All posts filed under: Frustrasjonar

Er du ren? Er du tro?


Kan speilet tale? Speilet kan tale Speilet skal se på dig hver morgen, forskende, se på dig med det dybe, kloge øie, – dit eget! hilse dig med det varme, det mørkeblå øie. Er du ren? Er du tro? Det er dramatisk, dette diktet av Sigbjørn Obstfelder. Eg møter ofte menneske som seier at det er så viktig for dei at ein er ærleg og open. Dette er eigenskapar eg og set stor pris på. Alt for mykje vert fortia, pynta på og feia under teppet. Samstundes er det påfallande at løgn er ein del av den sosiale smøringa menneske imellom. Vi lyg om at maten var god, vi lyg om at vi har det fint når vi eigentleg føler oss heilt knust og vi lyg om at vi har planar ein kveld vi vert invitert i selskap, medan det vi treng er å tilbringe ein kveld i sofaen. I nære relasjonar er løgna med på å halde oss saman. Kjærestar, særleg dei nyforelska, lyg for å framstå som meir attraktive for den andre. Eg …

Dårleg med smått stell


Eg er pjasken for tida, den store sommarforkjølinga har kome over meg og plagar meg med sår hals, tett nase og vond kropp. Så difor vert det ikkje så mykje aktivitet her i bloggen. Men eg får sende dei friske i familien (vi hostar alle, så mindre sjuke er vel meir presist) på kjøkkenet og lage oss litt sikringskost. Det hjelper på alt, også såre halsar og tette naser.

Viss du orkar…


kan du jo ta ein titt på denne videoen her. Mykje tøv på fjorten minutt. Og viss du vil ha noko meir velbegrunna enn at det er tøv, kan du lese denne artikkelen til Gunnar Tjomlid. Der pillar han frå kvarandre alt tullet denne dama bryt utav seg. Det er lov å bruke hovudet til noko anna enn å la hår vekse på.

Nye ammebølger


Eg har hamna opp i nokre ammediskusjonar i det siste. Alt går i bølger, seier dei vise, og slik er det også med amming. Då eg fekk barn i 1996 og 1998 var nok ammeregimet på det strengaste. Det var berre ikkje snakk om å ikkje amme. Mødre som ga barna sine flaske skulle ha ein utruleg god grunn. Dette står i sterk kontrast til det vi som var mødre hadde blitt oppfostra med. Vi var vel meir eller mindre ein heil generasjon som voks opp på sukkervatn (på fødeavdelinga) og morsmjølkserstatning (mme) gjennom heile sekstitalet og første del av syttitalet. Mi amming vart redda av ei bestemt sjukesøster på nattevakt på Ullevål i februar 1996. «Du må dytte henne innpå puppen», sa ho, og viste med eit fast grep. Det funka. Særleg når eg forsto at væske ut betyr væske inn først, altså at eg måtte drikke rikeleg når eg amma. Ei god sittestilling var også avgjerande, puta i ryggen redda meg, då bøygde eg meg fram, og barnet fekk skikkeleg tak. Men dei …

Buljongterningar og margarin


Eg har fått ein kommentar til bloggen min som gjorde at eg måtte tenke litt. Kommentaren går på at eg i enkelte oppskrifter brukar margarin, gjerne flytande margarin, buljongterningar og anna «styggedom». Jeg har vært innom bloggen din ved flere anledninger og ser jo at du er opptatt av mat, så jeg stusser over at du bruker margarin. Det samme gjelder oppskrifter der du bruker buljongterning. Nå som du skal til å lage kokebok er det vel på sin plass å rydde unna slik skit, og dra fram smøret og ordentlig kraft, eller? Viss du søker på smør og margarin her i bloggen min så vil du oppdage at eg stort sett brukar smør. Eg har ein gjesteskribent, Heidi, som ofte brukar margarin, eg brukar margarin sjeldnare. Men enkelte gongar er det heilt fint med margarin. Euroshopper flytande margarin er mjølkefri, og når eg brukar den kan også venninna mi som er mjølkeallergikarar spise desse browniesane. Det er populært, iallfall hos henne. Eg brukar stort sett flytande bremykt når eg lagar dei viss ikkje ho …

Å nei, håret mitt!


Kva er det med dette håret? Det er mogeleg eg har hatt uflaks, men dei tre-fire gongane eg tilfeldigvis har sett på Top Model så slår det ikkje feil: Ei av jentene som er med fell om i krampegråt fordi dei må klippe håret. Men i alle dagar, sjekk ut catwalkane rundt omkring, sjekk ut moteblada. Viss du ser bort frå Norsk Ukeblad: Er det modellar med lyst linhår du ser overalt? Nei, det er jo ikkje det. Skal ein først inn i modellbransjen så må ein vere budd på å skifte uttrykk. Surprise! Kunden vil ikkje ha berre ein ting! Ein får kjensla av at jentene er med for å få bekrefta at dei framleis er penast i klassen, ikkje for å lære eit yrke. Dei står der som ein annan hulkande Samson Goliat, all deira gjennomslagskraft låg i det håret som no er klipt av eller farga raudt. Dustedamer. Det er ein jobb, dette, ikkje ei utstilling av søte jenter.

Tinga vi ikkje lærte


Ja, eg veit det er lite mat her for tida, det er ikkje fordi eg ikkje lagar mat, for det gjer eg. Problemet er at kameraet mitt er på Oslo Fashion week. Ikkje saman med meg, vel å merke. Så i mellomtida får eg finne på andre ting til deg. Sjekk ut denne. Der finst ting som menn aldri har lært om kvinner, og der finst ting som kvinner aldri har lært om menn. Amanda Gore lærer oss det. Enjoy!

Trinetrall – fram og tilbake er dobbelt så langt


Det er ikkje så greitt når ein uttalar seg friskt, og så blir det dårleg motteke, og så vil ein så gjerne at dei andre skal syns at ein er grei likevel, så seier ein  – tulla! Useriøst og flåsete, spør du meg. Men det verste, det er at dama kallar seg spesialist på sosiale medier. Tvi vøre, for ein spesialist. Snart kjem ho vel innom, blid og glad, og meiner eg berre snakkar om henne fordi eg vil ha trafikk i bloggen min. Jaja, det får stå si prøve.

Kva skjer i Egypt?


Eg syns det er vanskeleg å få oversikta over det som skjer i Egypt. Enkelte av lesarane mine har kanskje fått med seg at vi bytta hus med ein familie i Kairo for tre år sidan. Det var ei stor oppleving, og vi lærte mykje, syntest vi, av den turen. Vår husbyttepartner Nora har blitt mi facebook-venninne. Ho posta denne artikkelen i går, som iallfall for meg var nyttig å lese. Nokolunde balansert nformasjon får ein ikkje nok av.

Kva med dei som ikkje vart friske?


Alternative behandlarar har ein eigen teknikk for å få pasientar som vert betre til å stå fram i media og fortelje om kor flott livet deira er etter at dei fekk hjelp av den aktuelle terapeuten eller det aktuelle naturmiddelet. Men kvar blir det av dei som fekk behandling, men ikkje vart hjelpte? Det er nok grunn til å tru at det er flest av dei. Denne artikkelen fortel historia til dei som den alternative behandlinga ikkje fungerte for.

Svar frå NRK


Huskar du denne? Eg har fått svar frå NRK, det kom i går kveld. Dei meiner altså at det er humor. Skal tru om dei fortalte astrologen at dei meinte det ho heldt på med var humoristisk? Hadde ho stilt opp då? Ho trur vel på det ho held på med? Hei, Denne eposten ser det ut som jeg ikke har svart på. Beklager. Først og fremst: Takk for innspill. Vi har nok forskjellige oppfatninger om denne bruken. Vi mener bestemt at den unge mannen i innslaget ikke har økonomiske utfordringer, han har full kontroll på økonomien sin. Bruken av astrologi i dette tilfellet var ment som et bittelite humoristisk element i sendingen og slettes ikke gravalvorlig. Men humor er vanskelig. Med ønske om en god helg! Mvh FS Redaksjonsleder i FBI

Gjør livet levende?


Stort sett føler eg meg på høgde med det som skjer rundt meg, eg føler meg ikkje gamal til sinns. Men av og til treff eg på ting som får meg til å føle meg streng og jomfrunalsk. Som dette. Kan det vere naudsynt? Kan vi ikkje vere ærlege med kvarandre, og handtere liva våre nokolunde ryddig og ope? Eg kan ikkje sjå ein einaste god grunn til å skulle gå så langt. Ta vare på kvarandre, og slepp taket viss det er det rette å gjere.

Venn eller ikkje?


Nokre veneførespurnader på Facebook er enklare enn andre. Gamle, kjære vener som eg har mist kontakta med utan grunn er det berre kjekt å høyre frå. Til relativt nyleg har Face vore ei frisone. Men no har foreldregenerasjonen vår byrja å kome på Facebook, og då må ein vurdere nøye. Kva gjer ein? Her er eit flytskjema som du kan bruke for å ta stilling til om du skal legge til dine foreldre eller ikkje. Treffande, spør du meg. (Og syns du skrifta er for lita så er du ikkje i målgruppa. Då risikerer du derimot å bli ditcha kva tid som helst.)

E-post frå Alt godt til FBI, NRK


Forbrukerinspektørene brukar ein astrolog for å gje råd om privatøkonomi. Her er e-posten min til prosjektleiar Frank Sivertsen i FBI-redaksjonen i NRK: Hei! Eg reagerer sterkt på at Forbrukerinspektørene brukar ein astrolog for å spå om framtidsutsiktene til ein mann som er brukt som case i programmet. At eit sanningssøkande og kritisk program som FBI skal bruke slike verkemiddel meiner eg er latterleg og ein hån mot prinsippa som eg går ut frå ligg til grunn for programmet. Ingen har nokonsinne klart å slå fast at astrologi har noko som helst for seg som verkemiddel for å forutsjå kva som vil skje. Å bruke astrologi for å rettleie personar som har økonomiske utfordringar er etter mitt syn å kaste blår i augene på dei som blir presentert i programmet. Med helsing Alt godt

Orden i kaoset?


Korleis har du det heime? Har du det «på stell»? Har du eit gjennomtenkt og oversiktleg interiør, eller er det kaos i krokane? Ja, eg veit det, det er eit veldig personleg spørsmål. Nokre eg kjenner har aldri besøk, dei skjems over rotet dei lever i. Andre, som ikkje har det noko ryddigare enn dei som skjems, tek imot framande og kjende med opne armar. Og så har du alle dei som har det «strøkent», og som alle andre samanliknar seg med, og er ørlite misunnelege på. Det skal ikkje vere enkelt, dette livet. Du har sånn orden i tinga dine, sa han eg har blitt så glad i. Det er smigrande, men eg føler det ikkje alltid slik sjølv. Det er mykje skam og skuldkjensle knytt til det å ha det ryddig og ordentleg i heimen sin. Eg vaks opp i eit hus som bar preg av å vere bebudd av næringsdrivande med kasteangst. Alt kan kome til nytte. For ikkje å snakke om det som har nostalgisk verdi. Far min kan ikkje rydde …

Idétørke – eg treng hjelp!


No står det heilt stilt her. Neste torsdag skal eg ha kollegaene mine heim til meg på konjakksmaking. (Konjakkpresentasjonen tek ein spesialist seg av.) Men eg står heilt fast når det gjeld kva eg skal servere dei! Det må vere enkel mat, få ingrediensar, men varm. Den kan lagast i omn eller gryte, men helst ikkje ta så lang tid å førebu. Den må tole å stå på varmen litt, for den skal serverast etter konjakk-delen av kvelden. Dei som kjem er flest menn, mellom 25 og 65 og opne for det meste, trur eg. Det er ingen som har allergiar, intoleransar eller mat dei ikkje kan ete av religiøse grunnar. Vi blir ca. 15, og det blir «sitte der du finn deg ein plass»-opplegg. Vanlegvis er det eg som kjem med tips, men no må dokke lesarane mine hjelpe meg med forslag. Kva trur du kollegaene mine vil like å få servert?

Slett meg!


Det er oppretta ei ny nettside som marknadsfører seg som ein fin måte å leite fram bursdagane til vennane dine. Men samstundes er det sjølvsagt ein enorm database som sannsynlegvis inneheld dine personopplysingar. Eg søkte opp meg sjølv, og fekk opp info om både det eine og det andre. Slikt irriterer meg grenselaust. Eg går ut frå at mange av lesarane mine heller ikkje vil ha sine personopplysingar i ein slik database. Difor kan du gå inn her og slette det som står om deg. Søk opp deg sjølv, klikk på namnet ditt og velg å slette innhaldet. så får du ein mail med ei slettelenke.

Eg har sagt det før


-og eg seier det igjen: Denne dama er ikkje god. Mitt første møte med henne var på ex.phil, der ho æresskjelte ei godt vaksen dame som byrja på sin juridikum då ho var rundt 40. Monsen sin harme baserte seg på sitt eigenutvikla prinsipp om at den utdanninga ein ikkje tok i sin pure ungdom var ingenting verd. At den æresskjelte seinare vart ein dyktig jurist og til og med statsråd kunne jo ikkje fru Monsen vite. Tvi vøre.