Kunst, Lykke
Comments 5

Romantisk laurdag


Har eg fortalt deg om forrige laurdag?

Det skjedde sikkert mykje i byen då, men det min kjære og eg var med på var opninga av gangbrua over spora på Oslo S, brua som går frå Grønland, Annette Thommessens plass og over til Bjørvika. Brua har teknisk sett fått det prosaiske namnet Stasjonsinngang Øst, fordi det med tida vil kome trapper ned til stasjonsspora frå den.

Denne gangbrua vart altså opna med ordførar og pomp og prakt, og det var mange arrangement i området for å markere dette evenementet. I tillegg var det bestilt eit performancekunstverk av kunstnarduoen Stian Ådlandsvik & Lutz-Rainer Müller.

Dei lagde verket Bakomland, som skulle vere med på å prege opninga. Verket skulle vere eit kjærleikserklæring til menneska, prosjektet og byen, og besto i at ca. 50 kjærestepar skulle stå på brua og kysse og kose medan folk som kom for å gå over brua passerte. Vi vart oppringt av eit castingbyrå, fordi dei sleit med å finne folk over førti som ville kysse.

Vi ville altså, så difor tilbrakte vi laurdagen frå to til fire kyssande og kosande på gangbrua. Den beste/verste kommentaren var det ei dame i femtiåra som kom med då ho såg oss: Her står det jammen meg gamle folk og kliner også! (Gamle, vi? Vi er jo i vår beste alder?)

Lurer du på korleis det var å kysse i to timar? Det var veldig fint, særleg fordi eg har den finaste kjærasten i heile verda.

This entry was posted in: Kunst, Lykke

av

Kvinne, bur i Oslo, lever med mat, musikk, dufter, ein liten hage, gjer mitt beste for å nyte livet.

5 Comments

  1. Haha, dette kunne vi gjerne vært med på også. Kjæresten min er verdens beste kysser, synes nå jeg.

    Likar

  2. Denne posten må ha gjort et sterkt inntrykk – så sterkt at jeg faktisk drømte om deg og din kjære i natt! Dere var veldig forelska, også i drømmen 🙂

    Likar

  3. gryda: Det er eg sikker på! 🙂

    slikejenter: Å, eg manglar ein slik liker-knapp på kommentarane mine! 😀

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s