Det aller enklaste var det eg hadde lyst på i dag: Eit middels stort egg, lagt i kokande vatn, kokt i fem minutt, lagt på ei rista skive med smør og flaksalt over. Etter at bildet vart teke kverna eg litt svart peppar over, skar opp ein tomat og koste meg. Lett! Eg har ikkje heilt bestemt meg for korleis eg skal feire dagen i dag, men iallfall: Gratulerer med dagen, alle dokke herlege damene som stikk innom her! Og til alle dokke herlege mennene som også stikk innom: Sett pris på damene rundt dokke, alltid, men særleg i dag. Det har vi vel fortent?