Denne videoen er berre så flott. Sjekk ut Cold Mailman!
Tihi…
Eg har framleis skokkar og kvann att. Så send meg ein mail viss du tenkte at du skulle sende ein på tirsdag, men ikkje gjorde det.
Å sleppe seg nedpå er eit uttrykk eg har heimafrå, trur eg. Det betyr at ein ikkje er så flittig som ein brukar å vere , at ein ignorerer vedlikehald av eit eller anna, til dømes kropp, hus eller hage.
Sist sommar slapp eg meg skikkeleg nedpå i hagen. Det var frodig og flott, men eg skulka lukinga, iallfall på slutten av sommaren. Litt vassarve kan vel ikkje vere så farleg, tenkte eg.
Det betalar eg for no. I heile bedet er det tett i tett med vassarve, som har hatt det godt i mitt feite, skuggevende bed.
I går gjekk eg ein runde med ei fiffig skrape eg har fått i gåve, så eg har fjerna det meste. Problemet er når vassarven vever seg inn mellom juleroser, salvie og andre stauder. Så eg noterer flittig for meg sjølv; ikkje slepp deg nedpå denne sommaren, kjære.
Len deg tilbake og nyt Keith Jarrett sitt lekre pianospel. Ha ein fin dag! 🙂
Eg har fått ei korg med jordskokkar. Den har eg brukt det meste av, men i botnen ligg det nokre fine skokkar som eg tenkte blogglesarane mine kunne få glede av. I tillegg har eg mengder av nyspira kvann, no er dei blitt så store at dei er robuste og toler flytting.
Men eg er dårleg på utsending. Det er eit styr med pakking og posting, så jordskokkane og kvannen må hentast her sentralt i Oslo. Vil du ha? Send meg mail på altgodtblogg@gmail.com, og så får du adresse og det du treng på mail. Kast deg på!
Han var på Roskilde og i Bergen i fjor, og i år kjem han til Oslo for å spele i Spektrum.
Eg får dessverre ikkje dratt dit, eg er i Arendal og står i baren på Moringen pub medan desse karane spelar.
Men har du lyst? Startar billettsalet i morgon, seier du? Eg har eit triks. Her er oppskrifta:
1. Gå inn på Facebook
2. Søk opp Atomic Soul og trykk “like”.
3. Gå inn på arrangementer.
4. Finn Prince og følg lenka
Her er salkartet:
Skadeseksjonen på legevakten: 30.05.2011
Kuttet seg på kjøkkenkniv i kveld. 3. finger hø: Kutt i distale deler av midfalang radialt, virker ikke dypt, ligger pent. Normal perifer status og bevegelse i DIP/PIP.
V/T: Stripses, skal sitte i 10 dager, rekontakt ved forverring.
RF-1114 Næringsdrivendes søknad om utsatt frist for levering av selvangivelsen for inntektsåret 2010
Eg har samla på meg nokre Diptyque-dufter det siste året. Det byrja med Eau de Tarocco, så kjøpte av Eau Duelle frå ei parfymevenninne som ikkje trivdest med den, og så fekk eg 34 Boulevard St. Germain av verdas snillaste femtenåring.
Men eg hadde heilt gløymt at innimellom det heile kjøpte eg Vetyverio. Eg har skrive om vetiver før, dette grove graset med ei grøn, jordaktig, litt skarp duft. I Vetyverio er den kombinert med fruktige notar som aprikos og mandarin, men også med klassiske Diptyque-notar som rose og geranium.
Muskat, sedertre og musk er med på å forme basen i parfymen, så alt i alt er dette ikkje ei så kald og grøn duft som ein kanskje kunne vente med ei vetiver-duft.
Vetyverio har også den fascinerande eigenskapen at den kjem og går litt. Etter ei stund syns eg den har blitt borte, men når eitt par timar har gått er den tilbake for fullt, med nye fasettar og notar som kjem fram.
Denne er definitivt unisex, eg har nettopp spraya den på kjæresten min, og han karakteriserer den som «overraskande frisk». I tillegg kamuflerer den effektivt diesel-lukt. 🙂
Skvallerkål er også eit næringsrikt og velsmakande ugras. Her får du oppskrift på pai og suppe med skvallerkål. Et ugraset!
Kan eg få minne om at no er tida for å gå ut i hagen (og langs vegkantar og liknande) og plukke brennesle til suppe?
Du treng ikkje lage suppa akkurat no, du kan forvelle nesleblada og fryse dei ned til du får lyst på suppe. Så no er det på med hanskar, ta med ei korg eller ei bøtte, og ei god saks. Kos deg med ugraset!
Asparges og jordskokk er perfekt vårmat. Men passar dei saman?
Eg er så heldig at eg har asparges i hagen min, og dei fleste vert etne rå medan eg held på i hagen. Men av og til kjem det så mange så fort at eg kan ta dei inn og bruke dei i ein middag.
Venninna mi har jordskokkar, og kvart år til bursdagen min i mai kjem ho over plenen med ei korg full. Jordskokkar er eigentleg eit ugras, tenk nøye over kvar du plantar dei. Dei invaderer gjerne pene staudebed og grønsakshagar viss dei får lov.
Jordskokken veks og kan haustast heile vinteren, så sant du klarer å grave i jorda. No på våren er den på sitt største, og du finn den i velassorterte grønsaksbutikkar.
Den er svært næringsrik, men karbohydrata i jordskokken er ein sjeldan type som kallast inulin. Dette karbohydratet vert ikkje teke opp i kroppen på same måte som andre karbohydrat, så blodsukkeret stig sakte og fell sakte når ein et jordskokk. Smaken er nøtteaktig, med eit hint av trøffel, og eit søtleg preg.
Så i dag hadde eg asparges og jordskokkar i kjøleskapet, og det må ein vel kunne finne på noko med? Eg kutta jordskokkane i tynne skiver, og lagde ein slags frittata av det heile. Frittata er ein italiensk omelett som eigentleg blir laga med poteter og løk. Tynne potetskiver og løkskiver vert lagt lagvis i ei eldfast form eller i ei steikepanne, og så blir det heile bakt lenge og vel til potetene er møre og det heile smakar himmelsk, så enkelt som det er.
Ein kan gjerne kalle det eg lagde ein grateng, og det same fyllet kan brukast i ein pai. Kjært barn kjem i mange variantar. Kor mange egg du treng i denne frittataen varierer med kor stor form du har. Eg hadde ei ganske romsleg form, så då måtte eg bruke mange egg for å fylle den opp. Slik gjorde eg det:
Frittata med jordskokk og asparges
5-6 store jordskokkar
Ein bunt asparges, ca. 400 g
Ein stor gul løk
150 g manchego
10 egg
2 dl fløte, kremfløte eller matfløte
1 ts salt
1/2 ts kverna peppar
Sett ovnen på 180 grader. Skyll jordskokkane godt, og skrell dei. Knekk av aspargesen på det lågaste punktet den gir etter på stilken når du prøver å knekke den. Skrell nederste del av aspargesstilken for å få bort det som er treent. Skrell løken.
Kutt jordskokkar og løk i tynne skiver, eg brukte ein såkalla mandolin. Då kuttar du grønsakene tynt og jamnt fort, og utan å skade fingrane. Forvell jordskokkskivene i to minutt i fosskokande vatn. Ta skivene opp, og la dei renne av på eit papir. Smør ei eldfast form, og legg eit lag med jordskokkskiver i botnen. Legg eit lag med løk oppå der, og så eit lag med asparges. Fortsett til du har brukt opp både løk, jordskokkar og asparges.
Visp saman egg, fløte, salt og peppar, og hell over grønsakene. Riv manchego-osten grovt. Du kan bytte den ut med annan, fast, gul ost. Fordel den utover forma.
Bak frittataen til grønsakene er møre, ca. 20-25 minutt. Eg serverte min frittata med sprø, friske reddikar, rømme krydra med litt urtesalt og litt spekeskinke.
Denne frittataen passar godt på ein buffé, du kan til dømes lage den i ei brødform, og skjere dekorative skiver. Servert åleine er den vegetarisk, og med laktosefri fløte er den også god for mjølkeallergikarar. Den er også fin til forrett.
Eg har eit lite vesen som sit på eine skuldra mi og seier: No sa du det igjen. «Du er så fin.» «Eg har det så godt saman med deg.» Det er så deilig å vere kjæresten din.» «Eg elskar deg.»
«Du berre gjentek deg sjølv», seier vesenet. «Det er berre ordgyteri. Når du seier det så ofte fell verdien av det du seier.»
Men eg feiar dette kritiske vesenet ned av skuldra mi, og seier det så ofte som eg har lyst til: Du er så fin. Det er så deilig å vere kjæresten din. Eg elskar deg. Det blir ikkje mindre sant fordi om eg seier det kvar dag, tvert om. Det vert sannare og sannare for kvar dag som går.
Du gjorde det igen
Alldeles nyss
Du sa det där man aldrig får säga
Du sa det till mig, det outhärdligt
hänsynstlöst förbjudna
Du sa jag älskar dig, jag älskar dig, jag älskar dig
Du la din hand på min rygg
Jag vände mig om och du gjorde
det man aldrig får göra
Du strök min panna med stora, värma,
sträva, trygga händer
och sa, jag älskar dig, jag älskar dig, jag älskar dig
Säg det igen, säg det igen, säg det igen
Jag vill höra, så säg det igen, säg det igen,
säg det igen, säg det igen.
Nu blir jag aldrig mera fri,
nu har du mig fast
Jag kan aldrig nånsin leva förutan
Du sa det till mig, det jag längtat hela livet
att få höra
Du sa, jag älskar dig, jag älskar dig, jag älskar dig
Och säg det igen, säg det igen, säg det igen,
jag vill höra, så säg det igen, säg det igen, säg det igen,
säg det igen, säg det igen
Parfymehuset Diptyque byrja med den første butikken i 34 Boulevard St. Germain for femti år sidan. Dufta med same namn er laga for å feire dette jubileet.
Konseptet bak denne dufta er at Diptyque ønskte å gjenskape den dufta som sat i veggane i denne butikken. Eg har dessverre ikkje vore der, men eg kan lett forestille meg at ein butikk luktar som dette.
34 er sett saman av eit stort antall notar, og den gir eit krydra, varmt inntrykk til å byrje med. For meg var det å få på meg denne dufta som å kome heim. Den passar ikkje inn i nokon duftkategoriar. Det fascinerer, og det gjer at den er unisex. Både menn og kvinner kan gå med denne.
Du finn hint av fikenblad, rose, solbær, kardemomme, nellik og edeltre. Dufta er lekkert komponert, og å ha den på er som å hylle seg inn i eit varmt og elegant teppe.
At eg har lukkast i oppdraginga av barna mine fekk eg bekrefta då eg hadde bursdag i forrige veke, og femtenåringen ga meg denne i gåve. God smak!
Det spanske kjøkkenet har hamna i skuggen av det franske og italienske. Likevel finn du mange gode smakar der. Denne suppa har sommarsmak i seg, og den mettar godt. Kjapp å lage er den også.
Spansk kikertsuppe
Ein boks kikerter
Ein boks hermetiske tomatar
Ein gul løk
Ei reven gulrot
To stilkar stangselleri
1 ts spisskummen
2 fedd kvitløk
1 ts tørka basilikum
1 ts tørka persille om du har
Chili etter smak
5 dl vatn
Olivenolje
2 ss tomatpuré
2 ss sitronsaft
Sukker, salt og peppar
Finhakk løk og kvitløk. Fres løken med spisskummen, chili og tomatpuré i olivenolje i ei vid gryte til løken er blank og aromaen i tomatpuréen og spisskummin får kome fram.
La kikertene renne av. Ha halvparten av dei i gryta saman med tomatane og vatnet. La det heile koke opp før du køyrer det glatt med ein stavmiksar. Ha i resten av ertene saman med dei siste grønsakene, sitronsaft, basilikum og persille. La det koke i ti minutt. Smak til med sukker, salt og peppar. Server med brød til.
Tips: Har du friske urter som basilikum, persille eller koriander, så dryss over litt i kvar skål når du serverer suppa.
Eg har fått spørsmål om kva som skal serverast på bursdagsfesten, som faktisk er ein felles bursdagsfest for min kjære og meg. Her er menyen:
Tortilla
Tomatrøre – Pan catalan
Tapenade – Olivenrøre
Albondigas – Kjøttbollar i tomatsaus
Gazpacho – kald tomatsuppe
Spansk kikertsuppe
Sopp, gratinert i tomatsaus
Saltbakte poteter
Empanadas
Oliven, grøne og svarte
Dessert:
Manchego med fikenmarmelade
Melon – Oppskoren honningmelon, galiamelon, nettmelon
Kaker – Ostekake, gulrotkake, pavlova
Oppskriftene som manglar kjem etter kvart! 🙂
God morgon!
Eg gir meg sjølv ein blome, og ynskjer alle dokke som stikk innom i dag ein fin dag! 😀
Er ferien i boks?
Viss den ikkje er det er det framleis tid til å finne eit godt boligbytte. Du finn masse info her.
Eg hadde ein maimeny i Sunnmørsposten på laurdag, der presenterte eg oppskrift på kylling med saltbakte poteter og nudelsalat, og rabarbrarull til dessert.
Forretten til maimenyen er ei grøn og frisk ertesuppe. Den er ganske langt frå den gule som du kan få til pannekakene. Denne er rask å lage, og den blir også best om den vert lagd rett før servering. Eg garnerer den med reker, men den kan også pyntast med krutongar, ein rømmeklatt eller med litt sprøsteikt bacon. Denne suppa er gluten- og mjølkefri, og med grønsaksbuljong er den også eit godt vegetarisk alternativ på bufféen. Slik lagar eg den:
Grønn ertesuppe
100 g løk, vårløk eller purre
2 ss olivenolje
Ein liten skalk sellerirot eller to selleristilkar
1 liter vatn
Ein buljongterning eller 1 ss flytande buljong
500 g grøne erter
Fire mynteblad viss du har
Salt og peppar
Varm opp oljen i ei gryte. Hakk løken fint. Skrell og hakk sellerirota i små terningar. Surr grønsakene til løken er blank og fin, og slå over vatnet. Ha i buljong, og la det koke i 10 minutt. Ha i ertene, og la suppa koke opp att.
Hakk mynteblada fint, og ha dei i. Køyr suppa glatt med ein stavmiksar, og smak den til med salt og peppar. Server i små glas. Tre to nypilla reker på ein tannpirkar eller eit lite grillspyd, og legg på glaset som garnering. Eg serverer denne suppa i småglas, mine er faktisk til telys, kjøpt på IKEA. Skal dette vere ein ordentleg forrett bør du bruke litt større glas eller pene suppeskåler.
-Og det vart ein kjempefin dag.
Alle bidrog kvar på sin måte. Min kjære lagde for eksempel desse fantastiske pikekyssa med flaggfargar. Flotte vart dei! (Og etter å ha ete ein blå vart tunga knallblå. Stilig!)
Det er eg heilt sikker på.
Der står det nemleg at regnet skal kome klokka elleve, men frå klokka ti serverer vi brunch i hagen for 22 gjestar, så det kan ikkje regne.
Vi har ein plan B, med buffé og free seating inne, men vi kryssar fingrane for at vi kan ta plass ved langbordet i solskinet. Gjestane får servert ulike typar skinke, fersk, røykt og speka, mårpølse, laks og eggerøre, skagenrøre og aioli. Mors nybakte rundstykke høyrer også med. Deretter kjem det forskjellige ostar med marmelade, og til slutt blir det servert ei rullekake og fruktsalat, krem og muffins i raudt, kvitt og blått.
Eg ynskjer deg ein fin 17. mai, med sol og glede!
No er det like før det smell, men gode råd treng slett ikkje alltid vere dyre.
Her finn du mine kaketips for 17. maifesten, Den er gull verd for dei som er i komitéen for det heile. I tillegg har eg lista opp masse gode oppskrifter under her, som eg vonar kan inspirere til baking i seine kveldstimar. Ha ein fin 17. mai!
Lys langpannekake – grunnoppskrift
Appelsinkake med firkløverglasur
Marengskake med sjokolademousse
Til dessert på maifestbordet mitt serverer eg rabarbrarull. Rabarbraen sprutar ut i hagen min, og eg brukar den så mykje eg kan. Dette er ein ny kakevariant, som vart ganske god, om eg skal seie det sjølv. Slik gjer du det:
Rabarbrarull
275 g kveitemjøl
5 ss sukker
1 ts bakepulver
½ ts salt
75 g smør
1 egg
½ dl mjølk
Fyll:
350 g rabarbra
6 ss sukker
1 ts finreve sitronskal
1/2 ts kardemomme
Pynt:
1 egg
litt perlesukker
Sett steikeovnen på 220 grader. Bland dei tørre ingrediensane og smuldre i kaldt smør. Pisk egg og mjølk og rør inn i deigen. La deigen kvile ein halvtime i kjøleskap.
Kjevle deigen til et rektangel (ca. 25×30 cm). Eg gjer dette rett på eit bakepapir av silikon, då vert deigen enklare å handtere.
Bland rabarbra, sukker, sitronskal og kardemomme, og fordel det over deigen. La det stå igjen 1 cm langs kanten. Pensle deigkantane med samanpiska egg. Brett inn deig-endane og rull sammen kaka som ei rullekake. Legg den på steikebrett med skjøten ned.
Pensle kaka med samanpiska egg, og dryss på perlesukker. Steik kaka midt i omnen i ca. 30 minutter. Avkjøl kaka litt, og server den med crème fraîche rørt med litt ekte vaniljesukker, krem eller vaniljesaus. Denne kaka gir ca. 8-10 porsjonar.
Ha ein fin mai-fest!
I mai kjem festdagane tett som hagl, og spekemat og grilling har lett for å gå igjen på menyen.
Men det er kjekt med nye rettar på festbordet, og her kjem ein dose inspirasjon frå meg. Desse rettane er enkle, ikkje så dyre og med spennande smak.
I dag får du oppskrift på kyllingfilet med salat og saltbakte poteter. Kyllingen kuttar eg i strimlar, og så steiker eg den og serverer med ein sterk og søt mangosaus. Har du det travelt kan du bruke vanleg søt chilisaus på flaske, som du finn i butikken. Steiker du kyllingen i olje er denne retten også mjølke- og glutenfri. Slik gjer du det:
Kyllingfilet med sterk mangosaus
Mangosaus:
3 dl eple- og mangojuice
Raud chili etter smak
1-2 ts maisenna
2 ss vatn
Salt og peppar
Kok opp juicen, og skum av. Ha i finhakka chili, og la det koke litt. Det er best å byrje med litt chili, og så heller ha i litt meir om du syns sausen treng meir punch. Rør ut maisennamjøl i vatnet, og slå i sausen litt og litt, til den er passe tjukk. Smak til med salt og peppar. Sett til side.
800 g kylllingfilet
Salt og peppar
Smør eller olje til steiking
Lime
Strimle kyllingfileten i lange strimlar. Steik den i smør og dryss på salt og peppar. La den gjerne ettersteike litt i omnen.
Legg på fat, og ringle over mangosaus. Press over safta av ein halv lime, og pynt med limebåtar.
Saltbakte poteter
Bruk små amadine-poteter. Vask potetene godt. Ha potetene i ei kasserolle og kok dei i ca 7 minutt.
Legg potetene i langpanne saman med mengder av grovsalt. Stikk nokre små hol i potetene med ein gaffel. Dryss over litt rosmarin og ein skvett olje. Bak dei i omnen på 200 grader i ca 15 minutt.
Nudelsalat
200 g eggnudlar
4 ss olivenolje
4 ss sitronsaft
1 ts malt ingefær
Vårløk
Agurk
Blanda salat
Raud løk
Eddik til marinade
Kutt raudløken fint, og legg den i eddik til marinering. Dette kan du gjerne gjere i god tid før servering.
Kok nudlane i godt salta vatn så lenge som det står på pakken. La dei renne av i eit såld før du har dei tilbake i gryta. Bland saman olje, sitronsaft og ingefær, og vend nudlane i dette i gryta. La det heile kolne.
Finhakk vårløken. Skrell agurken, del den i to, fjern frøa og kutt agurken i strimlar med ein ostehøvel eller liknande. Skyll salaten og tørk den.
Bland alt saman på eit stort fat. Server med appelsinvinaigrette.
Appelsinvinaigrette
3 ss appelsinmarmelade
3 ss vineddik eller annan kvit eddik
2,5 dl olivenolje, extra virgin
Urtesalt og nymalt peppar
1 eggekvite
Litt vatn
Varm opp marmeladen med eddiken. Det skal ikkje koke, berre varmast opp slik at marmeladen smeltar. Ha i eit blenderglas og køyr glatt med olivenoljen. Smak til med urtesalt og peppar.
Ha i eggekvita til slutt, og køyr den litt til med stavmiksaren. Eggekvita gjer at dressingen emulgerer, olje og vatn blandar seg. Spe med litt meir vatn viss du syns dressingen vert for tjukk.