ostekakemasse og brownies. I etterkant googla eg det, og fann nokre variantar, så heilt unik var eg ikkje. Eg fann mellom anna sjokolademuffins med ostekaketopping. Men her er altså min vri: Ostekakebrownie 200 g smør 250 g mørk sjokolade 275 g sukker 4 store egg 200 g mjøl 2 ss kakao 2 ts ekte vaniljesukker 150 g hakka, mørk sjokolade Til ostekremen: 300 g nøytral kremost 1 egg 150 g sukker 1 ts vaniljesukker Set omnen på 180 grader. Smelt smøret på svak …

Skattar i hagen

Published by

Når ein finn skattar i hagen må ein bruke dei. Spesielt når det er vårskattar, dei varer så kort. Ein slik skatt er rabarbra. Ja, eg veit at eg skreiv om rabarbra for berre nokre dagar sidan, men får ein nok gode rabarbraoppskrifter? Eg syns ikkje det, problemet med rabarbra er ofte å få brukt den opp før jonsok kjem og oksalsyra gjer at den vert dårleg mat. I dag lagar eg ein fin rabarbrapai. I tillegg til at den smakar fantastisk, er den glutenfri. Det gjer at den er fin å sette på festbord der glutenintolerante ofte slit med å finne noko til kaffien. Eg lagde den med flytande margarin, og dersom du brukar Euroshopper sin flytande margarin er den dermed også mjølkefri. Det er også fort gjort å lage den. Det vanskelegaste er å piske eggekvitene, og det får du vel til? Slik gjer du det: Rabarbrapai 8 dl/400 g skylt og hakka rabarbra 175 g sukker 100 g smør eller margarin 100 g mandlar 3 små egg Sett omnen på 175 grader. …

Åfyttikatta!

Published by

Det har vore ein flott kveld, vi er smekkfulle av inntrykk. Mail er sendt til dei tyske vennane våre, med gratulasjonar og lykkeønskningar. Her er nokre bilde: Stemninga vart satt tidleg. Adgangsbeviset… Dette armbandet ga gratis drikke så mykje du klarte å helle innpå. To solo, to glas vin og ein del glas vatn vart vår kvote. Ein av dei maaange kanapéane… Litt frå dessertbordet… Didrik Solli Tangen sett frå VIP-tribuna. Ein kjendisopplevelse. Glade tyskerar.

Denne vil eg ha!

Published by

-fordi eg fortener det. I dag. 🙂

Ein fin dag!

Published by

For oss er 17. mai ein familiedag, vi møttest til frukost hos bror min og vandra vidare ut i dagen frå det eine til det andre som skjedde i byen og i nabolaget. Her har du to fine fetterar: Og to som var glade for å møtast: Og til slutt ein luring som ville vise tanta si kva han syntest om rabarbrageléen ho hadde lagd:

Suksessterte

Published by

Her er den siste stjerna du får presentert frå kaffebordet i fjortenåringen sin konfirmasjon: suksessterte. Den passar namnet sitt, den er alltid ettertrakta på kakebordet. Utfordringa ligg i kremen, den er det nokre som ikkje får til. Det er ikkje så rart, det er ein emulsjon som kan skilje seg, og vert det ikkje varmt nok så vert den ikkje fast heller. Trikset er å vere modig, og la eggeplommeblandinga verte litt varmare enn du trur den skal. Den skal boble litt, men det er heilt avgjerande at du rører heile tida, elles blir det eggerøre. Den bør også kolne før du piskar i smøret, og smøret skal vere romtemperert. Smør held seg godt nokre dagar på benken, så det er ingen grunn til å legge dette smøret i kjøleskapet. Eit anna husmortriks eg har lært er å ha litt maisenna i sukkeret. Eg har ikkje prøvd det, men det er jo verd eit forsøk. Slik vart suksessterta bakt: Suksessterte 5 eggekviter 200 gram melis 200 gram mandlar Krem: 5 eggeplommer 1 ¼ dl kremfløyte …

Kvæfjordkake

Published by

Kvæfjordkake måtte stå på konfirmasjonen, viss ikkje ville opptil fleire av gjestane bli misfornøgde. Slik vart den lagd: Kvæfjordkake 100 g smør 120 g sukker 4 stk eggeplommer 3 ss mjølk 160 g kveitemjøl 1 ts bakepulver 1 ts vaniljesukker Marengs: 4 eggekviter 200 g sukker 100 g mandelspon Fyll: 3 dl kremfløyte Vaniljekrem eller romfyll Rør smør og sukker kvitt, ha i eggeplommer og mjølk. Sikt saman mjøl, bakepulver og vaniljesukker og rør det godt inn i deigen. Kle ei stor langpanne med bakepapir og fordel deigen utover i et tynt lag. Stivpisk eggekvitene og ha i sukkeret. Pisk vidare til alt sukkeret er løyst opp. Hell marengsen over røra i langpanna. Strø 100 g mandelspon (hakka mandlar) over det heile. Steik kaka ved 180 grader til marengsen er stiv og har fått ein gyllen farge. Avkjøl. Piske fløyten stiv og vend inn vaniljekrem. Del kaka i to og legg kremen mellom flaka.

Pannacotta, vulkangelé og bondepiker

Published by

Pannacotta er mor sin favoritt, det blir liksom aldri feil. Dessutan er den enkel å variere, og det blir aldri mislykka. Eg likar den ganske mjuk, ikkje for stiv av gelatin. Denne oppskrifta er stor, det vart sikkert nærare 40 enkeltporsjonar. Slik gjorde eg det: Pannacotta med skogsbærsaus 3 liter fløte, eg brukte kokefast 20% fløte 1/2 liter naturell biola yoghurt 2 dl sukker 2 kanelstenger 2 ts vaniljesukker med ekte vanilje 10 plater gelatin Til sausen: 8 dl skogsbær 2 dl vatn 2 dl sukker 1 ss maisenna Kok opp fløten med biola, kanelstenger og vanilje. La det stå og trekke ein snau halvtime. Bløyt gelatinen i ei skål med vatn. Kryst vatnet ut av gelatinplatene og ha dei i fløtemassen medan du rører godt. Ha massen i eit litermål eller ei mugge, då vert det lettare å fordele i porsjonsglas. La pannacottaen stivne i kjøleskap. Saus: Kok opp bæra med vatn og sukker. Bland ut maisennaen i litt vatn og ha i den kokande sausen medan du rører godt. La kolne. Hell over …