All posts filed under: Humor

Gi labb!

Published by

Er du klar for ein god latter? Vi var på Fredrik Steen sitt standupshow Gi labb i går, og det var ein strålande måte å tilbringe ein fredagskveld på. Vi lo så vi er støle langt bak øyrene. Så eg vil anbefale deg å sjå denne forestillinga. Ta med vennar og kjente, og få ein lattermild kveld. Showet går i kveld, og i tillegg 5., 6. og 7. mai.

Nei, no må vi le litt

Published by

Som eg har skrive om her tidlegare, så var vi nordafor i helga. Nordlendingane er kjende for ein røff og direkte humor, og det fekk vi mange døme på i løpet av turen vår. Vi vaks opp med Oluf, lese høgt av hikstande foreldre. Ja, dei las Aukrust og Eskeland og, for ikkje å snakke om desse som tulla med politikarane på syttitalet, huskar ikkje kva dei heitte. Men Oluf står i ei særstilling. Sommaren 1980 slo mor mi ut håret, og investerte i Postens sommerkassett som underhaldning på den nesten 1500 kilometer lange køyreturen til Målselv. “Skal du sett i sommar, så sett i Alta” er framleis gangbar familiehumor i vår familie. Difor tenkte eg at det ville vere passande å dele denne med deg. Kos deg!

Tinga vi ikkje lærte

Published by

Ja, eg veit det er lite mat her for tida, det er ikkje fordi eg ikkje lagar mat, for det gjer eg. Problemet er at kameraet mitt er på Oslo Fashion week. Ikkje saman med meg, vel å merke. Så i mellomtida får eg finne på andre ting til deg. Sjekk ut denne. Der finst ting som menn aldri har lært om kvinner, og der finst ting som kvinner aldri har lært om menn. Amanda Gore lærer oss det. Enjoy!

Innisegsjølv-opplevelse

Published by

Eg likar å sjå på folk som dansar. Eg likar å danse sjølv og, men å sjå på andre er like gøy. Det finaste med det er å sjå dei som ikkje er så sjølvbevisste, som ikkje tenker på korleis dei ser ut når dei dansar, men som berre er inni musikken og nyt det. Desse to fyrane er søte, han i raud t-skjorte er berre full av energi. Overvinn russekjensla (musikken) og sjå ekte danseglede.

Venn eller ikkje?

Published by

Nokre veneførespurnader på Facebook er enklare enn andre. Gamle, kjære vener som eg har mist kontakta med utan grunn er det berre kjekt å høyre frå. Til relativt nyleg har Face vore ei frisone. Men no har foreldregenerasjonen vår byrja å kome på Facebook, og då må ein vurdere nøye. Kva gjer ein? Her er eit flytskjema som du kan bruke for å ta stilling til om du skal legge til dine foreldre eller ikkje. Treffande, spør du meg. (Og syns du skrifta er for lita så er du ikkje i målgruppa. Då risikerer du derimot å bli ditcha kva tid som helst.)

God jul!

Published by

No luktar det fantastisk av fåreribbe i huset, rabbene (kålrabi på sunnmørsk) kokar og det er ikkje så lenge til vi skal sette oss til bords. Eg ynskjer alle mine lesarar ei god jul, ta vare på dine og tell til ti når gamleonkel seier dumme ting, slik at verdskrigen bryt ut ein annan gong enn rundt julebordet. Har du bestilt julenisse vonar eg han er betre til beins enn han her.