Billig mat, Fest, Jul, Middag, Supper
Comments 3

Juleselskap hos fine kusine


Kvart år får vi ein veldig hyggeleg invitasjon. Ei av mine fine kusiner inviterer til førjulsselskap.

Der serverer ho gløgg, pølser til barna og ei fyldig kyllingsuppe til dei vaksne. Så leikar vi, spelar spel, gaular til singstar og byttar julegåver.

Vi dreg dit med fire posar til fire familiar, og kjem heim med fire posar frå fire familiar. Det er eit avslappande og fint selskap der alle kjem som dei er, og der alle vert tekne imot med opne armar. Serveringa er ukomplisert, men akkurat det vi treng.

Høgdepunktet for barna er å få pynte juletreet til fine kusine. Når vi kjem er det tomt, og når vi dreg igjen er det ferdig pynta med glitter, kuler og lys.

Fine kusine har gitt meg lov til å blogge oppskrifta på suppa. Det er ei slags moderne, krema mulligatawny-suppe, enkel og god. Dette er nok til suppe til åtte personar. Slik lagar du den:

Fine kusines kyllingsuppe

4 kyllingfiletar

2 eple

2 løkar

1 ss karri

4 boksar finhakka tomatar

1/2 liter vatn

6 dl fløte

2 terningar grønsaksbuljong

2 ts sukker

Salt og peppar, samt smør/margarin til steiking.

Det du måtte ha av grøne urter til å strø over

Skrell og finhakk løk og eple. Del kyllingen i relativt små bitar. Smelt smøret i ei vid gryte. Ha i karri, og la det frese litt før du har i løk og eple. Ha i kyllingen og la den surre til den skiftar farge.

Slå på vatn, tomatar og ha i buljongterningane. La det heile koke opp, og la det småkoke i ti minutt. Smak til med salt, peppar og sukker. Ha fløten i til slutt, og la det koke opp igjen.

Likar du suppa sterkare kan du godt supplere med litt chilipulver. Dryss hakka urter over rett før servering. Server med godt brød og smør til.

3 Comments

  1. Men denne fløten da, når skal man svoosje den oppi? Eller er det bare jeg som hopper over en setning eller to når jeg leser?

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s