Når ein stiller seg lageleg til for hogg slik eg gjer kan ein ofte bli usikker på om det er noko poeng, dette ein held på med. Eg har hatt mine tankar om stormannsgalskapen det er å gi ut bøker og faktisk tru at nokon vil lese dei, eller at akkurat mi bok skal gjere ein skilnad. Men av og til får eg tilbakemeldingar som verkeleg varmar, og som gjer at eg tenker at det faktisk er eit poeng med dette eg driv med. I går fekk eg ein mail frå ein lesar, som eg har fått lov til å attgje her i bloggen. Den gjorde meg så utruleg glad og stolt. Takk, Ingrid! Hei!  Til jul fikk vi boka “Smalhans” av svigermor – og far, siden vi da akkurat hadde gjort vårt største kjøp noensinne, en enebolig. Dette medførte en ganske så annen økonomi, og dèt i tillegg til å gå i barselpermisjon i januar med 80% dekningsgrad, sier det seg selv at det ble smale tider. Det er det forsåvidt enda. Slik er det …

Neida, eg har ikkje rusha avgarde til påskefjellet, men ei venninne har sendt meg eit bilde ho tok i restauranten på Bardøla her om dagen. Kva anna møtte henne i bokhylla der enn Smalhans? Stas! Ho måtte sjølvsagt ta eit bilde og sende til meg, og det vart eg veldig glad for.

No er den like rundt hjørnet! Den neste boka mi, Sylting og safting heile året, er til siste korrektur medan du les dette, og om alt klaffar så er den i butikkane i løpet av april! Flinke og fine GundaM har teke fantastiske bilde, så boka er verd pengane berre for å sjå dei. Å arbeide med henne er ei fryd, men det har eg sagt mange gongar no, så det veit du jo. Eg kjem nok til å ha signering og utsending gjennom bloggen denne gongen, men først må trykkarane gjere jobben sin. Gunda og eg held pusten! 🙂

Jepp, det er i dag eg skal på førkveld! No sit eg på Gardermoen og ventar på bergensflyet. Slå på NRK1 klokka seks, folkens! Eg skal prøve å ikkje dumme meg ut. 🙂

NRK Hordaland har invitert meg til å delta på Førkveld 2. januar! Då skal eg lage mat frå Smalhans saman med Hanne Frosta. Det blir gøy! Eg gler meg veldig, blanda med skrekk. Men det kjem sikkert til å bli gøy. Sjå på eg då, så dummar eg meg ikkje ut heilt åleine! 🙂

No er vi på veg ut døra, for å feire fine fetterar, mellom anna. Men først vil eg berre minne om dette. Viss du vil gje bort ei signert utgåve av Smalhans, så send mail til samlaget, og så kjem den i posten i god tid før jul. Ha ein fin laurdag!

I dag er det litt tomt oppe i hovudet mitt, så det kjem ikkje så mange glupe tankar frå meg. Eg vil berre minne deg om dette. Du kan altså bestille signerte eksemplar av Smalhans frå Samlaget. Enkelt og greitt, forlaget betalar portoen og du må berre hente pakken på posten. Så er julegåvene i boks! Eg ynskjer deg ein fin laurdag. 🙂

No reiser eg på Smalhans-tur til vestlandet, og gler meg til å møte blogglesarar og potensielle nye lesarar. Du treff meg i Fosnavåg i ettermiddag, frå 15:30 signerer eg bøker og lagar fingermat på Vestvang bokhandel i Fosnavåg sentrum. I morgon skal eg vere på Sandemessa på Larsnes, der treff du meg på eit skulekjøkken der eg skal lage mat og snakke om alt som har med Smalhans å gjere. Det vert sjølvsagt smaksprøver der og. Søndag skal eg til Ivar Aasen-tunet i Hovdebygda. Der skal eg lage Smalhans-mat saman med Milan, som bestyrer kjøkkenet der. Dette skal serverast til besøkande frå klokka to, og klokka fire vert det ein ny runde med Smalhans-prat og litt fingermat i auditoriet. Er du i nærleiken, vil eg veldig gjerne møte deg! Kom, smak og slå av ein prat. Som du veit, noko av det beste eg veit er å møte blogglesarane. Vel møtt!

Sparebloggen har skrive ei bokmelding om boka mi. Det var ei hyggeleg tilbakemelding å få! 🙂

Ja, no held Samlaget og eg på å legge planar for ein ny runde på Sunnmøre for å signere bøker og heie Smalhans ut i butikkane og under juletrea. Dette skjer helga 18.-20. november, men no har eg akkurat fått beskjed om at det vert bokhandlartreff i Ålesund torsdag kveld, så då møter eg sjølvsagt opp dagen før. Fredag skal eg uttil Herøy vidaregåande skule, og lage mat saman med flinkisane som går på kokkelinja der. Så jobbar vi for å få til ei signering på ein bokhandel i Fosnavåg sidan eg likevel er der, og sidan det er ein strålande fin plass. Laurdag skal eg lage haloi på skulekjøkkenet på Larsnes, der vert det ope skulekjøkken med smaksprøver, og kanskje får nokre lov til å prøve seg som assistentar og. Laurdag kveld har vi nokre idéar, men vi er ikkje heilt i boks enno. Søndag ettermiddag, i tretida, tenker eg, er det presentasjon av Smalhans på Aasen-tunet i Hovdebygda. Der blir det også smaksprøver og anna matmoro. Etter meg kjem Arnhild Skre og skal …

Eg hadde eigentleg satt påmeldingsfristen til onsdag ved midnatt. Men så plukka forlaget opp at eg hadde laga konkurranse, og så vart det plutseleg fleire deltakarar som meldte seg på. Då vart eg nøydd til å gjennomføre eit jurymøte med meg sjølv, og fann ut at eg lot etterslengarane vere med i trekninga. Men då eg gjekk inn på http://www.random.org så valde den automatiske tallgeneratoren talet to. På andreplass på mi liste sto Lise! Så Lise er vinnaren av av boka Frie kaker. Gratulerer! Eg legg ved skjermdump som dokumentasjon.

Plommechutney Pærechutney Lemon curd Kvitvinsgelé med urter Sursøt plommesaus Mangomarmelade med kardemomme Sylta sopp Eplegelé Appelsinmarmelade x2 Hylleblomstgelé Tomatmarmelade Myntegelé Eplemos -Ein del av produksjonen som vart gjort i helga. 🙂

GundaM fotograferer, men eg snik meg til eit bilde innimellom. Heldigvis skin sola i Trøndelag. No skal vi ut og fange sollyset. Ha ein fin søndag!

Gundaene lagar safte- og syltebok, og denne helga skal vi lage og fotografere haust- og vintergreiene. Men vi må ha grøne tomatar! Har du tomatplantar som ikkje har rukke å kome i mål med saftige, søte, raude tomatar? I så fall vil vi veldig gjerne ha dei, og sylte dei og lage marmelade av dei. Har du, eller veit du om nokon som har, så sei frå! Vi hentar. 🙂

I kveld set eg meg på Trondheimsflyet for å reise opp til GundaM. Denne gongen skal vi lage saft og syltetøy med haust- og vinterfrukter, epler, plommer, alt av sitrus, eksotisk frukt og masse deilig. Eg gler meg! Vi kryssar fingrane for at veret held seg på den lyse sida. Ifølge yr.no er det faktisk von om sol, så eg trur det skal bli godt fotovér. Det viktigaste er at det ikkje pøsregnar. Kryss fingrane for oss, så skal vi gjere vårt beste for å få fine bilde og deilig syltetøy!

Eg har tidlegare nemnt at GundaM og eg jobbar med eit nytt bokprosjekt. Men vi har eit problem: Vi manglar tittel! Og der kjem du inn i bildet, som les bloggen min. Eg treng gode forslag til ein boktittel til ei bok som skal handle om safting og sylting. Vi syltar og saftar tradisjonelt og moderne, med og utan krydder og med spennande kombinasjonar. I tillegg er bodskapen i boka at ein må ikkje sylte og safte som om det var Store Norske ein lagde til. Små porsjonar gjelds også. Eg er også oppteken av at ein skal kunne safte og sylte heile året. Det er så mykje godt i butikkane året rundt at safting og sylting må ikkje skje i to hektiske månader i august og september. Ein idé eg har jobba med er Haustetid  – heile året. Men eg er ikkje heilt frelst. Ordet grøde er også aktuelt å bruke, men eg veit ikkje heilt på kva måte. Så difor spør eg deg: Kva vil du foreslå at vi kallar boka mi? Kom …

Du kan framleis bestille ei signert utgåve av smalhans som vert sendt ut frå forlaget på førstkommande onsdag. Viss du vil ha ei slik bok går du inn her, og følgjer instruksane. For at forlaget skal få bestilt nok bøker i tide, må dei ha bestillingane innan klokka to i ettermiddag. Så kast deg rundt viss du ikkje allereie har bestilt. Du finn også boka i dei fleste bokhandlar, men dei er utan min signatur. 🙂

Fekk du ikkje høyrt på meg då eg var på radioen og snakka om Smalhans? Du finn sendinga her. Gunda Djupvik på nitimen (Og eg måtte til og med synge! :-o)    

Mellom ti og elleve blir eg intervjua om Smalhans. Skru på og heng med! 🙂