Duft
Comments 3

Frederic Malle: Musc Ravageur


No har eg teke eit langt steg inn i parfymeverda, inn i den delen der ein ber parfyme for sin eigen del, ikkje for nødvendigvis å få kompliment frå dei rundt seg. Mange klassiske dufter er så til stades, så skarpe eller så animalske at dei rundt deg lett kan rygge når dei kjenner dufta du har på deg.

muscMusc  Ravageur frå Frederic Malle er av det animalske slaget. Den har noko villt, dyrisk over seg, som både er mannleg og kvinneleg på same tid. I byrjinga er den ikkje så kroppsleg, då har du ei sky av lavendel, sitrus og vanilje rundt deg. Opninga har noko gamalmodig over seg i mi nase, det skuldast nok lavendelen, som eg forbitt med gråhåra menn. Beklagar, min assosiasjon, eg veit at mange likar lavendel svært godt.

Vidare ned i dufta så kjem dei tunge, men også spennande musknotane fram, saman med ein god porsjon vanilje. Musken balanserer den søte vaniljen, og gjev djupn og kompleksitet til dufta. Musc Ravageur er slett ikkje påtrengande, kanskje med unntak av den første halvtimen. Då lever den opp til namnet sitt, som betyr noko i retning av invaderande, skadebringande. Men når den har fått rast frå seg kan du til og med gå på foreldremøte med den, som eg gjorde i dag.

Innimellom så luktar eg røyk, fest og alt som høyrer med, men berre som eit vindkast forbi. Kan hende er det mine assosiasjonar til åttitalsfestar med menn som brukar Fahrenheit som spelar inn. Musc Ravageur kan minne litt om Fahrenheit, den gamle versjonen. Den versjonen som no er å finne i butikkane er gjort store endringar på, så åttitalskjensla er der ikkje lenger i same grad for min del. Men eg opplever Musc Ravageur som meir kvinneleg og meir tiltalande enn Fahrenheit, den er mindre «grøn», og har meir sødme.

I avslutninga er Musc Ravageur berre ei varm, omfamnande kjensle, ei duft du kan synke ned i, helst saman med nokon som likar den like godt som du.

This entry was posted in: Duft

av

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

3 Comments

  1. Har lest en omtale av denne på Basenote eller POL i dag. Ser rekti så fristende ut, ja.
    Jeg for min del parfymerer meg stort sett bare for meg sjøl, jeg. Han mannebeinet mitt har lite nese for de finere nyanser når det kommer til parfyme 😆

    Likar

  2. Joda, jeg hadde også lest om denne på Basenotes osv, og kastet meg over den på Liberty. Ble sørgelig skuffet, men det sjelden musk klaffer på meg. Imidlertid skulle jeg gjerne likt å snuse på en mann med Musc Ravageur .. 😉

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s