Eg ville berre vise deg dette. 13.09: 1000 innlegg, 4000 kommentarar. Kult!
Latest Posts
Tenderly
The evening breeze caress the trees,
Tenderly.
The trembling trees embrace the breeze,
Tenderly.
Then you and I came wandering by,
And lost in a sigh were we.
The shore was kissed by sea and mist,
Tenderly.
I can’t forget how two hearts met,
Breathlessly.
Your arms opened wide and closed me inside.
You took my lips, you took my love
So tenderly.
Your arms opened wide and closed me inside.
You took my lips, you took my love
So tenderly.
You took my lips, you took my love
So tenderly.
Festbordet…
Slik såg det ut, ferdig pynta og med forrettane på bordet.
Meny:
Caprese, Italiensk salat med tomat, basilikum og mozarella, med skinke, saltsylta sitronar og aioli
Heilsteikt entrecote, langtidssteikt og grilla, servert med honningglaserte grønsaker, potetterrin, raudvinssaus og salat
Pannacotta med skogsbærsaus
For tida…
-er eg litt bissi. Venninna mi sin femtenåring blir konfirmert denne helga, og eg er i komitéen, sjølvsagt. Her ser du steika, som står til mørning i natt:
Den vert servert med honningglaserte rotgrønsaker, rødvinssaus, ein salat og potetgrateng. Dette er ein enkel grateng utan fløte, men med ein del smør. Den er bakt i langpanne under press, for å bli enkel å kutte opp. Presset er ein stein vi fann i hagen. Den er flott, der den ligg i steikeomnen.
Lopper på Ila!
I dag er det loppemarknad på Ila skule her i Oslo, adresse Fougstads gate 10 på St.Hanshaugen. Der har dei skattar av alle slag, vi har akkurat levert ned eit heilt billass med flotte klede frå salet vi hadde i bakgården forrige helg. Masse stilige antrekk herfrå, altså.
I tillegg har dei ei velfylt interiøravdeling i teatersalen, haugar og lass med bøker og musikk i nedre gymsal, og klede og sko i øvre gymsal. På musikkrommet finn du elektroavdelinga, og i kantina serverer dei som vanleg fantastiske kaker. Eg er der ikkje, det er to loppemarknader sidan fjortenåringen slutta, men eg heiar på dei for det. Stikk innom, du finn heilt sikkert noko fint!
Gaga
Er ikkje denne kul?
Påkalling
Påkalling
Gjev meg ein dag og ein kveld
Lat det ljosna i romet sidan skymast
Eg vil få smilet ditt og alt som liknar deg
Eg vil legge armane kring deg der vona bur
utan å tenke på døden
Eg vil flyge med deg ut gjennom vindauga inn i skyheimen
setje meg hos deg under den gamle asken
som lærer oss visdom
Eg vil fylle brystet ditt med nordavinden sin lengt
blåse ut av tankane dine mørkeredsle og innbillingar
Krukker og hagar får bere nye blomar:
himmelurt vidlendefiol songløvetann
og det får drype honning av lufta
og Ljoset sin fødselsdag vert lesen høgt
Gjev meg berre ein dag og ein kveld
og sidan:
Kvar dag kvar kveld medan vi lever
Johann Hjalmarsson (1939)
I morgon, i morgon,
men ikkje i dag, går frøa i posten. Det betyr at du kan melde deg i kveld, og framleis motta litt hagelykke i posten om ikkje så lenge. Er du med? Mailadressa er altgodtblogg ætt gmail dått komm.
Min helt
Eg har ikkje så mange heltar i livet mitt, men Gunnar Tjomlid er ein av dei.
Han skriv om mange spennande ting i bloggen sin, og er av grunnholdning skeptisk til luftige påstandar om det eine og det andre. Han stiller konsekvent kritiske spørsmål til folk som meiner dei har funne løysinga på gåtene livet byr på. Det står det respekt av.
Gunnar Tjomlid har skrive ein artikkel i tidsskriftet til Humanetisk forbund, Fri Tanke. Der gir han ei metodisk og grundig innføring i kva det vil seie å tenke kritisk omkring medisinsk forskning, alternative behandlingsformer og meir eller mindre naturlege preparat som vert marknadsført som tidens løsen. Når noko er for godt til å vere sant er det ofte det, og denne artikkelen forklarer kvifor. Kudos!
Ze movez
På båt er det som hovudregel dans og moro. Her er bruksanvisninga.
Utsikta
Utsikta i føremiddag:
Utsikta i ettermiddag:
Aldri sur!
Iallfall skal eg ut på tur. Når du les dette er eg ombord i ein båt som skal frakte meg og ein heil del andre ned til Kiel, der dette staselege vasstårnet er eit av landemerka.
Høvet er eit jobbseminar, og eg gler meg til dette vesle avbrekket. Eg kjem til å ta med kamera og mac, så du høyrer frå meg før du veit ordet av det.
Ein ekstra til middag!
Av og til skjer det, sjølv midt i byen, og det er som regel veldig hyggeleg. Ein gjest stig inn døra like før middagen skal lagast, og du står der med passe med mat til dei som var i huset frå før.
Eg er oppdregen med at gjestar skal ha mat uansett, så då gjeld det å vere ein luring. Vi hadde ferdigsteikte kyllingfiletar frå i går, og kyllingfilet er litt vanskeleg mat når ein serverer den heil. Ein er ofte for lite, iallfall for mannfolk og ungdommar i veksefasen, men to til alle blir litt voldsomt.
Trikset i slike tilfelle er å lage ekstra mykje saus og ris/poteter, og så servere kyllingen i bitar i sausen som ei gryte. Slik gjorde eg det:
Kyllinggryte til fire personar
Fem kyllingfiletar
5 dl buljong
1 pakke fløte eller creme fraiche
Ein raud løk
Ein stor squash
1 ts honning
Steik squashen i skiver, og legg den på fat med salt, peppar og litt sitronsaft krysta over.
Kok ris, kok opp 6 dl vatn og ha i salt, litt sitronsaft og 3 dl ris. Kok opp, rør rundt, legg på lok og la det koke på låg varme i 12 minutt.
Skjer kyllingfiletane i skiver. Steik dei fort i steikepanna du brukte til squashen. Slå på buljong. Kutt opp løken slik du vil ha den. Til vaksne kuttar eg i båtar, ungane mine et mest viss den er finhakka. Ha løken over kyllingen, og legg på lok. La det dampe til løken er mjuk og kyllingfiletane er gjennomvarme. Ha i eit beger creme fraiche og 1 ts honning. Rør ut og kok opp. Smak til med salt og peppar.
Her kan du supplere med meir grønsaker, det er ein fin måte å gjere retten meir mettande på utan å måtte putte i meir kjøt.
Frø! Alle desse frøa!
Eg har altså meir. Hajal, Tigeranda, Elisabeth og andre som har meldt seg skal få, men eg har meir til overs! Små, fine posar med matrem-frø og vossakvann-frø. Vil du ikkje ha? Det er gratis! Send ein mail, så får du i posten.
Overflod i hagen
Det bugnar i hagen. Akkurat på denne tida er problemet å halde følge med det som gror og modnar.
Eg kjøpte ein squashplante i vår, og få grønsaker er meir villige enn den. Den står der så uskuldig, men når du vender dei store blada til side ligg dei der, dei vakre, slanke squashfruktene.
Squashane må plukkast inn etterkvart, dei vert ikkje så gode når dei har blitt verkeleg store. Når du plukkar ein får dei andre krefter til å bli store. I dag lagde eg squashkaker. Det er saltmat, godt egna som ein liten forrett, som tilbehør til grillmat eller fisk eller som eit vegetarisk alternativ på ein buffet.
Squashkakene er saftige og smakfulle, og du kan krydre dei meir enn eg gjer. Eg har laga mine ganske nøytrale, og då er dei gode saman med røykt laks, med litt lakserogn eller lodderogn. Ein av gjestane mine, som spiste dei som vegetarrett, fekk ein søt chilisaus til, og likte det veldig godt.
Eg steikte squashkakene i margarin. Vanlegvis brukar eg smør, men desse skal steike sakte og lenge, og det kan lett bli brent. Margarin gjev også fin farge. Vil du ha det heile mjølkefritt, så bruk pecorinoost og steik i olje eller mjølkefri margarin. Slik gjer du det:
Squashkaker
Ein stor squash
Ein halv løk
1,5 dl strøkavring
1,5 dl riven fast ost, t.d. pecorino eller parmesan
2-3 egg
1 ts salt
Nymalen peppar
Riv squashen fint, og ha den i ein bolle. Finhakk løken, og ha den i bollen saman med den rivne osten og strøkavringen. Ha i egga eitt og eitt. Viss røra er for tørr med to egg, så ha i eitt til. Smak til med salt og peppar.
Smelt rikeleg med margarin i ei steikepanne. Legg ei stor spiseskei med røre i steikepanna per kake. Steik på middels sterk varme til kakene er pent brune, og snu dei når dei er ferdige. Legg dei på ein tallerken dekka med tørkepapir slik at dei får renne av.
It’s always been you
sometimes it`s hard to see the change from where you stand
you wake up in a pool of your own selfpity
you try hard to lose whatever dignity she`s left you with
but maybe it`s time to realise that you`re stained but not weak,
calm but not sleak, she`s out of your league
it`s always been you
speak out your name and try to hold a thought for one damn minute
you told me yourself you`d all appreciate a man of thought
cause this is hightrade out, but you would ever have me do for something new
cause in your own stream of thought betray is all you can, desperate man…
it`s always been you
Vi gjentek suksessen!
I morgon er det marknad i gården, og vi byr fram for sal bøker, kaker, kaffe, kjøkkentøy, sko, klede og masse stylingstasj. Ei av dei nyinnflytta damene i gården er nemleg stylist, så her blir det mogeleg å slå til på desse fine tinga du ser i Elle og kva dei no heiter, der det til dømes står: Sjal: stylistens eget. Kom innom, og gjer ein god handel!
Stad: Inngang frå Fayes gate 8/10
Tid: Laurdag 4. september kl. 12-16
So you think you can dance?
Eg minner om mine give-aways, billett til Gjør din bolig bedre og frø av kvann og matrem. Medan du reflekterer over om du skal slå til på eit eller begge av desse tilboda kan du jo slappe av og sjå på denne?
«Gjør din bolig bedre» – vil du gå?
Eg har fått ein invitasjon på mail til Gjør din bolig bedre på Fornebu i morgon. Eg har ikkje tid til å gå, men vil du? I så fall, send meg ein mail, så får du min invitasjon. God tur! 🙂
Eg går i frø…
Vel, ikkje heilt bokstaveleg, men hagen min er altså full av frø som eg har samla inn. I dag byr eg på matrem og vossakvann.
Matrem er ein sommarblomst som veldig lett frøsår seg. Når du først har fått den i hagen så har du den, men den er fin, og lett å luke, så eg syns ikkje den er plagsom. Den har små, kvite, fylte blomar, og passar godt saman med det meste.
Vossakvannen kjøpte eg i botanisk hage i fjor, og den har spreidd mykje glede både i rabarbragraut og i syltetøy etter det. Det er ein sterkt aromatisk skjermplantevekst som er toårig. Eg vonar den også frør seg lett, for eg vil veldig gjerne ha den tilbake neste vår.
You know the drill, send meg ein mail på altgodtblogg ætt gmail dått com, og legg att namn og adresse, så kjem det frø i posten.
Nerdegreier
Er ikkje denne litt festleg? Den ser litt skummel ut, ikkje sant?
Slikt lagar datanerdar når dei kjedar seg. Legg merke til nyheitsrullen til høgre, eg lovar masse kudos til den som ser kva det er.
Matstell i tunge tider
Då Kjære gifta seg var eg fattig student, og hadde ikkje råd til så fin gåve. Dei fekk eit lite grafisk trykk som framleis heng i gangen deira. På det står det: De dagene da alt står på hodet er gode dager.
Det siste halvåret har eg hatt mange dagar då livet ikkje har stått på hodet. Å bryte opp frå vande rammer er stritt, og sjølv om det skjedde i fredelege former er det tunge tak på så mange måtar. Eg har mange gongar gitt meg sjølv eit spark bak for å kome i gang med ting, og ofte har eg ikkje ein gong klart å gje meg sjølv sparket som skulle til.
Dette gir seg mellom anna utslag i matstellet. Vi har ikkje ete dårleg mat, men bloggeverdig har den ofte ikkje vore. Eg kjenner på kroppen korleis slike omveltingar gjer at ein får mindre overskot og mindre krefter. Tunge tankar tek overhand, utan at det alltid visest her i bloggen.
Bloggen har blitt fjerna over enkelte lister over matbloggar, heilt på sin plass, sikkert. Dette har nok ikkje vore ein matblogg dei siste månadane, det var vore ein sikkerheitsventil for meg, eit vindauge mot verda som eg kunne få respons og støtte gjennom. Det har eg verkeleg fått, og eg er uendeleg glad for det.
Eg kan ikkje love store framsteg dei næraste månadane heller, eg må berre be om tolmod og oppmuntrande tilrop, så skal eg nok kome på rett kjøl igjen både på eine og andre måten.
Men inkje er så gale at det ei er godt for noko, eg lærer noko om matstell i krise. Det er noko av det som fortast ramlar saman når grunnmuren sviktar. Det er noko å tenke på for dei som skal støtte folk i krise og. Eg kjenner at eg har ei heil bok i magen om dette. Men som sagt: Ha tol med meg, eg kjem tilbake. 🙂
Den aller beste plommekaka
I går lagde eg ei enkel og veldig god plommekake. Eg trur ikkje eg lyg når eg seier at det er den beste plommekaka eg har smakt. Og sjølvskryt skal ein høyre på, for det kjem frå hjarta. Den er så god at eg åt berre ei fiskekake til middag i dag for å kunne ta eit flak av denne magiske plommekaka til dessert.
Trikset her er at smøret som eg har i kaka vert bruna først. Det brune smøret gjev kaka ein nydeleg, nøtteaktig smak. På toppen av det heile, bokstaveleg tala, karamelliserer eg kaka dei siste minutta i omnen. Enkle grep som gjer at denne kaka smakar betre enn andre plommekaker eg har lagd.
Denne er eggefri, så har du eggeallergikarar i nærleiken er denne perfekt for dei. Det som tek tid med denne kaka er at den skal lagast med bruna smør. Her er det smør som gjeld, ikkje margarin.
Dette er ein ganske liten porsjon, eg har ei form som er 20×20 cm som eg brukar til denne oppskrifta. Den passar fint i ei 20-22 cm rund form. Skal du lage den til ein fin fest, til dømes som dessert, vil eg anbefale å lage den i småformer om du har. Det blir lekkert. Slik gjer du det:
Plommekake
150 g smør
2,5 dl kveitemjøl
2,5 dl vanleg sukker
1 ts bakepulver
1,5 dl mjølk
Ei klype salt
4-5 plommer
1 ss brunt sukker
Smelt smøret i ei gryte, og la det stå på middels varme medan du rører av og til. Smøret skal stå til det får ein nøtteaktig farge. Pass på at mjølkestoffa som fell til botnar ikkje vert brent. La smøret kolne litt.
Sett omnen på 190 grader. Skyll og tørk plommene, fjern steinane og del dei i båtar.
Bland mjøl, vanleg sukker, bakepulver og salt i ein bolle. Ha mjølka i smøret, og ha det i det turre. Smør forma godt, og rist strøkavring eller semulegryn rundt i den slik at den vert godt dekt på innsida. Ha i røra. Legg plommebåtar tett i tett i røra. Steik kaka på 190 grader i 20 minutt.
Ta kaka ut, og strø på 1 ss brunt sukker. Sett temperaturen opp til 200 grader, og la kaka stå i ti minutt til. Sjekk om den er gjennomsteikt med ein kakepinne. Viss sukkeret ikkje er karamellisert enno, så set temperaturen endå litt opp, og la den få eitt par minutt til med varmluft.
La kaka kolne, og server den med ei kule vaniljeis eller litt vaniljekesam. Velbekomme!
Litt energi
-på ein mandags morgon? Eg får energi av dette, iallfall. Ha ei fin veke!
Fantastisk film i kveld!
NRK2 viser You and me and everyone I know i kveld. Sjå den! Den er så bra! Det var berre det eg ville seie.