Livet, Lykke
Comments 6

Det som gjer meg heldig

Arachne hadde ein fin post i går om dei tinga ho gler seg over. Gunn Hild Lem (Arachne) mista mannen sin i april i fjor, han døde av kreft. Likevel har ho klart å halde blikket festa framover, og med gode hjelparar rundt seg har ho skapt seg eit nytt liv. Det ho skriv rører meg, spesielt fordi eg sjølv er i ein overgangsfase som opplevest som dramatisk sjølv om alle vi involverte har gjort vårt beste for at det skulle gå greitt.

I dag er det min tur til å lage ei liste over tinga eg gler meg over, dei tinga som gjer at eg kjenner meg heldig og glad. Her er den:

1. Eg har to fantastiske barn. Dei gjev meg så mykje på alle vis, vi kan snakke om alt, og vi ser kvarandre.

2. Eg valte rett mann å bli skilt frå. Han samarbeider, opptrer ryddig, tek initiativ og gjer alt han kan for at dette skal bli bra.

3. Eg har ein fin jobb med flotte kollegaer, samarbeidspartnarar og folk som har blitt nære vennar. Enkelte av dei blir til og med tvungne til å lukte på meg når eg har fått ny parfyme, utan at dei protesterer. Fantastisk.

4. Eg har to friske, aktive foreldre som stiller opp når eg treng dei.

5. Om ein person skulle vandre inn i livet mitt som eg falt for så veit eg at eg har både evne og vilje til å elske og å bli elska.

6. Eg har vennar som eg kan ha «heavytalk» med når eg treng det, og i det siste har det vore ofte. Takk, dokke veit kven dokke er.

7. Det er sykkelver, juhu!

8. Og snøen smeltar!

Kva er dine gleder for tida?

This entry was posted in: Livet, Lykke

by

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

6 Comments

  1. Vise råd på en fredag.
    Mine gleder er:
    1. Snart ferdig fra forkjølelsen som har vært plagsom i mange uker.
    2. Har frihelg og kan sove så lenge jeg vil.
    3. Skal gå tur og nyte vårværet.
    4. Fullføre oppussingen av stua.
    5. Klemme ekstra på mannfolket og to tildels motvillige avkom.

    Fin fredag! 😀

  2. Det er viktig å telle sine gleder, og Arachne skriver godt.

    Her er mine:
    1. Jeg har FIRE fantastiske barn. Blir bare mer imponert over dem for hver tid som går.
    2. Jeg har to fantastiske barnebarn, som jeg må prøve å få besøkt snart. Mannfolket var på besøk for litt siden, da han hadde et ærend i Oslo.
    3. Jeg har hatt en slitsom, men svært inspirerende og lærerik uke sånn jobbmessig sett.
    4. Mannfolket holder fortsatt ut med meg (og vice versa)
    5. Jeg har MANGE flotte bøker i en stabel, som jeg gleder meg til å lese.
    6. NÅ GÅR DET MOT VÅR! Hva mer kan en hagegal forlange…

  3. Arna ;-) says

    Jeg følger på, og har sittet og sjonglert med rekkefølgene, men funnet ut at det er helt umulig å rangere, derfor er dette helt uprioritert… dog en viktig ting først:
    1. Jeg får MASSE energi av å lese bloggen din og koser meg med den så ofte jeg kan. Takk skal du ha.
    2. Mine barn som jeg elsker og ser blir eldre, klokere og mer sjarmerende for hver dag. Herlig!
    3. En kjæreste som tuller like mye som han er alvorlig.
    4. Et arbeid hvor jeg har lov til å stille så mange spørsmål jeg bare vil…
    5. Et idrettslag med både unge og eldre utøvere som gir masse energi og glede.
    6. En dag som bare blir lengre og lengre. Var klokka virkelig 5 da jeg kjørte hjem fra jobb?
    …og slik kan ma bare fortsette.

  4. Godle says

    Du er ei utruleg kvinne som evner å sjå det beste i det meste.
    Eg kikkar innom bloggen din slik av og til. Då les og lyttar eg til alt du har blogga om. Og nyt kvart ord, kvar song, kvar oppskrift og alt du skriv om.
    Min kvardag er som åleinemor på 15 året, og no sjølvbuande.Berre meg!! Min kvardag gjev glede i mest alt eg ser og nyt ute i naturen. Spirande groe. Små barn. Vakre menn. Muntre blikk. Og ikkje minst jobben som inneber kontakt med masse, masse flotte menneske.

  5. Takk, alle saman, og spesielt takk til deg, Godle! Vakre menn og muntre blikk – det blir ikkje betre enn det! 🙂

Leave a Reply