Billig mat, Dessert, Mat, Noko søtt, Sausar og dippar, Veggis
Leave a Comment

Champagnebakte pærer med karamellsaus

No skal eg lære deg å lage verdas enklaste og raskaste karamellsaus. Slik gjer du det:

 Enkel karamellsaus

2 dl brunt sukker

1 dl kremfløte

2 ss smør

1 ts vaniljesukker

Ei klype salt

Ha alt i ei gryte, og la det koke forsiktig opp medan du rører. Hald fram med å røre medan karamellen putrar, og la det koke forsiktig i 5-6 minutt til sausen er tjukk og fin. La den kolne.

IMG_5298Champagnebakte pærer

Ei pære per person

2-3 dl champagne eller ein annan musserande vin

(evnt. 1 dl vatn, 2 ss sukker og 2 ts sitronsaft)

Skrell pærene, del dei i to og fjern kjernehuset og blomsten. Legg dei med snittflata ned i ei eldfast form, og slå over champagnen. Dryss eventuelt litt sukker på viss du vil ha desserten ekstra søt.

Bak pærene på 210 grader i 8-10 minutt. Er pærene dine ikkje så modne, må dei kanskje stå litt lenger i ovnen for å bli møre. Mine hadde lege på fruktfatet ei stund, og då var 8-10 minutt perfekt tid. Du kan også bytte ut champagnen med ein kvitvin eller ein god eplejuice.

Server pærene i champagnesjy med litt karamellsaus på.

Leave a Reply