All posts filed under: Mat

En foreldrekategori for all mat.

Eit bidrag til bufféen

Published by

Ja, det sto det på invitasjonen til klasseavslutninga til tolvåringen. Eg hadde det så travelt at gode råd var dyre. Men eg hadde ei skål med kokte poteter i kjøleskapet, og masse deilige urter i hagen. Dermed vart det ein potetsalat med tre sortar løk, og med vinaigrettedressing. (På bildet ser det ut som ein rømmedressing, men det er ein emulgert vinaigrette. Det er berre litt overeksponert.) Slik gjorde eg det: Potetsalat med tre sortar løk og vinaigrette 6-8 kokte, kalde poteter 6 blad ramsløk Ein lang stilk toppløk eller to stilkar vårløk Ein liten bunt grasløk Dressing: 1 dl kvitvinseddik 2 dl olivenolje 1 ts honning 1/2 ts salt Nykverna peppar Nokre duskar kruspersille Ei eggekvite Skrell potetene, og kutt dei i terningar. Legg dei i ei skål. Kutt opp løken, og ha den i skåla. Hald unna litt grasløk til pynt. Ha alle ingrediensane til vinaigretten i ein høg, smal bolle, unntatt eggekvita. Køyr dei glatte med ein stavmiksar. Ha i eggekvita til slutt, og køyr stavmiksaren litt til slik at det vert …

Karamellbrødhapåpudding

Published by

Dei som har lest oppskriftene mine ei stund veit at eg av og til finn på ganske vanvittige ting. I dag er «greia» ein brødpudding med karamellsmak. Brødpudding er ein klassisk måte å få brukt opp gamalt brød på, men i dag hadde eg nokre tørre bollar eg ville bli kvitt. Dei fekk gå ut av verda på det stiligaste vis, i denne karamellbrødpuddingen. Du kan godt lage den med loff eller kneippbrød og, då bør du kanskje ha i litt meir sukker.  Hapåen eg smører på bolleskivene gjev ein nydeleg karamellsmak på det heile, og særleg skorpa på toppen er utruleg god, smurt med ripsgelé som den er. Ripsgeléen kan sløyfast, men gjev ei flott, blank overflate, og ikkje minst litt syrleg smak, som balanserer alt det søte. Du kan også bytte den ut med eplegelé. Slik gjorde eg det:  Karamellbrødpudding  5 dl mjølk 3 dl fløte 3 egg 6-8 kveitebollar 50 g brunt sukker 50 g smør Eit glas Hapå Rosiner 1 dl ripsgelé eller eplegelé  Set omnen på 180 grader. Smør forma …

Hot seigryte

Published by

Denne gryta vart så god at den vart eten opp før eg rakk å ta bilde av den. Men det går vel bra? Eg lagde denne kreolske auberginkompotten på søndag. Den vart det naturleg nok litt restar att etter, ein heil del, faktisk. Eg gjorde den om til ei smakfull og hot seigryte, som eg fekk skryt for rundt bordet. Slik gjorde eg det: Hot seigryte 4 dl kreolsk auberginkompott eller ratatouille 500 g sei 2 dl kremfløte Salt og peppar Kok opp auberginkompotten. Ha i fløte, og rør godt. Smak til med salt og peppar. Fjern beinrada i seien. Del seien i passe store bitar, og legg dei i gryta. La gryta trekke i fem minutt, til seien er ferdig. Server med byggrissalat. Byggrissalat 200 g byggris 4 dl buljong, eg brukte flytande fond 2 ts sitronsaft 1 paprika 1/2 purre 2 stilkar stangselleri Rens grønsakene, og finhakk dei. Kok byggrisen i buljong i 10-15 minutt, til den er mør. Vend inn grønsakene, og la det trekke i eitt par minutt.  

Balansekunst

Published by

Å lage mat handlar om å balansere mellom søtt og salt, sterkt og mildt, surt og bittert. Dei beste måltida får ein når balansen mellom smakselementa er rett. I dag lagde eg nokre gode kyllingburgerar av kyllingkjøtdeig. Dei krydra eg ganske mildt, og serverte med rømme og heimebakte hamburgerbrød. Men til slik mild mat er det godt med noko ”hot” for å balansere det milde. Det ”hotte” eg lagde var ein kreolsk auberginekompott. Oppskrifta liknar på fransk ratatouille og italiensk capunata, men er krydra sterkare. Du kan godt lage denne på førehand, og den kan serverast varm, lun eller avkjølt. For oss vaksne er denne kompotten ei fasjonabel erstatning for ketchup på burgeren. Slik gjorde eg det: Kreolsk auberginekompott 1 stor løk 3 fedd kvitløk 2 auberginar 1 grøn paprika 1 raud paprika To boksar tomatar 2 ts paprikapulver 1 ts timian ¼ ts kajennepeppar 1 ts spisskummen Salt og peppar 1 ss brunt sukker Olje til steiking Rens og finhakk løk og kvitløk. Skjer auberginane i skiver, og strø salt mellom. La dei stå …

Skokkar og kvann att!

Published by

Eg har framleis skokkar og kvann att. Så send meg ein mail viss du tenkte at du skulle sende ein på tirsdag, men ikkje gjorde det.

Jordskokk og kvann, anyone?

Published by

Eg har fått ei korg med jordskokkar. Den har eg brukt det meste av, men i botnen ligg det nokre fine skokkar som eg tenkte blogglesarane mine kunne få glede av. I tillegg har eg mengder av nyspira kvann, no er dei blitt så store at dei er robuste og toler flytting. Men eg er dårleg på utsending. Det er eit styr med pakking og posting, så jordskokkane og kvannen må hentast her sentralt i Oslo. Vil du ha? Send meg mail på altgodtblogg@gmail.com, og så får du adresse og det du treng på mail. Kast deg på!

Medan vi held på med ugras

Published by

Skvallerkål er også eit næringsrikt og velsmakande ugras. Her får du oppskrift på pai og suppe med skvallerkål. Et ugraset!

Brennesle i hagen

Published by

Kan eg få minne om at no er tida for å gå ut i hagen (og langs vegkantar og liknande) og plukke brennesle til suppe? Du treng ikkje lage suppa akkurat no, du kan forvelle nesleblada og fryse dei ned til du får lyst på suppe. Så no er det på med hanskar, ta med ei korg eller ei bøtte, og ei god saks. Kos deg med ugraset!

Vårmat – frittata med jordskokk og asparges

Published by

Asparges og jordskokk er perfekt vårmat. Men passar dei saman? Eg er så heldig at eg har asparges i hagen min, og dei fleste vert etne rå medan eg held på i hagen. Men av og til kjem det så mange så fort at eg kan ta dei inn og bruke dei i ein middag. Venninna mi har jordskokkar, og kvart år til bursdagen min i mai kjem ho over plenen med ei korg full. Jordskokkar er eigentleg eit ugras, tenk nøye over kvar du plantar dei. Dei invaderer gjerne pene staudebed og grønsakshagar viss dei får lov.  Jordskokken veks og kan haustast heile vinteren, så sant du klarer å grave i jorda. No på våren er den på sitt største, og du finn den i velassorterte grønsaksbutikkar. Den er svært næringsrik, men karbohydrata i jordskokken er ein sjeldan type som kallast inulin. Dette karbohydratet vert ikkje teke opp i kroppen på same måte som andre karbohydrat, så blodsukkeret stig sakte og fell sakte når ein et jordskokk. Smaken er nøtteaktig, med eit hint av …

Spansk kikertsuppe

Published by

Det spanske kjøkkenet har hamna i skuggen av det franske og italienske. Likevel finn du mange gode smakar der. Denne suppa har sommarsmak i seg, og den mettar godt. Kjapp å lage er den også. Spansk kikertsuppe Ein boks kikerter Ein boks hermetiske tomatar Ein gul løk Ei reven gulrot To stilkar stangselleri 1 ts spisskummen 2 fedd kvitløk 1 ts tørka basilikum 1 ts tørka persille om du har Chili etter smak 5 dl vatn Olivenolje 2 ss tomatpuré 2 ss sitronsaft Sukker, salt og peppar Finhakk løk og kvitløk. Fres løken med spisskummen, chili og tomatpuré i olivenolje i ei vid gryte til løken er blank og aromaen i tomatpuréen og spisskummin får kome fram. La kikertene renne av. Ha halvparten av dei i gryta saman med tomatane og vatnet. La det heile koke opp før du køyrer det glatt med ein stavmiksar. Ha i resten av ertene saman med dei siste grønsakene, sitronsaft, basilikum og persille. La det koke i ti minutt. Smak til med sukker, salt og peppar. Server med brød …

Fleire mai-rettar: Grøn ertesuppe

Published by

Eg hadde ein maimeny i Sunnmørsposten på laurdag, der presenterte eg oppskrift på kylling med saltbakte poteter og nudelsalat, og rabarbrarull til dessert. Forretten til maimenyen er ei grøn og frisk ertesuppe. Den er ganske langt frå den gule som du kan få til pannekakene. Denne er rask å lage, og den blir også best om den vert lagd rett før servering. Eg garnerer den med reker, men den kan også pyntast med krutongar, ein rømmeklatt eller med litt sprøsteikt bacon. Denne suppa er gluten- og mjølkefri, og med grønsaksbuljong er den også eit godt vegetarisk alternativ på bufféen. Slik lagar eg den: Grønn ertesuppe  100 g løk, vårløk eller purre 2 ss olivenolje Ein liten skalk sellerirot eller to selleristilkar 1 liter vatn Ein buljongterning eller 1 ss flytande buljong 500 g grøne erter Fire mynteblad viss du har Salt og peppar Varm opp oljen i ei gryte. Hakk løken fint. Skrell og hakk sellerirota i små terningar. Surr grønsakene til løken er blank og fin, og slå over vatnet. Ha i buljong, og …

Yr tok feil

Published by

-Og det vart ein kjempefin dag. Alle bidrog kvar på sin måte. Min kjære lagde for eksempel desse fantastiske pikekyssa med flaggfargar. Flotte vart dei! (Og etter å ha ete ein blå vart tunga knallblå. Stilig!)

Maikaker

Published by

No er det like før det smell, men gode råd treng slett ikkje alltid vere dyre. Her finn du mine kaketips for 17. maifesten, Den er gull verd for dei som er i komitéen for det heile. I tillegg har eg lista opp masse gode oppskrifter under her, som eg vonar kan inspirere til baking i seine kveldstimar. Ha ein fin 17. mai! Lys langpannekake – grunnoppskrift Kanelbollar Gulrotkake Brownie Mor Monsen Sjokoladekake Kvæfjordkake Appelsinkake med firkløverglasur Appelsinkake med melisglasur Marengskake med sjokolademousse  Cheesecake brownie  Rabarbrapai  Suksessterte Bedehuskake med korintar  Ostekake Blåbærpai og skogsbærfromasjkake for allergikarar Festkake med rabarbra  Ananaskake Fransk mokkakake

Rabarbrarull til maifest

Published by

Til dessert på maifestbordet mitt serverer eg rabarbrarull. Rabarbraen sprutar ut i hagen min, og eg brukar den så mykje eg kan. Dette er ein ny kakevariant, som vart ganske god, om eg skal seie det sjølv. Slik gjer du det: Rabarbrarull 275 g kveitemjøl 5 ss sukker 1 ts bakepulver ½ ts salt 75 g smør 1 egg ½ dl mjølk Fyll: 350 g rabarbra 6 ss sukker 1 ts finreve sitronskal 1/2 ts kardemomme Pynt: 1 egg litt perlesukker Sett steikeovnen på 220 grader. Bland dei tørre ingrediensane og smuldre i kaldt smør. Pisk egg og mjølk og rør inn i deigen. La deigen kvile ein halvtime i kjøleskap. Kjevle deigen til et rektangel (ca. 25×30 cm). Eg gjer dette rett på eit bakepapir av silikon, då vert deigen enklare å handtere. Bland rabarbra, sukker, sitronskal og kardemomme, og fordel det over deigen. La det stå igjen 1 cm langs kanten. Pensle deigkantane med samanpiska egg. Brett inn deig-endane og rull sammen kaka som ei rullekake. Legg den på steikebrett med skjøten ned. …

Festmat i mai

Published by

I mai kjem festdagane tett som hagl, og spekemat og grilling har lett for å gå igjen på menyen.  Men det er kjekt med nye rettar på festbordet, og her kjem ein dose inspirasjon frå meg. Desse rettane er enkle, ikkje så dyre og med spennande smak. I dag får du oppskrift på kyllingfilet med salat og saltbakte poteter. Kyllingen kuttar eg i strimlar, og så steiker eg den og serverer med ein sterk og søt mangosaus. Har du det travelt kan du bruke vanleg søt chilisaus på flaske, som du finn i butikken. Steiker du kyllingen i olje er denne retten også mjølke- og glutenfri. Slik gjer du det: Kyllingfilet med sterk mangosaus Mangosaus: 3 dl eple- og mangojuice Raud chili etter smak 1-2 ts maisenna 2 ss vatn Salt og peppar Kok opp juicen, og skum av. Ha i finhakka chili, og la det koke litt. Det er best å byrje med litt chili, og så heller ha i litt meir om du syns sausen treng meir punch. Rør ut maisennamjøl i vatnet, …

Gaeng Keo Wan Gai

Published by

Dette vart litt komplisert, men Gaeng Keo Wan Gai betyr kylling i grøn karri på thai.  Kjæresten min ynskte seg thaimat i går, og sjølv om eg har lagd thaisuppe før så måtte eg ut i den store verda for å finne inspirasjon. Thaimat er godt krydra og aromatisk, og dette kjøkkenet vert meir og meir populært. Dei «faste» ingrediensane er karripasta, raud eller grøn, kaffirlimeblad, fiskesaus, galangal eller ingefær, chili, lime og kvitløk. Kokosmjølk er den vanlegaste basen for sausen. Dette er eigentleg kjapp mat, sjølv om det tek litt tid dei første gongane ein lagar det så får ein det etter kvart inn i fingrane. Kutt opp krydder, grønsaker og kylling først, slik at alt er klart når du byrjar å lage retten. Eg brukte ein wok, men du kan godt lage dette i ei vid steikepanne. Slik gjorde eg det: Gaeng Keo Wan Gai 400 g strimla kyllingfilet 1 ss grøn karripasta 2 fedd kvitløk 1/2-1 chili 1 ss riven ingefær to-tre kaffirlimeblad eller 1 ts tørka, flaka kaffirlimeblad 1 aubergin 3-4 vårløk 3 …

Alt godt på radio!

Published by

Berre i NRK Møre og Romsdal, men likevel; i dag mellom elleve og tolv skal eg snakke om mai-kaker. Oppskrifta eg kjem til å presentere er denne oppskrifta på frosen ostekake som eg har fått av Heidi: Har du laga denne kirsebærkaka ein gong vert det neppe siste. Ho er aldeles nydeleg og du slepp at ho dett ned, brenn seg eller blir mislykka. Eg er overbevist at dette vert far sin klassikar i alle gebursdagar og konfirmasjonar frametter våren. Du kan godt bruke ein pakke ferdig kirsebærkompott, men eg har steinfrie kirsebær i frysaren. Kvar haust kjem det ein bil frå Austlandet til Volda som sel frosne bær, og i haust selde denne bærmannen steinfrie kirsebær. For oss som ikkje likar å spytte kirsebærstein er dette ein fulltreffar. Eg lurer på kva maskineri som gjer bæra steinfri, men sidan ho kjem frå Sverige er vel det mogeleg, eg er i alle fall imponert! Kirsebæriskake 15 kornmokjeks Fyll: 3 egg 2 dl sukker 1 pakke kremfløyte (3 dl) I pakke philadelphiaost (naturell) Knus kjeksa godt …

Pizzasnurrar

Published by

I går lagde eg pizzasnurrar til min kjære og meg sjølv. Det er vel eigentleg på kanten til barnemat, men vi er litt barnslege. Slik gjorde eg det: Pizzasnurrar (18 stk) 4 dl lunka vatn 4 ss olivenolje 2 ts tørka basilikum 1 ts tørrgjær 1 ts salt Mjøl til passe deig 200 g kjøtdeig 1 ts tørka basilikum 2 fedd kvitløk 1 ss tomatpuré 0,5 dl vatn 150 g raud pesto 10 cm purre 200 g riven ost Ha vatnet, oljen, salt og basilikum i bakebollen. Elt inn mjøl med tørrgjæra innblanda til deigen er passe laus og passe fast. Hald tilbake litt mjøl, det varierer kor mykje som trengst. La deigen heve i 30 minutt. Elt deigen saman att, og kjevl den ut til eit stort rektangel. Steik kjøtdeigen på relativt høg varme i ei steikepanne. Press i kvitløken, og ha i basilikum og tomatpuré. Slå på vatn, og la det heile koke inn til kjøtdeigen er gjennomsteikt. Smør på raud pesto, og og strø over kjøtdeig, finsnitta purre og mesteparten av osten. …

Aioli

Published by

Dette innlegget skriv eg eigentleg mest for min eigen del. Men det kan hende at du har nytte av det og. Å søke på aioli i bloggen min er håplaust, for eg nemner det så ofte. Men i dette innlegget får du ganske enkelt oppskrifta, og ikkje noko anna. Aioli er i praksis ein majones med kvitløk i, og den er ikkje vanskeleg å lage trass sitt rykte. Slik gjer du det: Aioli 2 eggeplommer (frys kvitene, eller lag marengs med dei) 2 fedd kvitløk 1 ts dijonsennep 2 ss sitronsaft 1 lita ts salt Litt sukker eller honning ½ dl jomfruolivenolje 3 dl nøytral olje Press kvitløken, og bland alt som står over saman i ein bolle. Ta fram den gode, gamle miksaren som mor di brukte til vaffelrøre.  Miks ingrediensane over med nokre få dropar olivenolje.  Du kan byrje med ein god, kaldpressa jomfruolivenolje, ca. 1/2 dl. Så tek du ein mildare olje, enten ein mild olivenolje eller ein annan smaksnøytral olje, til dømes raps eller soya, til saman 2 dl. Brukar du …

Meir berlinmat – gulrotsuppe

Published by

Ein annan rett som Ursula alltid lagar til oss er gulrotsuppe med ingefær. Den er smakfull og likevel enkel å lage. Ingefær gjev den varme, og med masse grønsaker er dette både ei billig og næringsrik suppe. Ho brukar den ofte til forrett før ein fin middag, men den kan like gjerne serverast som ein kvardagsmiddag eller til kvelds. Slik gjer du det: Gulrotsuppe 750 g gulrøtter To poteter Ein stor eller to små løk Tre fedd kvitløk Olivenolje 1 liter vatn 3 dl appelsinjuice 1 ss fond eller ein buljongterning 1-2 ss reven, frisk ingefær Sukker, salt og peppar Rens grønsakene, og riv dei grovt. Med matmølle går dette veldig fort. Varm opp olivenolje i ei romsleg gryte. Ha i løk, kvitløk og halvparten av ingefæren, og la det frese til løken er blank. Ha i resten av grønsakene, og la dei frese litt. Slå på vatn og appelsinjuice, du kan også bruke eplejuice viss du ikkje har appelsinjuice. Ha i fond eller buljong, og la suppa koke til grønsakene er møre, ca. 15 …

Ostebrød frå Berlin

Published by

Kva et dei i Berlin? Det fekk vi høve til å finne ut då vi var der no i påska. For meg er matstellet på nye stader ein av dei viktigaste grunnane til å reise. Det er alltid spennande å sjå korleis det ein et endrar seg frå land til land. Like spennande kan det vere å sjå likskapane, at du finn dei same rettane frå land til land, berre med nye namn. Det tyske kjøkkenet er veldig variert, som det naturleg er i eit land med over åtti millionar innbyggarar. Pølser og øl er sterkt tilstades, men tysk mat er også inspirert av polsk og tjekkisk mat, og frå deira nye landsmenn, i overvegande grad tyrkarar. Difor finn du gulasj-liknande rettar side om side med falaffel, døner kebab og pitabrød.  Nettopp pitabrødet har inspirert mi tyske venninne til å lage eit ostebrød. Pitabrød i Tyskland er ikkje små, runde ”lommer”, men store flotte leivar med sesamfrø. Ursula fyller brødet med ein krem av fire ulike sortar ost, krydra med kvitløk. Kvar gong vi kjem …

Ein urban dag

Published by

I går var vi så kulturelle og hageorienterte, i dag var vi meir urbane av oss. Etter ein lang og sein frukost dro vi inn til byen og såg checkpoint Charlie, minnesmerket over jødane som døde under andre verdskrigen, Gendarmenmarkt og Brandenburger Tor. Undervegs fann vi ein fin sushibar ved hjelp av Google maps. Det fungerer faktisk! Sushien var både saftig, frisk og god, men ein smule på den dyre sida. Men den var likevel så og seie gratis, samanlikna med dette prakteksemplaret av fenomenet bil; Bugatti Veyron. Fin, ikkje sant? Men altså, eg skulle ha hatt ganske mykje pengar til overs før eg i det heile teke vurderte å skaffe meg ein slik.

Fine dagar i Berlin

Published by

Her ser du parymehimmelen: Første etasje på KaDeWe i Berlin. Dei har faktisk fleire merke ann Printemps og Lafayette i Paris. Eg fann ikkje Diptyque og L’Artisan, elles var alle dei store, og ei uendeleg mengde små leverandørar der. Femtenåringen fekk seg eit par veldig, veldig kule solbriller frå American Apparel: Og så dro vi tilbake til Trattoria Del Muntagniola, og traff att sjølvaste fjelljenta, som har gitt namn til restauranten. «Die Mamma» har vore med sidan starten, og er opphavet til alle oppskriftene. Ho snakkar praktisk talt ikkje tysk, men er ein solstråle, som kvar kveld sjekkar at gjestane har det bra. Vi var der sist i 2002, og ho som no er femten fekk teikne på papirduken på bordet, og syntest det var kjempestas. No fekk vi alle møte att fru Montagniola, og eg fekk teke eit bilde. Restauranten ligg i Fuggerstrasse 27, bak KaDeWe, om du vil ta turen dit. Be om capunata til forrett, du blir ikkje skuffa.

Syrleg appelsinsorbet

Published by

Appelsinsorbet er ein perfekt dessert til påskelammet, og dessutan er appelsinane på sitt aller søtaste no. Du kan lage denne desserten med juice og, men velg i så fall ein søtare juicetype. Dei billigaste juicane vert beiske og for sure til denne desserten. Eg har ein ismaskin, det gjer det til ein leik å lage slike sorbetar. Har du ikkje det, er ein stålbolle tingen, då må du innom frysaren og røre ein gang i blant, slik at sorbeten vert glatt og mjuk, og ikkje nålete og hard. Appelsinsorbet Saft av 7-8 appelsinar, til saman 7 dl appelsinsaft Filetar av ein appelsin, finhakka 50 g sukker Press appelsinane, og mål opp juicen. Kok den opp i ei gryte saman med sukkeret. Skum av det gule skummet som samlar seg på toppen. Ha i appelsinkjøtet. Set gryta kaldt.  Slå blandinga i ismaskin, eller i ein stålbolle, og set den i frysaren. Rør i isen med ein gaffel ein gong i halvtimen, til den er ferdig. Server i pene glas med pynt av sitronmelisse.

Påskelam

Published by

Å spise lam i påska er noko eg er vand med frå eg var lita jente, og vi fekk servert eit lammelår som var drege i pulk opp til hytta og steikt i vedfyrt omn. Seinare i livet har eg valt å droppe det med skigåinga, så lammelåret vert steikt i bynære strok. Denne påska er det vel dei færraste som skal på ski, men lam er godt uansett. Eg er ikkje så oppteken av å gjere mat komplisert. Min mat er ofte enkel og liketil, men det gjer den ikkje mindre smakfull. Lammelår vert ofte servert med poteter, saus og grønsaker, men i dag får du oppskrift på ein ny vri på lammetilbehøret. Denne påska serverer eg lam med bulgur og tsatsiki. Lammet kan settast i omnen i god tid, og steike medan ein går ein tur eller driv på med andre ting. Eg brukar steikepose til lammelåret. Grunnen til det er at kjøtet vert saftigare, kjøtsafta fordampar ikkje like mykje som når låret står ope i omnen. Det held også betre på krydderet som …