Allergi, Billig mat, Mat, Middag, Tilbehør
Comments 4

Heilsteikt kylling


Heilsteikt kylling er ein favoritt her i huset. Den lagar seg sjølv meir eller mindre, og alle likar det lyse, saftige kyllingkjøtet. Eg brukar å kjøpe store gourmetkyllingar til denne retten, dei gir meir mat, og meir smak.

IMG_6870Kyllingen har godt av å bli gnidd inn med ting som gir smak, og du kan også putte gode ting inni for å gje smak. Denne har fått sitron og urter inni seg, og er gnidd inn med gode greier for å gje god smak til både skinnet og kjøtet.

Til kyllingen serverte vi ferske asparges og risotto. Ein kan godt blande aspargesen i risottoen, men sidan ungane ikkje er så glade i asparges (da blir det mer på oss, mel. Knutsen og Ludvigsen) har vi dei ved sidan av.

IMG_6878Risotto lagar eg med italiensk arborioris. Eg har høyrt at enkelte lagar risotto med grautris, men det har eg ikkje prøvd.

Arborioris er ein rundkorna ristype som beheld form og fastheit gjennom kokeprosessen, og som er ein del større i kornet enn vanleg basmati eller jasminris.

Det spesielle med risottokoking er at væska vert tilsett litt etter litt medan ein rører, i staden for i byrjinga slik ein gjer med vanleg ris. Sjekk ut lokalbutikken eller butikken til din lokale innvandrar, dei har ofte denne ristypen.

Ein kan også ta seg ganske stor fridom når det gjeld kva ingrediensar ein har i risottoen undervegs. Bacon, løk, kvitløk, sopp eller urter er heilt vanleg. Til slutt rører ein inn parmesanost, det bitt risottoen saman og gjer at den får eit «sausete» preg.

Denne oppskrifta er til åtte personar. Slik gjorde vi det:

IMG_6872Omnssteikt kylling med risotto

2 store kyllingar, ca. 1,5 kg kvar

Olivenolje

2 sitronar

Mykje av det du har av urter

600 g arborioris

2 små løkar

4-5 sjampinjongar

4 fedd kvitløk

3 dl kvitvin

1,5 liter kyllingkraft eller vatn med buljong

100 g parmesanost eller pecorino

Salt og peppar

Ein klatt smør viss du vil

Set omnen på 180 grader. Skyll kyllingen, og tørk av den med kjøkkenpapir. Riv skalet av ein sitron, og skjer begge sitronane i båtar. Gni kyllingen på utsida med eitt par av båtane, og ta sitronskalet til side. Ha sitronbåtane inni kyllingen saman med urtene.

IMG_6886Bland saman sitronskalet med 2 ts salt, peppar. 2 ss olivenolje og 2 finhakka kvitløksfedd. Bruk hendene, og gni kyllingane inn med dette. Ha dei i ei eldfast form, og steik dei i omnen på 180 grader i 1 1/2 time.

Finhakk soppen, løken og 2 fedd kvitløk. Fres dette i olivenolje i ei låg, vid panne. Ha i risen, og la den surre litt før du slår på vinen. La vinen koke inn til det nesten er tørt. Slå på krafta litt og litt, og la den koke inn mellom kvar vending. Hald på til du har brukt opp all krafta, og risottoen er tjukk og fin. Smak på gryna, dei skal vere møre, med ei lita, fast kjerne. Rør inn riven ost til slutt, og ein smørklatt viss du ikkje har mjølkeallergikarar til stades. Pecorinoost er ein saueost som dei fleste mjølkeallergikarar toler godt.

IMG_6883Knekk aspargesane der dei gir etter naturleg, og skrell den nederste delen med potetskrellar med aspargesane liggande på fjøla.

Ha aspargesane i ei varm steikepanne med olivenolje og ørlite vin. Vend på aspargesane, og dryss på litt salt og peppar. Dei er ferdige etter tre-fire minutt, avhengig av kor tjukke dei er.

Del opp kyllingen i bryst og lår, og legg den på varme tallerknar saman med asparges og risotto, og nyt!

4 Comments

  1. Red Hobbitt says

    Mmmmm…………denne skal jeg prøve, ser deilig ut. Var på Thons nye hotell i Svolvær og fikk en nydelig kylling til lunsj med aroma-risotto til. Tror sausen var laget på kyllingkraft og sitron.

    Likar

  2. Maiblomst says

    Denne må prøvast! Heilsteikt kylling er veldig enkelt og godt. Me hadde ein variant som eg plukka opp på Marthe Stewart til middag i dag. Då fyller ein kyllingen med kvitlauk og urter og evnt. sitron. Oppi panna med kylling har ein poteter i båtar. Dei potetbåtane smakar himmelsk!

    Likar

  3. Sue Fosse says

    Did you try to marinate the chicken 24 hours before roasting? I use a brine of salt, sugar and a little vinegar.

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s