Fest, Mat, Middag, Sausar og dippar, Tilbehør, Veggis
Comments 9

Lekkert lam


No er det norske lammet på sitt beste, og lammefilet er perfekt til festbordet. Gå til slaktaren, viss du har slikt der du bur, og be om indrefilet av lam. Det er det lekraste du kan servere, og den milde lammesmaken er lett å kombinere med andre smakar.

Vi har fest i dag, og då gjeld det å lage noko som gjer at gjestane føler at du har gjort deg føre, og som samstundes ikkje krev for mykje arbeid. Lammefilet blir best når du gjer minst mogeleg med det, så kan du heller bruke litt tid på tilbehøret. Eg serverer lammet med omnsbakte båtpoteter, som eg krydrar og bakar i langpanne som er trekt med bakepapir.

Eg serverer også to ulike salatar, ein klassisk mozarella-salat og ein grøn salat med avocado og paprika. Til salatane serverer eg ein klassisk vinaigrette som vert emulgert med honning, sennep og eggekvite til ein lett, smakfull dressing. Slik lagar du den:

Senneps- og honningvinaigrette

Ei eggekvite

2 ts dijonsennep eller ein annan sterk sennep

2 ts honning

1 dl god eddik, kvitvinseddik, eplecidereddik eller liknande

2 dl god olivenolje

Pisk saman eggekvita, sennep, eddik og honning. Bland inn oljen drope for drope medan du piskar. Etter kvart kan du vere rausare med oljeklunkane utan at dressingen skil seg. Smak på den, og ha i meir salt eller honning dersom det trengst. Kvern litt peppar over, og bland godt.

Mozarella-salat

4 tomatar

4 mozarella-ballar (helst av bøffelmjølk)

Ein neve basilikumblad

God olivenolje

Flaksalt og peppar frå kvern

Skjer tomatane og mozarellaballane i like tjukke skiver. Fordel dei på eit fat. Kvern over peppar, og dryss på flaksalt. Strø basilikumblada over salaten. Ringle over ein god olivenolje, helst ekstra virgin. Server.

salatGrøn salat

1 boks ruccola

1 pose pinjekjerner

2 paprika

2 avocadoar

1/2 raud løk

Vask salaten, og tørk den i ei salatslynge. Sprei den utover eit fat. Rist pinjekjernene i ei tørr steikepanne til dei har fått ein fin brunfarge. Ha i litt salt til slutt. La pinjekjernene kolne. Rens og del opp paprikaene i passe store bitar. Del avocadoane i to, fjern steinane og grav ut fruktkjøtet med ei skei. Skjer opp løken. Legg paprika, avocado og pinjekjerner over ruccolasalaten. Server med vinaigrette.

Tomatsausen eg har lagd er ein klassisk tomatsaus, med grønsaker og god krydring. Den kan brukast til pasta, til kjøttbollar og saman med steikt kjøtdeig, men her brukar eg den som tilbehør til lammefilet. Det passar godt med den sur-søte sausen som tilbehør til det milde kjøtet. Slik lagar du sausen:

lam-med-salatKrydra tomatsaus

5 ss olivenolje

2 ts paprikapulver

1 ts cummin (jeera står det ofte på boksane)

1 finhakka løk

2 fedd kvitløk

1 grøn og 1 raud paprika, finhakka

2 ts brunt sukker

1 boks hakka tomatar

1 ts hakka, fersk rosmarin eller ½ ts knust, tørka

Salt og peppar

Varm opp oljen i ei gryte, og ha i grønsakene (unntatt tomatane). Fres dei i nokre minutt. Ha i krydderet, og fres dette med utan å brenne det. Slå på tomatane, og ha i rosmarin. La sausen koke medan du rører av og til i 10-15 minutt. Smak til med salt og peppar, og smak også om det trengst meir sukker.

Så er det kjøtet: Det skal behandlast på enklaste måte, og å steike det er det siste eg gjer før vi går til bords. Alt anna må vere klart og på bordet før kjøtet går i steikepanna. Slik gjer du det:

Berekn 180 g lammefilet per person. Dryss fileten med salt og peppar. Varm opp steikepanna, og ha i ein god klatt smør. Når smøret har slutta å frese, og fått ein fin brunfarge, legg du i filetane, ikkje for mange om gongen. Steik filetane til dei har fått fin farge rundt, og dei framleis kjennest mjuke når du trykker på dei. Brukar du steiketermometer skal ikkje kjernetemperaturen overstige 60 grader.

Trekk steikepanna av plata, og la filetane kvile litt medan gjestane går til bords. Skjer filetane i skiver, gjerne ved bordet. Server med potetbåtar, tomatsaus og salat.

9 Comments

  1. Anita K. says

    Denne adapterer jeg omgående.

    – men et lite teknisk spørsmål til ekspertisen. Jeg har nå hengt opp pinnekjøttet til tørking etter nedsaltinga. Fikk en plutselig en hangup over at det ikke er kjølig nok i kjelleren, godt isolert som den er….

    Det salte pinnekjøttet kan jo fryses ned – slik man gjør i kjøttindustrien. Men hvor lenge skal det henge før jeg tar ned inn i fryseren, tror du? 😉

    Likar

  2. Det viktigaste er å hindre at kjøtet mugnar. Ta ein tur ned kvar dag, og sjekk om det dannar seg mugg. Gjer det det, så skrubb det av med sterk saltlake. Sett gjerne inn ein vifteomn som står på kaldluft, mugg likar ikkje god luftsirkulasjon. Har du eit luftespjeld, t.d. øverst i vinduet, så la det stå ope. Vi hadde slikt i garasja heime på Sunnmøre, og då var det ingen fare for at det vart dårleg sirkulasjon.

    Likar

  3. Anita K. says

    Bra, men hvor lenge skal det henge før vi fryser ned? Jeg kan ikke lufte med kaldluft i en halv evighet i kjelleren. 😉

    Likar

  4. Buster: Anytime, dear! 😉
    Anita K.: 6-8 veker burde vel halde. Kjenn på det, det skal vere ganske hardt når det er ferdig.

    Likar

  5. Anita K. says

    Jeg må nok kjøpe inn noe fra kjøttindustrien, også. Nå henger sidene der og lufter seg. 😀

    Likar

  6. hildeG says

    Lammefilet er nydelig, ja. Gjestene mine var også veldig blide. Pinnekjøttet kan dere ha i fred formeg…

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s