Ferie, Reise
Comments 4

Vakre Jersey


Vi kom med båten hit seint i går, saman med ein gjeng engelskmenn som hadde vore i Frankrike for å drikke seg fulle. Intet er nytt under solen. Den stormen som ifølge nettavisene herjar sørlandet i dag var her i går, så dei sleit litt på båten, desse fulle engelskmennene. Ein del krabbar vart mata under den ein og ein halv times lange overfarten.

IMG_9051Det lysna utover kvelden, og vi fekk ein ekstra time på grunn av GMT, så det var ein perfekt dag for familien B-menneske. Deilig mat på hotellet fekk vi og. Eg betalte ti pund ekstra for havutsikt, og det var det verd. 

I dag kjøpte vi eit universalkort med det lokale busselskapet, som gjev rett til å reise ubegrensa for 14 pund for ein familie. Ein god deal, spør du meg. 

Dei har tre turistruter, gul, raud og blå, som går innom forskjellige utsiktspunkt og attraksjonar, og som endar tilbake i «hovudstaden», St. Helier.

IMG_9041Vi tok den blå til å byrje med, den går nordvestover. Der kom vi til eit gamalt slott som hadde ramla saman, etter at franskmennene okkuperte det seint på 1300-talet.

Slottet var berre ein ruin, men det låg midt i denne fantastiske enga av lyng! Fargane kan ein berre drøyme om å attgje med kamera, det var så intenst lilla, og så mange sjatteringar at vi vart berre ståande å glo. Vakkert!

Stien ned mot slottet var kransa av bjørnebærbusker, der vi fann mange modne bær. Krattet var heilt ugjennomtrengeleg, så det går mykje god bær tapt. 

Det var stor skilnad frå i går, då vi besøkte Mont St. Michel, og i dag, då vi besøkte denne gamle ruinen saman med fire-fem andre. Men det er litt av kosen syns eg, å sjå ulike ting, og å la seg overraske av det ein finn der ein kjem.

IMG_9045Det gjekk ein sti austover, og den gjekk vi. Stien gjekk langt oppå ei klippe, det minte meg mest om Runde, sjølv om det her er tettare og meir temperert vegetasjon.

Spaserturen tok ein halvtime, og då kom vi til ein liten kafé som serverte lekker heimelaga mat. Vi fekk oss eit deilig måltid der, med te i kanner og cherry poundcake til dessert. 

I kveld tek vi livet med ro, akkurat no er dei tre andre i bassenget medan eg held kontakta med omverda. Det kan godt hende vi et på hotellet, dei har veldig god mat her.

I morgon skal gutta bade meir, og jentene skal shoppe, før båten går tilbake til Bretagne på ettermiddagen. 

 

This entry was posted in: Ferie, Reise

av

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

4 Comments

  1. Jersey er et utrolig flott sted. 🙂 Begynner å bli en del år siden sist jeg var der og en ny tur frister, det skal være visst. Noe av det mest fascinerende for meg var å observere forskjell mellom flo og fjære. 😀

    Fortsatt godt opphold. 😀

    Likar

  2. Nydeleg stad å vere! Hugsar vi skulle på stranda i Bonne nuit bay, men måtte vente på fjøre sjø så der faktisk vart ei strand…

    Likar

  3. Å, Jersey er SÅ fint, jeg bodde der fire uker i sommer, på språkreise! Har skrivd om det på bloggen min også 🙂

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s