Bokmeldingar, Noko søtt
Kommenter innlegget

Sverre Sætre: Den store kakeboka


Den store kakeboka er akkurat det tittelen seier, verken meir eller mindre. Eg har vel aldri sett ei så omfattande kakebok, som famnar både norske tradisjonelle oppskrifter, franske spesialitetar og basisoppskrifter for alle typer deigar, kremar og pynt.

Sverre Sætre har verkeleg gjort ein kjempejobb med å samle, prøve ut og å presentere eit fantastisk utval av kaker. Du finn alt frå Kvæfjordkake til suksessterte, frå fruktterter til julebakst, frå eclaires til vørterbrød. Skilnaden på muffins og cupcakes får du også lære.

Oppskriftene er nøye nok til at alle kan klare å bake etter dei, og likevel enkle nok til at det ser overkomeleg ut. Dette er ei bok både for røynde bakarar og for nybegynnarar.

Det er svært lite å sette fingeren på i boka. Etter ei nøye gjennomlesing så kan eg konstatere at han lagar gulrotkake med olje utan salt, det ville ikkje eg gjort. Langpannesjokoladekaka hans blir nok litt tynn, iallfall med standard langpanner. I ei lita langpanne blir den fin. Bortsett frå slike petitesser så er eg veldig imponert over denne boka.

Finn du denne boka under juletreet kan du rydde i bokhylla, den erstattar iallfall tre-fire ulike bakebøker som eg har samla på meg igjennom åra. Finn du den ikkje, så unn deg den som nyttårsgåve til deg sjølv. Fordi du fortener det.

This entry was posted in: Bokmeldingar, Noko søtt

av

Kvinne, bur i Oslo, lever med mat, musikk, dufter, ein liten hage, gjer mitt beste for å nyte livet.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s