Livet
Comment 1

Skattar frå loppemarknaden


Ein finn alltid noko på loppemarknad, iallfall gjer eg det. (Men berre for å ha sagt det; det er ingenting som eg treng. Vi har meir enn nok ting her i huset.)

Men eg fann fine ting denne gongen også. Eg hadde eit klart og tydeleg oppdrag og, mor mi ville ha ei ny jerngryte til huset sitt i Nord-Norge. Det gjennomførte eg, i kjøkkenavdelinga fann eg ei fin jerngryte. Etter ein omgang med stålull og olje klarte eg til og med å konstatere at gryta eg hadde kjøpt for tjue kroner var ei Le Creuset-gryte. Den er ikkje så tung i godset som Høyang-pannene, men det gjer den også lettare å handtere.

Til meg sjølv kjøpte eg fire eplegrøne skåler, dei har eg nokre av frå før, og nokre gule. Dei gule er eg ikkje så fornøgd med, så dei skal få gå på neste loppemarknad no, eller kanskje til Nord-Norge dei og? Ei lita syltetøyskål i pressglas vart også med heim.

Eg fann nokre fine juleboksar, ein liten ein som eg planlegg å bruke til romkuler og anna julesnop, og ein annan, litt større boks som kan brukast viss eg skal gje bort småkaker, det gjer eg gjerne. Eit hobbysett til julekortlaging vart også med frå juleavdelinga.

I elektroavdelinga låg det lause delar til ei Braun matmølle og slang, så då fekk eg endeleg tak i riveskiva som eg har mangla til mi eiga matmølle. Eg har den grove, men har mangla den fine. Strålande! I avdelinga for film og bøker fann eg The Commitments på dvd, og femtenåringen fann Emma av Jane Austen i manga-utgåve.

Kva står så att? Vel, eg fann både Aalto-glastallerknar, Figgjo-mugger og eit flott grønt fat som eg veit iallfall nokre eg kjenner hadde blitt glade for. To par Chanel-øyredobbar låg der også, relativt høgt prisa, men dei let seg nok prute ned.

Eg stikk kanskje ein tur nedom rett før stengetid, og ser kva som er att. DÅ er det alltid mogeleg å gjere eit loppekupp. God søndag!

This entry was posted in: Livet

av

Kvinne, bur i Oslo og har feriehus i Billingsfors, lever med mat, musikk, dufter og ein hage, gjer mitt beste for å nyte livet.

Éin kommentar

  1. Loppemarkeder er utrolig gøy! Å finne slike skjulte skatter, som andre kan ha gått lei av. Bla gjennom, lete frem, dykke ned. Jeg liker spesielt godt bøker og gamle kjoler. Har ikke fått vært på noen loppemarked i år, men var på flere i fjor.

    Jane Austen skulle jeg også gjerne funnet; blir aldri lei av de bøkene selv om jeg er voksen.

    Så koselig at du er glad å gi bort småkaker; det er slike julegaver, eller førjulsgaver som er utrolig koselig både å få og gi bort! God søndag til deg også.

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s