Månad: desember 2010

Om å vintersykle


Det er mange måtar ein kan vekke merksemd på. Ein av måtane eg gjer det på er ved at eg syklar om vinteren. Sykling er ein strålande flott måte å kome seg rundt på. Du får trent, det er nesten gratis, du slepp å vente på bil, buss eller tog og det går fort. Dei siste åra har det blitt merkbart fleire vintersyklistar. Eg er inne i min fjerde sesong med piggdekk og fleece i lag på lag. Mange syns det er snodig at ein vil sykle på vinteren, men det er som alle andre ting ein gjer som andre syns virkar farleg; når du er midt oppe i det sjølv følest det som om du har kontroll, og stort sett så har du det. Sjølvsagt er det nokre utfordringar med vintersykling. Ein ting er sjølve temperaturen. Både i fjor og i år har det vore tøffe vintrar, med lange periodar rundt -20. Då gjeld det å kle seg godt. Eg brukar ullstillongs, ullsokkar og viss nødvendig overtrekksbukser. Overtrekksbuksene kjem på viss termometeret passerer -20. Så …

Julegåvedryss!


Eg har tidlegare reklamert for parfymeforumet Parfymesnakk. Der inne finn du parfymegale duftentusiastar som delar gleda over olfaktoriske opplevingar. No i desse juletider er det sjølvsagt nærliggande å vere rause mot kvarandre, og dele goda. Dei som administrerer forumet har vore på tiggerunde, og fått milde gåver både frå Heaven Scent og Parfumerie. I tillegg har fleire som er deltakarar på forumet donert dufter frå eigne samlingar. Alt du treng å gjere for å vere med i trekninga er å gå inn på forumet, registrere deg som brukar viss du ikkje allereie er det, og skrive eit innlegg i julegåvedrysstråden der du skriv om dine duftopplevingar i året som er i ferd med å ebbe ut. Hiv deg på, det er spennande premiar i vente!

Terri Shea: Selbuvotten


Samlaget har gjeve ut denne boka, som har selbuvottar av alle variantar som tema. Boka er opprinneleg skriven på engelsk, av amerikanske Terri Shea. Ho har fått hjelp av Annemor Sundbø til omsetjing og fagleg støtte. Annemor Sundbø har også mange av dei vottane som er presenterte i boka i si private vottesamling. Boka kom først ut i USA. Eg syns dette er ei imponerande bok. Først og fremst er det artig at ein amerikansk dame har teke tak i denne tradisjonen og skrive ei grundig og breitt anlagt fagbok om den. For det andre er den ein flott gjennomgang både av det historiske bak selbuvotten og kreativiteten i mønster og utforming. Det er lenge sidan eg har strikka, men denne boka gjev meg verkeleg lyst til å ta fram spøtet. Kvart votteprosjekt er overkomeleg, og med så gode oppskrifter som dei du finn i denne boka er det lett å kome i gang.

Med fare for å gjenta meg sjølv…


Dette skriv eg minst eitt par gongar i året, og det er like viktig kvar gong. No i julebordstria har folk nok med seg sjølve, festar, juleavslutningar og andre sosiale lag. Blodbankane merkar det på to måtar: For det første får fleire juling, og treng blodoverføring etter skadar og ulukker. For det andre gløymer folk blodgjevingstimane sine, dei har nok med seg sjølv og sine i denne tida. Difor kjem mi årvisse oppmoding: Gje blod! Registrer deg, sjekk ut vilkåra og dersom du kan gje så gjer det. Eg er i karantene for tida, på grunn av den nye kjærleiken, så gje litt for meg og. Eg er tilbake med full styrke i mars!

Eg er i tordenbloggen!


Stor stas! Eg er ikkje sikker på kven som har nominert meg, men eg er iallfall veldig glad for det. Viss du trivest her inne hos meg, og vil gje uttrykk for det, kan du gå inn hos Tordenbloggen og stemme på meg. Stemmer i kommentarfeltet tel ekstra, og viss det er som det har vore før, tel begrunna kommentarstemmer dobbelt. Takk! 🙂

Venelag før jul


Før jul skal alle møtast. Syklubben, bridgegjengen og fotballaget, alle skal ha sin felles førjulsmiddag. På menyen er det gjerne enten julemat eller tapas. Julemat er eit styr, og det er også ganske mykje arbeid med å servere tapas til mange. Difor lagar eg ofte ei stor, varmande gryte med suppe ved slike høve. Eg hadde alle som arbeider i min seksjon heime hos meg her om dagen, og då serverte eg ei klassisk gulasjsuppe. Gulasj er ein ungarsk lapskaus som det finst uendeleg mange oppskrifter på. Vi var tolv til bords, så det vart ein stor porsjon med suppe. Sju liter lagde eg, og jammen gjekk det med. Her har eg redusert oppskrifta til å vere passe for seks personar. Slik gjer du det: Gulasjsuppe 800 g storfekjøt utan bein 3 ss mjøl 2 ts margarin eller smør 3 ss matolje 2 løk 3 fedd kvitløk 1 ss paprikapulver 2 ts spisskummin Ein liten skalk kål Ein boks hakka tomatar Fire gulerøtter Ein purre 3 paprikaer 3 liter vatn 2 ss buljongpulver Sukker, salt, …

Fleire gåvetips!


Vi har alt vi treng. Oppdagar vi at vi treng noko, går vi og kjøper det. Det gjer det til ei håplaus oppgåve å kjøpe gåver. Det er grenser for kor mange lysestakar, krydderblandarar og aspargeskjelar vi treng. Raudekrossen var først ute med tilbod om å kjøpe ei geit som vart donert til ei familie i Afrika. No har fleire gitt seg ut i same marknaden. Eg syns det er fint. Kvar gong eg opnar eit julekort og ser at avsendaren har gitt ei gåve til eit godt formål i staden for ei julestjerne til meg kjenner eg det som om verda tek eit steg i rett retning. I dag vil eg reklamere for eit godt formål som ikkje er som kjent, men som ikkje er mindre viktig for det. Prosjekt Haiti er ei gruppe idealistar som har arbeidd for å skape eit betre liv for barn og vaksne i slummen i Haiti i over ti år. Etter jordskjelvet i januar mobiliserte dei enormt, og sendte kontainarar med utstyr og naudhjelp over til Haiti. Men …

Alltid i billigkroken!


Det har eg lært barna mine. Når vi er på IKEA må vi alltid gå i billigkroken. Du kan ikkje vere sikker, det kan hende sofaen eller madrassen du har på vogna di står i billigkroken med oppriven emballasje, men like fin til halv pris. Slik er det også med bøker. I år har Aschehoug laga sin eigen billigkrok, med eit vell av aktuelle julegåveidéar til store og små. Eg syns dette er sympatisk. Dei store forlaga har hatt bakgårdssal og andre liknande festdagar for oss som har for få bøker og som har ambisjonar om å trakke endå meir inn i bokhyllene. På denne måten får også dei som bur lenger unna få ta del i moroa. (Eg er ikkje sponsa, og har ikkje kontrakt med Aschehoug, eg syns berre salg FØR jul er genialt, innkjøpar som eg er.) God julebokshopping!

Fracas kjem til byen!


No byrjar det verkeleg å svinge av Oslo som parfymeby. I morgon kjem duftene til Roberg Piguet til byen. Vi kan få lukte på klassikarane Fracas, Visa og Bandit, herredufta Cravache og Baghari og Futur kjem sikkert også. Det er Parfumerie, det nye, spennande parfymeriet i Vibes gate 11 i Oslo som har fått inn desse duftene. Det er mogeleg at dei har vore til sals i Norge «i gamle dagar», men i nyare tid har eg ikkje sett dei nokon annan plass i Norden enn på Illums i København. Ta ein tur innom Parfumerie, og snus på ein klassikar (eller fem)!

Duftande ønskelister?


Det er tida for ønskelister, og eg er spesielt interessert i dei duftande listene. Eg veit at mange av mine parfymevennar har lister over parfymar dei planlegg å kjøpe, og dei som ikkje har komt i hus til i desember bør vel stå på ei slik liste. På mi ønskeliste står det også nokre dufter, nokre er å få tak i i Norge, andre må ein utanlands for å finne. Den første på mi liste er Belle d’Opium. Den originale opium-dufta blir for voldsom for meg, eg har brukt den frå ei lita krukke med bodycream som eg har, men bortsett frå det blir den for dominerande. Belle d’Opium, derimot, er atskillig lettare å gå med, og er ein moderne, varm og tiltalande floriental med fruktnotar og kvit peppar for å balansere. Den andre på mi personlege liste er Kenzo Femme. Vanlegvis slår Kenzo på stortromma når dei lanserer ting i Norge, men ikkje denne gongen. Kenzo Femme har meir eller mindre blitt lirka inn bakvegen i norske parfymeri. Det er synd, for det er ei …

Cardamom baked oranges – translated


Some of my foreign friends wanted to test my recipe for cardamom baked oranges, so I have translated the recipe. I have been experimenting with a dessert with spicy oranges for a while, and I have tested different ways to make it and present it. This version is served with a sour cream sauce, honey roasted nuts (store bought) and rum-drenched raisins. I always put raisins in rum early in November. They are useful for a lot of things, I put them in the Norwegian «gløgg», a sort of mulled wine, I put them in my christmas fruit cake and in chocolate truffles. And now in these succulent baked oranges. This recipe makes four servings. Cardamom baked oranges Four oranges 4 ts light syrup or honey 1/2 ts ground cardamom 1 ts vanilla extract 2 ts powdered sugar 50 g raisins 1 dl rum 50 g sweet nuts, I used a store bought honey roasted nut mix Heat the oven to 120 degrees celcius. Cut all the peel of the oranges, including all the white …

Ein himmelsk appelsindessert


Eg har drive og eksperimentert litt med appelsiner i det siste, for å finne den perfekte desserten basert på denne saftige vinterfrukta. Tradisjonen er å ete appelsin naturell, til nød med ein sukkerbit dytta inn i eit lite hol ein kan syge safta ut gjennom. Dei appelsinene du finn i butikken no er så store, søte og fine at dei inspirerer iallfall meg til å prøve ut nye måtar å servere dei på. Den beste varianten eg har servert er kardemommebakte appelsiner med romrosiner og hakka nøtter på. Dei hakka nøttene bør vere søte. Eg har brukt brente mandlar, men den beste varianten var ein ny type honningrista blanda nøtter frå Meny sitt Jacobs-utvalg. Dei er litt salte og litt søte, og det passar perfekt her. Romrosinene bør leggast på glas tidleg. Eg brukar å lage til eit stort glas tidleg i november, så har eg rosiner til fruktkaker, gløgg, trøflar og til anna moro. Eg har også erfart at appelsin bør ikkje bake på høg temperatur. Då vert den tørr og trist. Det perfekte …

Nye pepparkakehusmetodar?


I alle år har eg bakt pepparkakehus etter same teknikk, Deigen har blitt kjevla ut på dropsmatter, og huset har blitt stansa ut med ei stor, rektangulær form, og det heile har blitt limt ihop med smelta sukker. No har eg sett ein ny patent på marknaden, med plater som låser seg i kvarandre. Kan det fungere? Eg ser for meg at ein føresetnad må vere at huset ikkje vert flytta frå eit bakebord til steikeplata før steiking. For då vil det misse fasong. Deigen må kjevlast ut på matta den skal steikast på, då kan det til nød gå. I tillegg går eg ut frå at ein må passe godt på tjukkleiken til deigen. Peppakakedeig hevar seg, og då kan eg ikkje forstå anna enn at det må vere ein presisjonsjobb og ei utfordring å få dei ulike delane til å passe saman. Men eg tek imot alle fungerande nyvinningar med takk og ære. Så difor lurer eg på; har nokon av blogglesarane mine testa ut dette, og funkar det?

Planen er klar…


…og ein del av jobben er gjort, men ikkje alt. Gjestane kjem kl. 17, og då serverer eg fingermat i form av lakserullar med urtefyll, miniterter med mango- og løkkompott og minitoastar med hummus, persille og sylta sitronar. Det kan folk mumse på medan dei smakar på konjakken og. Etter at smakinga er over, serverer eg ei diger gryte med gulasj-suppe, med godt brød til. Eg har ikkje heilt bestemt meg for om eg skal bake focaccia eller om eg skal kjøpe på åpent bakeri. Til dessert skal eg lage bakt appelsin med honning, romrosiner og brente mandlar, og ein creme fraiche-krem til. Eg kjem tilbake med bilde og oppskrifter når det heile er over. Ha ein fin torsdag!