Allergi, Billig mat, Gjærbakst, Tilbehør, Veggis
Comments 4

Focaccia


No har vi nokre deilige fridagar framfor oss, og eg planlegg å bruke dei mellom anna til å bake.

Focaccia er alltid takknemmeleg å servere til supper, smårettar, lasagne eller som noko å mumse på når ein er på tur. Du kan også dele focaccia-brødet og legge pålegg inni. Eg bakar det i ein stor leiv, men det går også fint å bake det i emne som er litt større enn rundstykke, kjevle dei flate og ha på olje og salt. Då får du porsjonsfocaccia.

Det er oljen og saltet som gjer dette brødet til focaccia. Dei fleste italienarar vil også ha knust eller frisk rosmarin på. Slik gjorde eg det:

Focaccia-brød

3 dl lunka vatn

½ pakke gjær eller to teskeier tørrgjær

1 ts salt

1 ts sukker eller honning

ca 7 dl kveitemjøl

2 ts tørka eller frisk rosmarin

3 ss olivenolje

Flaksalt til å drysse på toppen

Smuldre gjæra i ein bolle og ha over lunka vatn. Rør ut gjæra i vatnet, og ha i salt og sukker eller honning. Set i gang kjøkkenmaskinen eller rør dette godt saman for hand.

Tilset mjølet litt etter litt. Kjenn heile tida på deigen slik at den ikkje vert for hard men helle ikkje for laus.  Den skal ikkje vere klissete, men framleis mjuk. Brukar du maskin kan du elte deigen i ca. 5 minutt.

La deigen heve i ein halvtime. Set omnen på 225 grader. Ha godt med mjøl på kjøkkenbenken, og kna deigen til ein stor bolle. Strø godt med mjøl på benken og kjevl leiven slik at den er like stor som bakeplata i komfyren. Pass på å ha godt med mjøl under når du kjevlar slik at deigen ikkje set seg fast i benken.

Legg leiven over på ei mjølstrødd bakeplate. Du treng ikkje bakepapir eller smør på plata når du har strødd den med mjøl. Eg syns også at mjølstrødd bakeplate gjev den gode, steinovnaktige smaken.

Dytt godt vaska fingertuppar ned i deigen slik at det vert masse groper i den. Knus rosmarin i ein mortar og dryss over. Ringle over olivenolje, og dryss på raust med flaksalt til slutt. Bak brødet på 225 grader i ca. 15-20 minutt. Dette brødet er mjølkefritt.

4 Comments

  1. Kanskje tante Elisabeth skal prege trønderpåska litt når hun drar, så de kan ha noe saltoggodt til buffeten?! Jo, ser nok slik ut…og både LillePirat og Blåbærpiken er utvilsomt gode hjelpere underveis i prosessen. Kanskje vi må bake to stk?

    Takk for kjempenyttig og fin fristelse!

    Likar

  2. Takk for inspirasjonen – nå står en svær foccaciadeig og hever. Jeg deler den i 4 og fryser ned 3 av dem, så har man ferskt ut over i påsken. Jeg bruker ikke rosmarin(fordi jeg ikke er så glad i det), men halvparten med havsalt og den andre halvpart med timian!
    Gleder meg alerede til en smakebit om en times tid 🙂
    Ha en fin påske!

    Likar

  3. Christine: Ein annan vri er å dytte nedi utsteina kalamataoliven litt hulter til bulter. Det blir knallgodt!

    Likar

  4. Jaaaa – kanskje jeg skal gjøre det! Nå ser jeg bare for meg at jeg skal sitte foran tv’en og spise foccacia med oliven og drikke rødvin!
    O lykke 😀 (og lukte på Idylle kanskje – jeg liker faktisk den!)

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s