Månad: juli 2010

Syttitalsbesøk


På syttitalet vart fylt paprika det mest avanserte ein kunne ty til i matvegen. No er det kanskje heller retromat. Men det kan jo vere godt for det? Retromat er ikkje dårleg mat, tvert i mot. Fylt paprika ser flott ut, og er ikkje dyrt eller vanskeleg å lage. Om min variant liknar på dei klassiske syttitalsutgåvene veit eg ikkje, men god er den iallfall. Fylte paprika kan serverast som ein sjølvstendig rett, til dømes som eit vegetarisk alternativ på ein buffet. Du kan også ha den som tilbehør, til dømes til grillmat. Er du kjøtsvolten er det godt med litt oppskoren spekeskinke i. Denne oppskrifta er til seks paprikaer, to kvar til tre personar som hovudrett eller ein kvar til seks som tilbehør. Slik gjer du det: Fylte paprika 6 ikkje alt for store paprikaer 5 mellomstore sjampinjongar Ein raud løk To stilkar stangselleri 3 dl kokt ris 2 dl matfløte eller kremfløte Friske urter, eg brukte persille og basilikum. 4+4 ss riven fast ost Smør eller olje til steiking Salt og peppar Sett …

Gull verd


Når eg er fortvila høyrer du på meg. Du er ikkje alltid einig, men du lyttar. Når eg rotar og tullar kjem du med konstruktive forslag og idéar. Når dei store overgangane i livet skal feirast er vi der for kvarandre med mat, gåver og praktisk hjelp. Når eg treng å fortelle det same ein gong til så lyttar du framleis. Når vi skal sjå dårleg tv saman veit eg at du likar sørlandschips, den oransje, og French fries frå Kims. Og grøn Bris. Når kvelden nærmar seg tek du eit glas vin, og eg ein kopp te. Når vi kjem heim frå reise har vi stort sett alltid med ei gåve til kvarandre, sist Victoria og Daniel-oppvaskklut frå Stockholm. Når du er borte vatnar eg blomane dine og matar den fine fisken. Når du har overskot i hagen hamnar det hos meg, og omvendt. Når du har ei mørk sky over hovudet ditt prøver eg å vere der for deg. Når du går tur spør du om eg vil vere med. Når du ikkje …

Gamle dagar


Huskar dokke gamle dagar, då 20 Mb var masse, og ein måtte ha eit modem som lagde lyd for å kome seg på nett? Det var slett ikkje alltid linja var ledig, men når den var det kom den fine godlyden som fortalte at du var på veg ut i world wide wait. Jakob minte meg om dette her om dagen. Eg blir reint nostalgisk, samstundes som eg er glad for at verda har gått framover. Slik høyrdest den ut:

In that man there’s a heart


Eg klarer ikkje å få denne songen i denne versjonen av hjerna. Då måtte eg berre dele den med deg. Ikkje det at det hjelper, men då forstår du kanskje kvifor den sit fast. Dette var opningsnummeret på hyllingskonserten til Radka Toneff i Operaen 10. august 2009. Sjå fjesa til dei gamle jazzgubbane (Jon Eberson og Per Jørgensen) på 2:15, dei likar det dei høyrer. Eg viste denne til fjortenåringen. Ho lytta stille gjennom heile klippet, og så sa ho: «Slik vil jeg synge.» Det vil eg og.

Ein fin frukost


Ta hurtigmiksaren din (det er vel det den heiter?) og finn fram alt du har av frukt. Eg fann fram ein honningmelon som var på veg over the top, to bananar, tre nektarinar og tre store skeier av mors blåbærsyltetøy frå Målselv. Rens all frukta for skal og frø, og ha den i hurtigmiksaren. Slå på så mykje yoghurt som du får plass til. Skru godt til loket (veeeldig viktig) og køyr det heile til ein glatt puré. Dette kan ta lengre tid enn du trur, spesielt med heile blåbær i syltetøyet. Server i store glas med sugerør frå Søstrene Grene. Dette kan med hell serverast på senga, kunsten er å ikkje søle. Den kan godt stå i kjøleskapet over natta. Kos dokke. 🙂

Dei milde gåvene


No kan eg skrive om det som låg i pakkane til Selma og Syrin, for eg postla pakkane på tirsdag, og vonar dei har komt fram. Lista over alt som er oppi blir for lang, så du får klikke på bildet og sjå sjølv. Eg kan iallfall seie så mykje at det dufta deilig på kontoret mitt då pakkane hadde stått der over natta! Det var nok på grunn av dei velduftande lysa frå Mizensir som Heaven Scent hadde putta oppi. I tillegg frå ting frå Heaven Scent er det masse fint frå Gimle og Glasmagasinet oppi der. Gratulerer, begge to!

Mine fem finaste


HildeG har starta ein hagestafett der vi presenterer dei fem finaste plantane vi har i hagen. Her er mine fem. Det er ikkje store kroken, denne hagen min. Eg har ei lita rekke til, så dette er ikkje alt, men som sagt, det er ikkje stort. Det største fortrinnet er at vi har ein vaktmester som slår plenen. Det slepp eg å tenke på. Villniss? Kaos? Kva skal ein kalle det? Strategien med å plante tett for å unngå ugras har delvis fungert, viss ein ser bort frå ugraset eg sjølv har planta, til dømes dei pittesmå praktmarikåpeplantane eg sette ned for nokre år sidan. Dette er det berømte UPC-bedet, som oppsto etter at det vart lagt inn breiband i gården vår. Kontrastar er fint, både i farge, tekstur og bladverk. Her ser du irisblad, juleroseblad, geraniumar, oxalis, som eigentleg er eit ugras, men er så lett å luke at det får vere her, og lychnis. Pluss noko som ser ut som ein løkplante, men som eg ikkje heilt veit kva er. Ja, og så …

Hjelp! WordPressutfordringar


Eg slit med wordpress. Eg har forstått at ein kan ha meir enn ei side her, men korleis får ein side 2 til å syns? «On popular demand» tenkte eg å legge ut Nepal-turen og Egypt-turen med bilde og det heile, men eg la inn eit Nepal-innlegg og no syns det berre når du søker på det, ikkje frå hovudsida. Kan nokon hjelpe klønete meg?

Siste sjanse!


I dag er siste sjanse for å bli med på parfymeutdelinga, eg legg konvoluttane i posten i morgon tidleg. Kast deg på, og send mail. Enkelte har fått mail der eg etterlyser adresse, den må eg få fort. Jalla, jalla! 🙂

This is who I am


How many days will it take for you to understand? Look into my eyes, this is who I am. You know I can not do anything about it. People have tried to change me over and over again It’s not for you to choose but that’s alright my friend ’cause I gotta go my own way whatever they say I should do. Keep the faith in me that I will do what’s right and I show what I got inside. How many days will it take for you to understand? Look into my eyes, this is who I am. You know I can not do anything about it.

B de Boucheron


Boucheron-duftene er ganske heftige i mi nase, både Trouble, Femme og Jaïpur er dufter som både du og omgjevnadane dine merkar at du har på deg. I 2008 kom Boucheron med B, ei floral muskduft med innslag av trenotar som på mange måtar er ei motvekt til dei tyngre «store» Boucheronduftene. Eg har prøvd og vurdert B fleire gongar, og slått den frå meg. Ikkje fordi den ikkje tiltalar meg, for det er ei velbalansert og tiltalande duft. Eg har lagt den på is fordi den varer for kort på huda. Men her om dagen kom eg innom Glasmagasinet, og der sto det ein gåvepakke og venta som om den visste eg skulle kome. Den innehaldt EdP og bodylotion, og bodylotionen var «på kjøpet». Det er eit klassisk triks for å auke «styrken» på ei duft å kombinere den med kroppsprodukt med same duft. Med B fungerer det veldig godt. No, 14 timar ettar at eg tok på meg begge delar, kjennest ikkje sjølve dufta så godt lenger, men ifølge 14-åringen luktar eg friskt og …

I fullt flor


No er den flotte peonhagen i fullt flor på Tåsen. Er den ikkje vakker? Det var ei til i same ærend som meg der, for å fotografere peonane. Eg hadde sjølvsagt med meg feil kamera. Beklagar iPhone-kvaliteten. Får sjå om eg får tid til  å sykle opp ein tur med det ordentlege kameraet seinare i helga. Dei er på hell, peonane, så vil du sjå dei bør du ta turen no. Send meg ein mail så får du litt meir presis adresse.

Fin fredag


No har eg sykla opp frå byen, etter ein tur til Glasmagasinet for å få med godis til dei heldige to vinnarane av 200 000-konkurransen min. Det har skya over, men ikkje over meg, eg har mi eiga sol som følgjer meg akkurat no. 🙂 Neste helg blir ei langhelg, og den blir ikkje tilbrakt i Norge, det er alt eg førebels veit. Posane ved sidan av inneheld alle prøvene frå Gimle som skal ut til blogglesarane mine, og den bakerste posen inneheld fine ting frå Heaven Scent. Syrin og Selma kan glede seg til dei får pakke! Sjølv om eg har fått mange mailar (også frå ein del afrikanske bankfolk…) så har eg ikkje delt ut alle prøvene enno, der er framleis tid til å melde seg på det store gåvedrysset. Eg ynskjer alle lesarane mine ei god helg, ta vare på deg sjølv og dine. Vi er så viktige for kvarandre, og vi seier det kanskje ikkje så ofte som vi burde!

Gåvedryss frå Alt godt og Gimle!


Eg var innom Gimle i går for å tigge prøver til dei to som vann 200 000-besøkskonkurransen min. Der var avkastninga langt over det ein kunne forvente. Eg har fått med to fulle posar med Acqua di Parma-prøver! Eg har altså MANGE prøver på Colonia, Magnolia nobile og Colonia Intensa. Desse vil eg sjølvsagt dele ut til mine engasjerte lesarar, så lenge lageret rekk. Det dokke må gjere er å sende ein mail til altgodtblogg ætt gmail dått com, med namn og adresse, og fortel også om dokke vil ha alle tre eller berre enkelte av dei. Fyr laus! Eg set strek søndag kveld.

Brå overgang


Brått er vi tilbake her sør, til varme, sol og mørke netter. Vi har fått med oss vakre naturopplevingar, strålande menneske, flotte dyr og nokre kultursjokk. Fjortenåringen vart rystet i si sjel då ei jente ho vart kjent med på sin eigen alder fortalte at ho hadde ein kjæreste som var 21. Vi moralske søringane ga henne eit foredrag om grunngjevinga for reglane om seksuell lågalder, og ikkje minst ei kort skissering av strafferammene for denne typen lovbrot, utan at det gjorde særleg inntrykk på ho det gjaldt. Jaja, enkelte ting kan få bli att. Bøndene i nabolaget har ikkje fått sådd enno, med mindre dei har gjort det i dag. Så dårleg ver har det vore, ingen avling i sikte med det første. I fjor slo dei to rundar, så det er nærast eit uår enkelte plassar. Vi fekk sjå kyrne bli slept på beite for første gong i år, rett før det vart juli. Det er ikkje oppløftande. Bestemor har fått ein diger grill, som ho også kan bruke til bålfat, den vart …