Det var utruleg kjekt å vere med på Førkveld i går.

Hanne Frosta, som driv restauranten Hanne på Høyden på Nygårdshøyden i Bergen tok hand om meg på beste vis. Ho er så proff! Sjølv om eg prata i veg så handterte ho det heile med stø hand, og sytte for at vi kom i mål slik vi skulle.

Eg vart på toppen av det heile sminka av den flinkaste sminkedama eg nokon gong har støtt på; Gerd Karin.

Ho har ei utruleg imponerande merittliste, den “gildaste” autografen ho hadde på veggen var frå Bing Crosby, slå den!

Suppa som Hanne og eg lagde var omtrent slik:

Hannes kortreiste kyllingsuppe

4 kyllinglår

2 gulrøtter

1 paprika

2 eple

2 stilkar stangselleri

1 stor løk og 1 liten

1 kvist rosmarin

3 kvistar timian

1 ss ramsløkpuré eller 1 fedd kvitløk

1 boks tomatar, knuste

2 ts honning

Salt og peppar

Skyll kyllinglåra, og ha dei i ei gryte saman med ein løk samt avskjer/skrell av grønsakene. La dette trekke i 90 minutt. Ta ut låra og la dei kolne. Sil frå krafta, og kast grønsakene.

Rens og kutt fint løk, gulrøtter, paprika, eple og stangselleri. Fres dette i olje i nokre minutt. Slå på krafta og tomatane. La det heile koke til grønsakene er nesten møre. Rens kyllingen og del kjøtet i suppebitar. Smak til med ramsløkpuré, honning, salt og peppar. Ha kyllingen tilbake i gryta og gi det heile eit raskt oppkok.

Bilde av suppa? Det rakk eg ikkje å ta. Eg måtte springe for å rekke flyet! 🙂

Edit: 816789