Billig mat, Hvitt kjøtt: kylling og kalkun, Middag, Tilbehør
Kommenter innlegget

Ovnsbakt kylling


Her er ein enkel kyllingrett som eg lagde tidlegare i veka.

Den lokale butikken hadde heil, stor kylling til tilbod, og då er eg ikkje vond å be. Eg delte den opp, krydra den og serverte den med bakte poteter og tomatar. Det fine med denne «komposisjonen» var at eg lagde alt i omnen, ingen gryter å vaske opp etterpå. Potetene og kyllingen lagde eg i same form, og tomatane bakte eg på eit lite eldfast fat då det var ti minutt att av steiketida. Slik gjorde eg det:

Ovnsbakt kylling til tre personar

Ein stor kylling, ca. 1,2 kg.

Ein sitron

Salt og peppar

2 fedd kvitløk

urtesalt, gjerne heimelaga

Olivenolje

8 mandelpoteter

250 g cherrytomatar

Set ovnen på 220 grader.

Kutt låra av kyllingen, og del dei i to i leddet. Legg dei i ei romsleg eldfast form. Kutt av vingane og, og legg dei i forma. Del skroget i to langs brystbeinet, og skjer bort alt unntatt brystfiletane med ribbeina på. Del dei og i to, og legg dei i forma.

Press eller finhakk kvitløken, og ha den i oljen saman med rive sitronskal og safta av ein halv sitron. Kna det litt saman før du fordeler det over kyllingbitane. Dryss rikeleg med salt og peppar på.

Del potetene i to på langs og ha dei i ein bolle. Ha ei raus teskei urtesalt i 3-4 ss olivenolje, og bland godt. Slå urteoljen over potetene og vend det heile rundt slik at alle potetene er dekt av olje og urter. Legg dei i forma ved sidan av kyllingbitane. Fordel det som er att av urteoljen over potetene og sett det heile i ovnen på 220 grader i 30-40 minutt.

Del tomatane i to, og legg dei på eit eldfast fat. Ringle over olivenolje, og dryss på salt og peppar. La dei bake øverst i ovnen dei siste ti minutta av steiketida til kyllingen. Flytt kyllingen lenger ned viss det vert trangt.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s