Duft
Comments 9

Å velje ei duft I


Det er så lenge sidan eg har skrive noko om parfyme her i bloggen at det nesten er flaut. Men det betyr ikkje at eg har slutta å bruke parfyme, eller å glede meg over det. Tvert imot, eg nyt parfyme meir enn nokon gong, og eg har jo ein til å parfymere, nemleg kjæresten min, og det doblar gleda.

Men det eg ikkje har skrive noko klokt om er korleis ein skal velje ut sin eigen parfyme. Eg har hatt rundar der du kunne få hjelp til å velje, men ikkje noko om dei triksa eg sjølv har brukt for å velje ut mine eigne dufter. Dette innlegget vert så langt at eg delar det i to, i dag tek eg for meg dei ulike notegruppene som det er aktuelt å velje blant, og i morgon seier eg noko meir om korleis ein faktisk bør gå fram for å velje.

Mange syns det å velje parfymer er vanskeleg. Eg har snakka med mange som har skapet fullt av dufter dei ikkje brukar. Det syns eg er synd, for då har ein ikkje gjort godt nok forarbeid, og dermed blir ofte resultatet feil. Enkelte tipsar om å bruke prøver. Mi erfaring er at det å få prøver er vanskelegare enn å kryste vatn ut av ein stein. Det er som regel ikkje fordi butikkane ikkje vil gje bort prøver, men fordi dei får få prøver å gi bort, og det dei får er stort sett til nylanseringar. Så ein må ofte basere seg på å snuse i butikken og på tax-free.

Ei duft er samansett av ulike notar. Duftnotar vert ofte gruppert etter kva opphav dei har. Dei kan vere florale, dei kan vere basert på ulike tresortar, på lær og gummi eller på fruktaromaer. Hovudgruppene som eg brukar å ta utgangspunkt i når eg snakkar om parfymer er:

  • Florale: Hovudnotane vil som regel alltid inkludere dufter frå friske blomar.

Typiske dufter: Stella (rose), EL Tuberose Gardenia, EL Beautiful, Kenzo Amour Florale, Victor & Rolf EauMega

  • Mjuke florale:. Hovudnotane vil som regel alltid inkludere aldehydar og pudra notar.

Typiske dufter: Chanel No. 5, Agent Provocateur Maitresse,

  • Florientale: Hovudnotane vil som regel alltid inkludere appelsinblomst (neroli) og/eller søte krydder.

Typiske dufter: Chanel Allure sensuelle, Karl Lagerfeld Floriental, Kate Moss Vintage, Kenzo: Flower Oriental, Chloè Intense, YSL: Cinema, Guerlain: L’Instant

  • Mjuke orientale: Hovudnotane vil som regel alltid inkludere florale notar samt røykelse og/eller amber.

Typiske dufter: Flankerar av Shalimar og Opium, D&G La Rue Del la Fortune, La Prairie Lifethreads Gold

  • Orientale dufter: Hovudnotane vil som regel alltid inkludere kvae og/eller vanilje

Typiske dufter: Shalimar, Opium, Bulgari Omnia (den brune), Chanel: Allure

  • Tre med orientalt innslag: Hovudnotane vil som regel inkludere sandeltre/cedertre og patchouli.

Typiske dufter: Armani Code for her, Boss Orange, Armani sensi, Dior: Dolce Vita

  • Tredufter: Hovudnotane vil som inkluder ulike orientalske tresortar og/eller vetiver.

Typiske dufter: He Wood, She wood, D&G 11: La Force, NR Essence Musc

  • Orientalske tredufter: Hovudnotane vil som regel inkludere eikemose/bleiktjafs og amber.

Typiske dufter: Dior Homme, Youth Dew Amber Nude, L’Air de rien

  • Reine tredufter: Hovudnotane vil som regel alltid inkludere edeltre og lær.

Typiske dufter: Feminité de Bois, Burberry ( Sport Woman (sedertre, ”blyantkvess”) Eau de fleur de lavande

  • Sitrus: Hovudnotane vil som hovudregel alltid inkludere bergamott og andre sitrustyper pluss ulike lette edeltrenotar.

Typiske dufter: (Generelt: Cologne), Eau de Fleur Neroli, Dior: Escale de Pondichery,

  • Fruktige: Hovudnotane vil som regel alltid inkludere bær og frukter som ikkje er sitrus.

Typiske dufter: Gucci: Flora, Eau de Sisley nr. 1, Diesel: Fuel for life, Jennifer Lopez: Deseo, Dior: J’adore

  • Grønne: Hovudnotane vil som regel alltid inkludere galbanum og grønne/urtebaserte notar.

Typiske dufter: Chanel no. 19, Eau de Fleur de Capucine, Gucci: Envy,

  • Akvatiske: Hovudnotane vil som regel alltid inkludere havnotar, akvatiske notar og salt, vanlegvis frå «calone», eit kjemisk framstilt duftstoff.

Typiske dufter: Dune, L’Eau D’Issey, Tous H2O, Cool Water, L’Ô d’Orangerie

  • Fougère: Hovudnotane vil som regel alltid inkludere fem ulike duftfamiliar: sitrus, lavendel, amber, mose og tre.

Typiske dufter: Le Male, Paco Rabanne, Drakkar Noir, Kouros

  • Chypre – Oakmoss – bleiktjafs. Hovudnotane vil som regel alltid inkludere eikemose/bleiktjafs og florale notar.

Typiske dufter: Gucci by gucci edt, NR EdT, D&G La lune, Guerlain Idylle, Mitsouko , Miss Dior, Diorella,

Stadig like forvirra? Eg skal prøve å gjere dette klarare i morgon. 🙂

This entry was posted in: Duft

av

Kvinne, bur i Oslo, lever med mat, musikk, dufter, ein liten hage, gjer mitt beste for å nyte livet.

9 Comments

  1. Ser fram til klargjøringen 🙂 Jeg er en av dem som fikk hjelp i forbindelse med et tidligere innlegg, men ingen av duftene jeg prøvde var noe for meg. Spøs om jeg ikke bør forbli med Calvin Kleins Truth og Kenzo Flower? Det er vel ikke verst å ha funnet to dufter man føler seg helt vel med?

    Likar

  2. Merete says

    Intetessant:)
    Til hvilken gruppe over vil du plassere Pour Femme fra Lacoste og Magnetism fra Escada?

    Likar

    • Pour femme er ei floral treduft, med både fresia, jasmin og rose blant hovudnotane og trenotar i botnen. Magnetism er noko så sjeldan som ein fruktig chypre. Stort sett alle Escada sine dufter er fruktige, men denne har ein base med iris, vetiver, heliotrop og eternell som gjer at den har eit «vaksnare» preg enn dei fleste Escada-dufter.

      Likar

  3. Merete says

    Hvis jeg da drister meg til å spørre videre: hvilke andre dufter bør jeg prøve meg på, da det er disse to jeg havner tilbake til hver gang?!? Kunne jo vært gøy med noe annet, men er blant dem som prøver en «sprøyt» på parfymeriet, tror den passer og kjøper. Resultatet er ei dyr hylle på badet med dufter som ikke brukes…

    Likar

  4. Merete says

    Har en fra G.A.P som heter Washed cotton, en tonic fra Lancome som heter Aroma tonic og en fra Dolce Gabbana som heter The One. Nå skal det sies at de to siste brukte jeg en stund (og var fornøyd) før de plutselig ble fæle…

    Likar

    • Aromatonic er tung av koriander, den kan bli overveldande, den noten om du ikkje likar den. Eg elskar den. 🙂 The One er ein av mine favorittar, men den er intenst søt, med masse frukt i toppen og masse amber og musk i botnen. Likar du andre søte dufter?

      Likar

  5. Blander meg inn her, jeg 🙂 Det var jo ikke mange fellestrekkene i de tre der, men jeg ser det er ceder i Washed cotton, og det er en note som noen ganger blir veldig skarp og ubehagelig. I alle fall på meg. Ellers kan bomullsblomsten kanskje være veldig pudret og såpete, kanskje? Hva er det du ikke liker ved Washed cotton, da?
    Når det gjelder de du likte som plutselig ble fæle, så kan det jo være de blir gode igjen når de får en stund i fred for seg selv 🙂

    Likar

    • Merete says

      Ja, mulig det. Vet ikke helt hva som blir feil, men føler at etter en liten stund lukter jeg «kattepiss» når jeg har dem på. Kvalmende lukt, nesten litt emment.

      Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s