No er det mogeleg å gjere seg eit smalhans-kupp. I dag byrjar Mammut-salget, og der finn du Smalhans – boka mi om god mat for trange tider, til berre kr. 149,-! Så då er det tid for å skaffe seg eit eksemplar eller tre for å ha liggande som gåver og gleder. Der er andre bra bøker og i år, eg vil særleg framheve Anne Spurkland si bok Frie kaker. Den er full av oppskrifter der ein brukar andre ingrediensar enn dei tradisjonelle, for å tilpasse maten til gluten-, egg- eller mjølkeallergikarar. Og omtrent alle andre allergiar og intoleransar du kan tenke deg. Flying cirkus er også ei artig bok, det eg likar med den er at den gjer deg flinkare til å variere oppskrifter etter kva du har i kjøleskapet, framfor å slavisk følge ei opplisting frå topp til tå. Den lærer deg mykje om teknikkar og ingrediensar, og er eit nyttig hjelpemiddel på kjøkkenbenken. Morten Schakenda si bakebok er også eit sikkert kort, mykje nyttig kunnskap om råvarer og teknikkar der og. For …

Det har etter kvart vorte ein tradisjon at eg presenterer matbøker som ein bør få med seg på årets Mammutsalg. Eg får mange kokebøker til gjennomlesing, og då er det greitt å formidle kva av dei som er verd å ta vare på, og kva ein bør la fare. Vilt og velsmakende av Brith Bakken er ei fin bok viss du av og til får vilt i huset. Den har mange gode oppskrifter med nye vriar på kjende tema, og fine bilde. Alt som kan haustast i naturen, både bær, sopp, fisk og vilt finn du oppskrifter på her. Boka er ei nyutgjeving av ei gamal bok, så viss du syns tittelen høyrest kjend ut, så sjekk i hylla før du handlar. Har du den ikkje frå før, så er denne boka vel verd pengane. Stor kokebok for større og mindre husholdninger av Henriette Schønberg Erken er verkeleg den store Schønberg Erken-boka. 920 sider, ikkje noko knussel her. Bestiller du denne i posten heim bør du ta bil, for ho er tung. Men det er …

Eg hadde gløymt å sette ein frist for deltakinga i konkurransen om å få Frie kaker av Anne Spurkland. Gå inn i dette innlegget, og legg att ein kommentar om at du vil vere med før midnatt i morgon. Dersom du fortel om konkurransen i bloggen din og lenkar hit får du to lodd, det same får du viss du deler på facebook. I så fall må du seie frå her, slik at eg får telt det med. Fyr laus, og få bok! 🙂

Milde gåver er alltid av det gode, og no har eg fått ei gåve som eg gjerne vil gje vidare. Eg har fått boka Frie kaker av Anne Spurkland. Denne boka er gitt ut på Spartacus forlag, og inneheld oppskrifter på kaker utan ulike ingrediensar som enkelte er allergiske mot, eller som ein ganske enkelt ikkje har i skapet. Sjeldan har eg funne ei så genial bok! Kokebøker er så mangt. Nokre er luftige i teksten, du får 50 oppskrifter for 300 kroner, og masse fine bilde. Det er fint og flott, men ikkje særleg økonomisk og praktisk. Anne Spurkland si bok er på ein annan planet. Den er tettpakka med faktastoff, den er lekker og gjennomarbeida, og den inneheld enormt mange oppskrifter, minst 150, utan at eg har telt. Den er også utruleg variert, med alt frå dei alminnelege ostekakene og muffins til gulrotkuler, pakora og ei lang rekke rå kaker lagt etter raw food-prinsippa. Har du ein allergikar i huset, i vennekrinsen eller ganske enkelt av og til går tom for basale ingrediensar …

I dag byrjar Mammutsalget, og eg vil berre minne om denne lista, som du kanskje vil ha glede av. Er du på utkikk etter barnebøker har mammadamen ei fin liste over dei ho anbefalar. Eg veit iallfall kvar eg skal tilbringe lunchen i dag, det blir nok i den lokale bokhandelen!

No er det like før Mammut 2011 brakar laus, det store boksalget som kjem kvart år i februar. Eg har gått igjennom katalogen, og funne fram nokre perler til deg som du bør sikre deg viss du delar kokeboksmak med meg. Morten Schakenda si første, store bakebok  er på mammutsalg i enkelte butikkar. Eg har mellom anna sett den i Norli si liste. Det er ei flott bok, men sjekk at du ikkje får første opplag, der er det nokre trykkfeil med doble kryddermengder og andre ting som kan vere noko forvirrande. Sett bort frå trykkfeila er det ei inspirerande og morsom bok som verkeleg gjev lyst til å ta fram mjøl og forkle. Norli har også lagt ut Sølvskjeen på mammutsalg. Sølvskjeen er det italienske motsvaret til den rutete kokeboka for norsk mat, og Larousse for fransk. Denne boka er eit flott standardverk med andre ord, med over 2000 oppskrifter frå heile Italia. Den utkom første gong for over femti år sidan, og har etter det lege på salgstoppen for kokebøker i Italia meir …

Samlaget har gjeve ut denne boka, som har selbuvottar av alle variantar som tema. Boka er opprinneleg skriven på engelsk, av amerikanske Terri Shea. Ho har fått hjelp av Annemor Sundbø til omsetjing og fagleg støtte. Annemor Sundbø har også mange av dei vottane som er presenterte i boka i si private vottesamling. Boka kom først ut i USA. Eg syns dette er ei imponerande bok. Først og fremst er det artig at ein amerikansk dame har teke tak i denne tradisjonen og skrive ei grundig og breitt anlagt fagbok om den. For det andre er den ein flott gjennomgang både av det historiske bak selbuvotten og kreativiteten i mønster og utforming. Det er lenge sidan eg har strikka, men denne boka gjev meg verkeleg lyst til å ta fram spøtet. Kvart votteprosjekt er overkomeleg, og med så gode oppskrifter som dei du finn i denne boka er det lett å kome i gang.

Margit Vea har laga fleire kokebøker, alle eg har funne er konsentrert om oppskrifter for barn, eller mat til barn. Denne gongen har eg fått boka “Kjøkkenpatruljen” frå CappelenDamm. Margit Vea har ein ledig og fin stil, og oppskriftene hennar er ei fin blanding av tradisjon og nyskaping. Her finn du oppskrift på frikassé og prinsefisk, saman med wraps og smoothies. Eg har ikkje mykje å bemerke til oppskriftene, dei virkar gjennomarbeida og grundige. Viss eg skulle bruke lasagne-oppskrifta ville eg ha dobla mengda ostesaus, elles er det meste i fornuftige proposjonar og ikkje for komplisert. Boka er godt, om enn ikkje så veldig kreativt utforma. Den er lett å forstå og å bruke. Siste delen av boka er lagd spesielt for barn som er på sjølvstyr i kjøkkenet, og den gir både ei innføring i grunnteknikkar, kva utstyr ein skal bruke og til kva, og grunnreglar for å arbeide i eit kjøkken. Eg likar spesielt forslaga til kva oppgåver barn på ulik alder kan gjere når ein lagar mat med dei. Eg likar også …

Andreas Viestad har gitt ut fleire kokebøker, og stort sett har dei gitt meg kjensla av å vere matspaltene oppattrykt. Det er slett ikkje dumt, eg samlar ikkje på magsinet, men likevel har det vore litt “ferdigtygd” materiale. Difor var eg skeptisk då eg fekk denne boka i hende. Men så feil kan ein ta. Ja, eg kjenner att nokre av oppskriftene, og tematikken hans er ikkje ny. Men det han gjer er utruleg bra. Eg har eit snev av skepsis til råvareromantikarar og folk som meiner at den dyraste maten er den einaste som går an å ete. Likevel klarer Viestad å sjarmere meg med dei rufsete og enkle oppskriftene sine og dei slentrande tekstane. Måten han beskriv griseslakting på er slik at ein faktisk får lyst til å slakte. Etter å ha lese denne boka er ingen kaniner i nabolaget trygge. Geitekidd er frå no av ei delikatesse som ein berre må få med seg. Eg finn ingenting matfagleg å ta han på, oppskriftene er grundige og nøyaktige. Fagstoffet om urter, grønsaker og …

Odd Ivar Solvold har saman med Terje Svendsen skrive boka Smak. Boka er utgjeven på Cappelen Damm. Solvold presenterer sin matfilosofi på ein enkel og lett forståeleg måte. Han legg vekt på gode råvarer, og let valga av kva han skal lage styrast av kva råvarer som er i sesong og av topp kvalitet. Samstundes er boka velsigna praktisk lagt opp. Her finn du kvardagsmiddagar med ris og pasta, bakverk, lekre dessertar og eit flott tapas-kapittel. Norsk mat skriv han og om, og har sine eigne vriar på kjende klassikarar. Boka er lagt opp slik at oppskrifta står først, så eit lite stykke om råvarer og teknikkar, og så til slutt drikkeforslag og forslag til alternative råvarer. Alt er lekkert men samtidig ujålete presentert. Pølser og burgerar får plass side om side med Den Store Skrytemiddagen. Det er noko som kan likne på notatlinjer på bildesidene, men eg ville aldri ha hjerte til å notere i denne fine boka. Eg kunne ønske meg noko større kontrast i mellom tekst og bakgrunn for å gjere den meir …

Cappelen Damm har gjeve ut inspirasjonsboka En smak av høst. Forfattarane er Kari Finngaard, Gudrun Ulltveit og Kari Renberg. Dette med forfattarane forvirrar meg litt, boka har tre avsendarar på omslaget, men inne i boka har dei fleste tekstar “jeg”-form. Det er berre ein liten detalj, men avsendarperspektivet vert uklart for meg som lesar. Sjølve boka er lekker, flotte, ikkje for glorete bilde, tiltalande layout og enkel og lesbar tekst. Oppskriftene er grundige og presise, og utvalet er ei fin blanding av tradisjonelle klassikarar og meir nyskapande ting å lage. Dei har overvekt på det søte, skulle eg pirke kunne eg kanskje tenke meg fleire oppskrifter på mat som ikkje er søt, men som inneheld ting som ein haustar. Bakerst i boka er det også nokre døme på kransar og anna pynt som ein kan lage med haustmateriale. Eg får aldri sett slike planar ut i livet, men presentasjonen og idéane er veldig gode. En smak av høst er ei upretensiøs men gjennomarbeida bok som inspirerer til å ta vare på grøda på mange ulike …

Eg har fått tilsendt En smak av Norge frå Schibsted forlag, ei praktbok av Cecilie C. Sandberg (tekst) og Nancy Bundt (foto). Boka har stort format, og er skikkeleg tjukk, over 300 sider. Den er ei reise rundt om i landet, med oppskrifter av ulik karakter. Eg trudde først at den omhandla berre lokal matskikk, men det gjer den ikkje. Den har noko lokal mat og, men det er mykje “finmat”, skalldyr, brulée, carpaccioar og parfaitar. Grunnen til det er at boka eigentleg er hotellreklame. De historiske hoteller har vore vertskap for forfattarane, så dette er typisk hotellmat. For meg gjer det boka litt uinteressant. Oppskriftene er så vidt eg kan sjå veldig gode, nøyaktige og presise. Men dette er kompliserte rettar, å lage dei krev mange operasjonar. Du finn ikkje mange oppskrifter på kvardagsmat i denne boka. Boka er vakker, bilda er nydelege, og som turistreklame er den uovertruffen. Men ei kokebok er den eigentleg ikkje. Den er ein imponerande presentasjon over flinke matfolk på hotell og restaurantar rundt om i landet, men den …

På lågbudsjett? Schibsted har boksalg denne veka, norsk og engelsk litteratur, fakta og ungdomsbøker til ein billig penge. Har du fossa igjennom heile bokhylla, eller freistar ikkje det som står der, så kan du ta ein tur innom Apotekergata 12 viss du er i Oslo. Fint gamalt hus er det og, artig å kome inn i slike. Dei har ope frå 11 til 18 torsdag og fredag denne veka, og 11-15 på laurdag. God ferielesnad!