Billig mat, Fest, Mat, Middag
Comment 1

Frikassé og fårikål

Av og til er det enklaste det beste. Frikassé og fårikål er døme på det, begge delar er enkle rettar å lage, ein må berre ha litt tid. Men ein sopptur i skogen har du tid til, medan fårikålen eller fårefrikasséen står og putrar på komfyren. Her er Heidi sine idiotsikre oppskrifter.

Alt godt

Lammefrikassé

Om hausten må ein ha ein søndagsmiddag både med frikassé og fårikål. Det er godt og har lange tradisjonar. Kokt kjøt har kanskje vorte undervurdert i den seinare tid, men kokt kjøt er best spør du meg. Sosakjøt er då berre heilt nydeleg.

Frikassé er kokt kjøt skore i mindre stykker og som ligg i ein lys saus, gjerne saman med nokre grønsaker. Kva kjøt du brukar til frikassé er opp til deg, men hønsekjøt er og godt å lage frikassé av.

1-2 liter vatn

2 ts salt

1 ts pepar

1 løk

ca. 1200 gram kjøt

Kok opp vatn saman med ein skrella løk, salt og pepar .Vask kjøtet fri for blod og legg i. Kok opp og skum av. La det trekke under lok på svak varme i 1-2 timar. Kjøtet er kokt når det løsnar frå beina. Ta kjøtet opp og skjer det i serveringsstykker og legg det i sausen.

Frikassésaus:

2 ss margarin

3 ss kveitemjøl

ca 5 dl kraft

salt og pepar

Litt mjølk/fløyte

Smelt margarinen og rør inn mjølet. Denne sausen skal ikkje brunast. Spe med krafta frå det kokte kjøtet og rør heile tida. Kok i om lag 5 minutt for å få vekk mjølsmaken. Har du laga hønsefrikassé er karri godt å ha i sausen. Eg raspar litt gulrøter i sausen og tilset litt frosne erter eller litt ei grønsakblanding. Ekstra grønsaker kokar eg ved sidan av, til dømes blomkål og gulrøter. Kokte poteter høyrer sjølvsagt med.

Fårikål

Fårikålkjøt

1 kålhovud

ca 1/2 liter vatn

salt og papar

Legg kjøt og tynne skalkar av kål lagvis i gryta. Strø salt og pepar mellom kvart lag og slå vatn i gryta. Eg brukar malt pepar i staden for heilpepar. Pass på at det er rikeleg med vatn i gryta heile tida. Kok alt saman i ca. 2 timar. Server kokte poteter og kokte gulrøter til.

This entry was posted in: Billig mat, Fest, Mat, Middag

by

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

1 Comment

Leave a Reply to Maiblomst Cancel reply