Month: mars 2011

Hovudretten: Torsk med raud pesto

Published by

I går fekk du forretten til jentemiddagen min, i dag kjem hovudretten, naturleg nok. Denne middagen er fri for kumjølk. Ostane eg har brukt er basert på sauemjølk eller bøffelmjølk, dei toler dei fleste mjølkeallergikarar godt. Raud pesto lagde eg sjølv, den du får kjøpt på glas er heilt ok, men er ofte tilsett mjølkeprotein og så er det brukt parmesanost. Til torsken serverte eg sauterte brekkbønner med pastinakk og purre, og ein bulghursalat. I bulghursalaten vende eg inn finhakka purre, paprika og litt raudløk som har fått ligge i eddik. Har du glutenallergikarar til bords, kan dei spise heile menyen unntatt bulghursalaten. Bulghurgryn er knuste, dampa og tørka kveitekorn. Dei er rike på mineralar og fiber, og er eit fint substitutt til ris eller pasta. Slik gjorde eg det: Raud pesto 100 g soltørka tomatar, bløytte og avrente 1 ss tomatpuré 3 ss riven pecorinoost 3 ss pinjekjerner Olivenolje Rist pinjekjernene i tørr steikepanne til dei har fått ein gyllen farge. Ha avrente soltørka tomatar, riven ost, pinjekjerner og tomatpuré i ei matmølle, og køyr …

Gratinerte asparges

Published by

Eg hadde nokre damer på middag i går, så eg var på leit etter ein fin forrett, utan kumjølk, skalldyr og nøtter. Ein kollega tipsa meg om denne varianten av gratinerte asparges, og den likte damene veldig godt. Eg la til litt syre, i form av ein søtleg fikeneddik som eg kjøpte i Kiel i haust. Bruk gjerne litt vin eller litt sitronsaft og vatn viss du vil ha den litt syrleg som eg vil. Slik gjorde eg det: Gratinerte asparges Ein bunt asparges Ein bøffelmozarella 100 g spekeskinke 1 ss søt eddik Knekk aspargesane der dei knekk naturleg. Lind saman to og to med ei skive spekeskinke. Legg dei tett i tett i ei eldfast form. Ringle over eddiken. Riv mozarellaen i små bitar og fordel dei utover forma. Gratiner det heile i 10 minutt på 200 grader til osten er gyllen og fin.

Omelett med sukkererter og soltørka tomatar

Published by

Dette er ein lekker og saftig omelett som vart til ein dag då eg var heime med skallebank, og femtenåringen kom heim holsvolten. Eg tok det eg fann i kjøleskapet, og det vart ganske godt, om eg skal seie det sjølv. Trikset er soltørka tomatar og rikeleg med ost for å gje smak. Kjøt var ikkje med i opplegget, nemleg. Soltørka tomatar har denne rike, nesten kjøtaktige smaken som gjer at omeletten smakar heilt fantastisk. Denne omeletten er vegetarisk, såframt du er lakto-ovo-vegetarianar. Slik gjorde eg det: Omelett med sukkererter og soltørka tomatar 4 egg 10 sukkererter Ein stilk vårløk eller to cm purre 3 ss finhakka soltørka tomatar, enten bløytte eller på olje 1/2 ball mozarella 20 g riven parmesan 1/2 dl vatn Salt og peppar Smør eller anna matfeitt til steiking Knekk egga i ein bolle. Ha i salt, peppar og vatn. Pisk lett saman. Finhakk løk, og del sukkerertene i passe store bitar. Fres dette på middels varme i smør. Slå eggeblandinga over grønsakene, og slå varmen ned på svak varme. Ha …

Nei, no må vi le litt

Published by

Som eg har skrive om her tidlegare, så var vi nordafor i helga. Nordlendingane er kjende for ein røff og direkte humor, og det fekk vi mange døme på i løpet av turen vår. Vi vaks opp med Oluf, lese høgt av hikstande foreldre. Ja, dei las Aukrust og Eskeland og, for ikkje å snakke om desse som tulla med politikarane på syttitalet, huskar ikkje kva dei heitte. Men Oluf står i ei særstilling. Sommaren 1980 slo mor mi ut håret, og investerte i Postens sommerkassett som underhaldning på den nesten 1500 kilometer lange køyreturen til Målselv. «Skal du sett i sommar, så sett i Alta» er framleis gangbar familiehumor i vår familie. Difor tenkte eg at det ville vere passande å dele denne med deg. Kos deg!