Billig mat, Noko søtt
Comments 2

Kveldskos med rabarbra


No er rababraen på sitt beste, om ikkje så lenge bør den få stå i fred.

Blomstrar rababraen din, så fjern blomane. Bruk dei grovaste stilkane no, så stimulerer du til ny vekst. Dei nye stilkane kan du ete ei stund utover sommaren, det er dei gamle stilkane som har mest oksalsyre, og som bør få stå i fred når vi har passert jonsok. Uansett er no tida for å bruke rabarbraen, gjerne i kombinasjon med jordbær, kvann eller pære.

I går kveld lagde eg ein liten porsjon rabarbragraut til tre av oss. For meg er det eit barndomsminne, syrleg og søt graut med mjølk på. Vi hadde berre ekstra lett mjølk, og det er berre sånn passe godt til rabarbragrauten. Men eg tok litt vaniljeyoghurt på, og det vart veldig godt. Du kan godt bruke vaniljekesam og.

Det viktigaste er at du et litt av noko mjølkeprodukt når du et rabarbra, så vert oksalsyra nøytralisert i kroppen. Slik lagde eg rabarbragrauten:

Rabarbragraut

1/2 l rabarbra, rensa og kutta i bitar

3 dl vatn

sukker etter smak, eg brukte ca. 0,75 dl

1 ts vaniljesukker, Tørslefs

1/2 dl vatn

1 ss maisennamjøl

Ha rabarbra, vatn, sukker og vaniljesukker  i ei gryte, og kok det opp. La det koke til rabarbraen er mør, hos meg tok det ikkje meir enn eitt par minutt. Rør saman 1/2 dl vatn og maisennamjøl, og ha det i grauten litt og litt til den er passe tjukk. Her er smaken forskjellig, nokre vil ha grauten så tjukk at skeia står i den, andre vil ha den meir flytande.

Server med ein klatt vaniljeyoghurt, kesam eller heilmjølk/matfløte.

This entry was posted in: Billig mat, Noko søtt

av

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

2 Comments

  1. Nevnte jeg at jeg har et rabarbrabed jeg skal raide en av dagene som kommer, noen andre sitt som jeg har full brukstillatelse for…?

    Du, et spørsmål forresten: Når rabarbraen er plukket inn og de store bladene fjernet, hvor lenge tåler stilkene evt å ligge før de blir dårlige? Hvis jeg ikke rekker bruke alt med en gang, mener jeg…

    Likar

  2. Er det noe jeg savner i utlendingheten så er det rabarbra! Var nettopp en tur hjemme i Trøndelag og da laga jeg rabarbrapai, med havregrynsbunn. Servert med vaniljeis. NAM!

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s