Billig mat, Fest, Mat, Sausar og dippar
Comments 6

Tunfiskgreier


Eg har fortalt før om mitt lidenskapelege forhold til tunfisk på boks. Denne oppskrifta har også tunfisk som hovudingrediens. Kvar eg har den frå veit eg ikkje, eg har brukt å lage den til meg sjølv når eg skal kose meg. Men eigentleg er smaken god nok til at dette skal bli noko meir enn berre kosemat for ein.

Problemet er at denne røra ikkje er vakker å sjå til. Eg skal ikkje seie kva den liknar på, men brunfargen seier sitt. Det er mange døme på mat som ikkje er vakker, men som smakar fantastisk. Baba ganoush er ein slik rett, den grå, triste gugga som sonen min meiner liknar på hjernemasse. Men den smakar så godt at eg alltid angrar på at eg ikkje spiste litt til.

Dagens tunfiskrøre er rar på fleire måtar, også ved at det skal smør i den. Smøret gjev ein rund, fyldig smak, så ikkje dropp det. Du kan blande inn hakka urter, det vert sikkert kjempegodt. På nyrista, tynne baguettskiver er dette eit deilig lite tiltygg, så du får heller pynte den med litt salat, ei skive cherrytomat eller eit persilleblad for å skjule den lite tiltalande fargen. Eg hadde ingenting å pynte med når eg lagde den i dag, så difor får du ikkje bilde av den. Eg legg ut eit viss eg klarer å ta eit lekkert bilde av den.

Tunfiskrøre

2 ts soyasaus

2 ts balsamico

2 ts sitronsaft

1 boks naturell tunfisk

Ei klype chilipulver

3 ss mjukt smør

1 ss rømme

La tunfisken renne av viss den er i vatn eller olje, fjern mesteparten av geléen viss den er i gelé. Kna den mjuk med smøret i ei skål. Tunfisken skal vere ganske mosa. Ha i soyasaus, eddik og sitronsaft, og smak til med chilipulver. Ver forsiktig, så du ikkje overdoserer chilien. Bland inn ei skei rømme til slutt.

Server røra på rista brød, kjeks eller baguettar. Skal du ha fest, så kan du lage denne røra eitt par dagar i førvegen. Den kan fint stå i kjøleskapet to-tre dagar med plast over.

This entry was posted in: Billig mat, Fest, Mat, Sausar og dippar

av

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

6 Comments

  1. orchis says

    Mmmmm! Pleier lage noe lignende, men med yoghurt og litt krydderier. Også snadder sammen med salat.

    Likar

  2. Høres utrolig godt ut!
    I min lite avanserte matverden går det i tunfisksalat med egg og majones og stangselleri og jeg svelger her jeg sitter.
    Av en eller annen grunn har jeg aldri reagert på fargen. Kanskje smaks- og luktesansen min er overordnet synssansen. 🙂

    Likar

  3. Tunfisk på boks trenger minimal tilberedning i boka mi.
    Du trenger:
    – Bokseåpner
    – En boks tunfisk (i olje, gelé eller vann etter fritt valg)
    – 1 gaffel.

    Åpne boksen med bokseåpneren, bruk gaffelen, og NYT!
    Null oppvask.

    Hvis man absolutt vil være avansert i matveien og ha tilbehør, anbefales ei brødskive med MASSE meierismør på.

    Likar

  4. Den der til Anders Svenneby ble litt vel – lite tilsmakt for min smak 😀
    Ellers pleier jeg også å lage noe lignende, alltid med chili og hvitløk i også. Og sitron.

    Likar

  5. irma says

    Nå spiser jeg hjemmebakt brød med denne røra på -nam så godt!

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s