Billig mat, Fisk, Middag, Tilbehør
Comment 1

Hot seigryte

Denne gryta vart så god at den vart eten opp før eg rakk å ta bilde av den. Men det går vel bra?

Eg lagde denne kreolske auberginkompotten på søndag. Den vart det naturleg nok litt restar att etter, ein heil del, faktisk. Eg gjorde den om til ei smakfull og hot seigryte, som eg fekk skryt for rundt bordet. Slik gjorde eg det:

Hot seigryte

4 dl kreolsk auberginkompott eller ratatouille

500 g sei

2 dl kremfløte

Salt og peppar

Kok opp auberginkompotten. Ha i fløte, og rør godt. Smak til med salt og peppar.

Fjern beinrada i seien. Del seien i passe store bitar, og legg dei i gryta. La gryta trekke i fem minutt, til seien er ferdig. Server med byggrissalat.

Byggrissalat

200 g byggris

4 dl buljong, eg brukte flytande fond

2 ts sitronsaft

1 paprika

1/2 purre

2 stilkar stangselleri

Rens grønsakene, og finhakk dei. Kok byggrisen i buljong i 10-15 minutt, til den er mør. Vend inn grønsakene, og la det trekke i eitt par minutt.

 

This entry was posted in: Billig mat, Fisk, Middag, Tilbehør

by

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

1 Comment

  1. Lovise says

    Eg las overskrifta litt fort som «Hot seig-ryte». Kan det vere noko godt tenkte eg. men ser bra ut altså, ved nærare lesing 🙂

Leave a Reply to Lovise Cancel reply