Billig mat, Fisk, Middag
Comment 1

Rask fiskegryte med laks og scampi


Denne middagen vart til etter at eg hadde fått med meg heim ein boks med scampi frå ein fest vi var på som ikkje vart oppetne. Eg er glad i å utnytte restar, så då lagde eg ei deilig fiskegryte med scampiane og litt laks som låg her.

Ein tenker ofte at det må vere 200 g fisk eller kjøt til kvar person. Dermed kan ein utsette å bruke restar, fordi ein tenker at det er ikkje nok. Men det gjeld ikkje viss du brukar det i ei fyldig gryte med god saus og masse fine grønsaker. Sausen og tilbehøret dryger kjøtet eller fisken, så det er meir enn nok med mellom 100 og 150 g fisk eller kjøt.

Denne gryta er også fort gjort å lage, fordi den berre inneheld grønsaker som treng kort koketid. Eg lagde den på rekekraft, her ser du korleis du gjer det. Bytt ut vassmengda med rekekraft, viss ikkje krafta er veldig innkokt. Slik gjorde eg det:

Rask fiskegryte til fire

500 g laks

200 g scampi, kokte og rensa

200 g sukkererter

2 gulrøtter

15 cm purre

Hummerfond eller rekekraft

4 dl vatn

1 pakke kremfløte eller eit beger creme fraiche

Salt og peppar

Rens grønsakene og skjer dei tynt. Rens laksen og del den i passe store bitar. Kok opp vatnet med kraft eller fond og ha i laksen. La det koke i eitt par minutt. Ha i gulrøttene og purren saman med fløte eller creme fraiche. La det heile koke litt til før du har i sukkererter.

Heilt til slutt, rett før servering, smaker du til med salt og peppar, og har i scampiane. Har du ikkje scampi kan du bruke pilla reker, helst ferske eller frosne som har fått tint. Server med kokte poteter.

This entry was posted in: Billig mat, Fisk, Middag

av

Kvinne, bur i Oslo, lever med mat, musikk, dufter, ein liten hage, gjer mitt beste for å nyte livet.

Éin kommentar

  1. Du hekje vurdert kokke-yrket??? Eller er det nåke ej ikkje veit om kanskje (asso, er du det allereie)??

    Fe ofte vatn i munnen av å lese bloggen din asso. Syns at du kunne hatt en konkurranse ej, der man kan vinne Alt godt for en dag ;p
    Hadde ikkje hatt nåke i mot både selskap og lært å lage ny, god mat 🙂

    Du imponera mej stadig skal du vete 🙂

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s