Lisa Dillan er ein sangar eg har høyrt på mykje oppigjennom. Ho er utdanna jazzsangar, er opprinneleg frå Bodø, og har jobba mykje med improvisasjon og samtidsmusikk i ulike konstellasjonar.
Sidan 2009 har ho saman med Asbjørn Lerheim utforska Elvis Presley sitt univers gjennom the quite quiet project. Det har no materialisert seg i ei plate der dei har fått med seg nokre av musikarane som spelte i bandet til Elvis Presley, David Briggs på flygel, Reggie Young på elektrisk gitar, Norbert Putnam på bass and Paul Leim på trommer. Eit skikkeleg stjernelag, altså.
Men den største stjerna er Lisa sjølv. Ho syng Elvis sine sangar så tårene renn, med hjarta utanpå kroppen, og ho får ein forelska tulling som meg til å be til guden eg ikkje trur på om at eg må sleppe å oppleve dramaet i desse tekstane. Plata heiter Love me tender – the quite quiet way. Løp og kjøp! (Og ta med kleenex.)
Du kan til og med høyre dei live denne helga, laurdag spelar dei i Jakob kyrkje og søndag spelar dei i Bodø kulturhus. Eg lovar deg ei stor oppleving, på så mange vis.
Kom opp og bli med meg i kulturhuset?
Å, det skulle eg gjerne gjort! <3
Det er fem minutter gangavstand fra huset mitt… 😛
(og jeg har billetter)
Jeg tror hun kommer med ny CD nå.
Å!!! Du veit, det skulle eg gjerne ha gjort! Men du finn sikkert nokon som vil. 🙂
http://www.nrk.no/lyd/hor_lisa_dillan_om_elvis_for_plateslipp_2012_ved_leif_inge_larssen/10AD06781249E0AF/
Joda, jeg finner nok følge 🙂 De har solgt masse billetter, ser jeg. Så jeg gleder meg, uansett!