Month: mars 2009

Meir trøstemat

Published by

Vel, eg trengte ikkje trøst i dag, men av ein eller annan grunn var mac’n cheese det einaste eg hadde lyst på då eg kom heim. Og når tiåringen er heilt enig er det berre å gå i gang. Eg brukar mac’n cheese som eit tilbehør, i staden for poteter eller ris. Vi hadde det ganske enkelt til steikte fiskekaker, dei vaksne (i dag inkludert trettenåringen) fekk ein deilig, grøn ertepuré til, den yngste fekk rå sukkererter. Når det gjeld måla i denne oppskrifta og resultatet på bilda må du gjere som eg seier og ikkje som eg gjorde. Eg lagde nemleg dobbel oppskrift, så vi har mac’n cheese til i morgon og. Slik gjorde vi det: Mac’n cheese 3 dl makaroni 3 ss smør 2 ss mjøl 1/2 liter mjølk salt og peppar 1 ts sitronsaft 2 ts sennep, gjerne dijon riven muskat Strøkavring 150 g riven ost, eg brukte halvparten av ein pizzaostpakke, den med fire sortar ost. Sett omnen på 200 grader. Smelt smøret i ei tjukkbotna gryte, og rør inn mjølet. …

Enkelte legg meir arbeid i håret

Published by

Eg tenker på ho til venstre…    Bildet er lånt av Associated Press.

Eg må berre…

Published by

dele nokre få detaljar frå snifferunden eg hadde i dag saman med ei som er minst like lidenskapeleg oppteken av parfyme som meg. Første besøk var på Gimle Parfymeri, som alltid ei blanda oppleving. Er det ikkje litt stressande med parfymeri der du som kunde alltid føler du er i vegen? Men dei har fantastiske greier, Creed, Penthalion, Acqua di Parma, Profumum og andre skattar. Så får ein heller halde ut kjensla av å trenge seg på.  Heaven scent er ei heilt anna oppleving. Alltid førsteklasses service, og flotte, spennande, nyskapande produkt. På vegen stakk vi innom Bogstadveien parfymeri, og damene der også veldig positive og vennlege. Dei syns det er gøy å diskutere parfyme, og sjølv om dei ikkje har det største utvalet så er det eit bra parfymeri. Vi avslutta butikkdelen av sniffinga på Stein og Straum, nærare bestemt Hermès. O lykke, dei har fått inn Vanille Galante! Ei heilt uventa erfaring, ikkje den klassiske vaniljedufta men tiltalande og elegant, som dei fleste av Hermès-duftene. Eg kjem nok tilbake med ein grundigare omtale …

Miller Harris Feuilles de Tabac

Published by

Miller Harris er eit parfymehus som er grunnlagt av Lyn Harris, ein ung kvinneleg parfymør som har arbeidd i dei store parfymehusa i Paris før ho starta sitt eige parfymehus i London. Duftene hennar er annleis enn dei du vanlegvis finn i store parfymeri. Ho arbeider berre med naturlege råvarer, og tenker parfyme på ein annan måte enn dei som skal forsvare enorme marknadsføringsbudsjett.  Duftene frå Miller Harris er ofte unisex, altså gode både på kvinner og menn. Dei er komplekst komponerte, men likevel har kvar duft sin distinkte karakter. Når du luktar på ei Miller Harris-duft får du ikkje kjensla av at dette har eg lukta på før.  Eg hadde ein omfattande runde der eg verkeleg testa tolmodet til den vennlege dama på Heaven Scent i Jacob Aalls gate. (Ho besto prøva.) Dei som lukta godt på papir vart prøvd på huda, og Feuilles de Tabac kom ut som ein vinnar for meg.  Feuilles de Tabac er ei typisk vinterduft. Den byrjar med ei varm, kamferaktig duft, der edeltre og tobakk er ein del …

Sylta sitronar

Published by

Orchis utfordra meg for ei stund sidan til å kome med oppskrift på sylta sitronar. Eg er ikkje skvetten, så no har eg eksperimentert igjen. Det byrja med at eg såg dette skiltet hos Gutta på Haugen: Som du ser var dei så dyre at ein må synge før og etter ein et dei, men til sylta sitronar er dei økologiske best. Då er du nokolunde sikker på at dei ikkje har blitt sprøyta med kjemikalier, og at dei ikkje er overflatebehandla. Finn du ikkje økologiske sitronar, så ikkje la det stoppe deg. Bruk dei finaste du finn i butikken, (dei stygge kostar det same, så eg har aldri forstått kvifor ein ikkje alltid tek dei finaste) skrubb dei godt og så gjer dei same nytta. Fem sitronar fekk vere med heim, og vart vaska godt i lunka vatn. Så delte eg dei i båtar, og fjerna steinane. Eg var i kjellaren, og fann eit halvstort (kanskje ein liter?) patentglas, som eg vaska godt og dyppa i kokande vatn. Båtane pressa eg så og seie …

Våren i vinduet

Published by

No er eg så sprekkeferdig av lengt etter våren at eg må lage han sjølv, inne. I hagen min ligg det framleis ein halv meter snø, og sidan solveggen min er nordaustvendt er det vel fare for at den vert liggande der ei stund. Difor har eg gjort som så mange andre, og arrangert téte a téte innandørs. Dette er eigentleg basilikumkrukka mi, den som brukar bli med på biltur. Eg skal så basilikum i den når dei små, søte påskeliljene er avgått ved døden, men enn så lenge står våren i vinduskarmen min og slikkar sol. I bakgrunnen: Kong Vinter. Enn så lenge.

Han mestrar byen…

Published by

Ei klok kvinne (forfattaren Elisabeth Stone) sa ein gong: Making the decision to have a child is momentous. It’s to decide forever to have your heart go walking around outside your body. Og det gjer dei. Han mestrar byen, og han hiv seg utpå.  Og eg står der med kameraet, og vonar det går bra. Det gjer det stort sett alltid. Det er dette eg set sånn pris på ved å bu i byen; at barna mine lærer å handtere den. Dei kan oppleve situasjonar då dei er redde, men dei har sett forskjellig sidan dei har vakse opp her, og har lært seg å takle det. Mellom busstoppet du ser over og der vi bur ligg natthjemmet for prostituerte. Dei sit på bussen og sminkar seg, skjelvne og oppstylta. På andre sida av gata ligg ein bustad for psykiatriske pasientar som skal ha butrening. Dei gjer mykje rart, men har folk som passar på seg. Det går overraskande bra. Litt lenger oppi gata ligg utdelingsstasjonen for metadon. Det går også bra, dei er ikkje ute …

Pikekyss og det som verre er

Published by

I går lagde eg to porsjonar aioli, ein vanleg og ein med smak av soltørka tomatar. Alle vart glade, og eg sto att med fire eggekviter. Difor bestemte eg og prinsessa oss for å lage marengs til dessert. Porsjonen vart stor, så vi delte den i to, og eksperimenterte litt. Ladning nummer to vart nemleg eplepikekyss. Deilig! Marengs er veldig enkelt å lage, men du må ha ein eller annan form for miksar. Å gjere dette med handemakt er iallfall for mykje for meg. Så er det også viktig å piske eggekvitene stive før du byrjar å ha i sukkeret. Når eg lagar marengs brukar eg engelsk Tate&Lyle sukker. Det er ekstra finkorna, og er best til marengsar, sukkerbrød, eggedosis og andre rettar der sukker skal piskast inn i egg, og ein vil unngå sukkerkorn. Eg huskar bestemor mi sende bestefar min til Ulsteinvik for å kjøpe Tate&Lyle sukker, og han kom heim med ein sekk om gongen, storkar som han kunne vere. Får du ikkje tak i det kan du bruke vanleg sukker og, …

Søndag morgon…

Published by

…og noko spesielt, men enkelt. Eg likar egg i ein eller annan variant når eg har god tid om morgonen, og i dag lagde eg ein enkel eggesalat. Kok eit egg per person. Del det i ein eggedelar to vegar, altså ein gong på langs og ein gong på tvers. Ha eggehakket i ein bolle. Bland inn 1 ss majones, 1 ss lettrømme og 1 ts sennep, gjerne ein søt type som Bergby eller liknande. Finhakk eit eller anna løkaktig, eg hadde kvitløkspirar, men du kan bruke sjalottløk, gul løk, raudløk, vårløk eller tørka grasløk. Kvern over peppar og bland godt. Fordel på to skiver rista brød. Godt!

Noko av det vakraste IX

Published by

Dette er også eit korstykke eg har vore med på å framføre; Denn er hat seine Engeln befohlen über dir av Felix Mendelsohn Bartholdy. Den er ein del av oratoriet Elias, men blir ofte brukt åleine. Mendelsohn-Bartholdy skreiv Elias i 1986 medan han levde og arbeidde i England, og verket vart opprinneleg framført med engelsk tekst. Sopransolisten i førsteoppføringa av oratoriet var den svenske sopranen Jenny Lind.  Mendelsohn-Bartholdy døde året etter urframføringa, og Jenny Lind var knust, og sang ikkje i eit år etter hans alt for tidlege bortgang. Vakkert og trist, ikkje sant?

Den perfekte svela

Published by

Denne bloggen er basert på ei matspalte eg har hatt i Sunnmørsposten i mange år. For å følge opp takkekatastrofa mi med Jif og alt det der utlyste eg ein sveleoppskriftskonkurranse. Her er resultatet. Leitinga etter den perfekte svela er over, og dei ulike oppskriftene eg har fått tilsendt er testa etter alle kunstens reglar. Vi har kåra ein vinnar, og to andreplassar. Premiar har eg ikkje budsjett til, men heider og ære kan vere vel så verdifullt som jordisk gods, kan det ikkje? Vi inviterte utflytta sunnmøringar med familie til sveletesting, og det var ingen lett jobb. Men den var desto meir gledefylt, og heimlengten låg over stova den dagen. Dei to andreplassane går til Målfrid Stølen og Mari Irene Tvergrov. Målfrid sender oppskrifta som vart brukt på sveletreff i kyrkjekjellaren på Valderøya, og Mari Irene, som bur i Volda, har sendt ei oppskrift som er ganske lik. Alle dei tre premierte er einige om at til fire egg treng du ein liter surmjølk, men sukkermengda varierer saman med mengda hevingsmiddel. Mari Irene gjer …

Eg støttar vanlegvis ikkje plagiat…

Published by

men dette var så bra at eg måtte låne det. Serendipity cat publiserte denne, og eg må berre gjenta den her. Vi er vel ikkje alle så ille? Q: How many women with PMS does it take to change a light bulb? Woman’s Answer: One! ONLY ONE!!!! And do you know WHY? because no one else in this fu*k’n house knows HOW to change a fu*k’n light bulb! They don’t even know that the fu*k’n bulb is BURNED OUT!! They would sit in the dark for THREE fu*k’n DAYS before they figured it out. And, once they figured it out, they wouldn’t be able to find the god dam*ed light bulbs despite the fact that they’ve been in the SAME FU*K’N CABINET for the past 17 YEARS! But if they did, by some miracle of God, actually find them, 2 DAYS LATER, the fu*k’n chair they dragged to stand on to change the STUPID light bulb would STILL BE IN THE SAME fu*k’n SPOT!!!!! AND UNDERNEATH IT WOULD BE THE WRAPPER THE FREAKING LIGHT BULBS …

Litt ekstra energi til helga?

Published by

Eg har tidlegare skrytt Slumdog Millionaire opp i skyene, og tilrådinga mi står ved lag; gå og sjå den om du ikkje allereie har gjort det. Den største energibomba er avslutningsnummeret, dansescena til sangen som vann Oscar for beste originalskrivne sang. Shake your booty!

Takketrøbbel

Published by

Denne veka har eg hatt takketrøbbel. Det byrja med at mannen min, som har ansvaret for at takka kom i hus, kravde sveler på årsmøtet i korpset. Som den gode korpsmora eg er, drog eg med meg takke, egg og kefir på skulen, og steikte i vei. Så langt alt vel, men det var ein del røre att, som eg tok med heim. Først hadde vi sveler og ertersuppe til middag ein dag. Ingenting rart med det, når ein kan ete pannekaker til middag så må sveler gjere same nytta. Ungane var einige, far tvilte. Så skulle eg i all hast steike opp litt av røra for vi skulle på eit ikkje varsla kaffibesøk til ein nabo. Trur du ikkje eg klarte å gå frå takka utan å slå den av. Då vi kom heim slo eimen mot oss, og smøret eg hadde hatt på takka var brent inn i plata. Eg slo den av, prøvde å tørke av den, men feittet var seigt og fælt. I mangel av gode råd tok eg fram Jif-en …

Spør så skal du få svar III

Published by

Søka som får treff hos meg er den morsommaste lesnaden eg finn i bloggen min. Og då kan eg sjølvsagt ikkje la vere å dele den med dokke. Her er dei siste tre dagane: Søndagsmiddag – Ja, det skulle du vel finne mykje av her. skikk og bruk – Gode råd om skikk og bruk har eg ikkje, bortsett frå at alminneleg sunn fornuft er eit bra utgangspunkt. Og at smørasjetten din står på di venstre side. Og at det ytterste bestikket skal brukast først. Ein er jo frå ein heim med klavér… oppskrifter for barn – Jepp, eigen kategori. kryddersmør til biff – Det er litt retro og usunt, men VELDIG godt med eit godt kryddersmør. Full støtte frå meg! alt godt blogg – Ja, så fann du fram i dag og. afrikansk mat – Eg er ingen ekspert, men lag ei ladning harissa, det er ein god start. Burka – Den einaste burkaen du finn her er frå Alexandria, og er på djupt vatn, bokstaveleg tala. narciso rodriguez parfyme – Den er deilig, …

Torsdag er balldag

Published by

Her kjem endå ei Heidi-oppskrift. Ho vågar seg på å lage ball, det gjer ikkje eg. Eg har vakse opp med ei mor som lagar perfekt ball, kvar gong, så eg har nok utvikla eit lite kompleks for den grå juvel. Men eg et den meir enn gjerne, får eg den servert. Ballsøet, altså det ballen er kokt i, brukar mor mi til og med i brøddeigen, og påstår det gjev dei beste brøda i verda. Det er enkelte som er einige med henne. Vi har ein bit røykt flesk i kvar ball, kokar rabba (altså kålrota) ved sidan av og serverer ikkje gulrøter og poteter til, derimot Brudevollmôr. Det er fast tradisjon at når vi kjem heim til Sunnmøre kokar ho mor ball. Men no gjev eg ordet til Heidi. Alt godt I dag skal det handle om poteta. Denne knollen som veks her oppe i kalde nord, og som strittar mot sjølve nordavinden. Ho kjem opp like trottig kvart år og gir mat til både  kvardag og fest. Eg synes det ikkje det …

The moon is a harsh mistress

Published by

See her how she flies Golden sails across the sky Close enough to touch But careful if you try Though she looks as warm as gold The moon’s a harsh mistress The moon can be so cold Once the sun did shine Lord, it felt so fine The moon a phantom rose Through the mountains and the pines And then the darkness fell And the moon’s a harsh mistress It’s so hard to love her well I fell out of his eyes I fell out of his heart I fell down on my face I tripped and I missed my star God, I fell and I fell alone, I fell alone And the moon’s a harsh mistress And the sky is made of stone The moon’s a harsh mistress She’s hard to call your own. Tekst og musikk: Jimmy Webb

Fleire kaker å dele: Mor Monsen

Published by

Eg held fram med gode kaker til å ta ut av huset, til loppemarknad, dugnad eller kakebasar. Røra eg brukar er den same som i går, men dobbel porsjon, slik at den passar i ei stor langpanne. Mor Monsen er ei festkake som ofte vart laga til jul før i tida. Eg syns den smakar så godt at den passar når som helst. Mange oppskrifter med denne kaka er laga med ei tung røre med like delar smør, sukker og mjøl, men eg syns den vert i feitaste laget. Kaka vert litt lettare med rømme eller kesam i, og den held seg godt nokre dagar i ein tett boks. Viss ingen slynglar finn boksen då… Slik gjer du det:   Mor Monsen 6 egg 6 dl sukker 2 dl rømme eller kesam 1 dl mjølk 9 dl kveitemjøl 4 ts bakepulver 250 g smelta smør Skalet og safta av ein halv sitron 50 g korintar 50 g mandlar 50 g perlesukker (du kan og bruke vanleg sukker.) Sett omnen på 180 grader, og smør og …

Endeleg!

Published by

No er det på plass, vi skal til Danmark i påska. Ikkje snø, ikkje holke eller slaps, berre ein fin liten landsby med eit hus stort nok til oss og ein familie til. Ein halv time til København, med bading i DGI-byen og spa for mor og mor. Kan det bli betre? Sjekk ut http://www.boligbytte.no, kanskje dei har noko til deg og? Her er nok av det vi gler oss til: Købenkafé… Tivoli…

Kaker å dele

Published by

No er vi snart inne i ein stim med dugnadar, loppemarknader og kakebasarar. For min del inneber det baking av gode kaker som er lette å dele, og som attpåtil kan sjå så fine ut at dei let seg lodde ut utan skam. For i det frivillige kakebakingsfaget er det kaker av ulik klasse, må vite. Dei kakene som skal loddast ut skal vere fine, gjerne runde og forseggjorte i fin eske, eller på tilskoren papplate med cellofan og sløyfe. Til nød kan skuffekaker delast i fire og loddast ut, men då må dei vere av høg klasse, både når det gjeld smak og utsjånad. Får du ikkje tak i cellofan? Prøv i ein blomsterbutikk, eller kjøp ein pakke steikeposar. Dei store kalkunposane er perfekte til å pakke fine kaker i. Dei som skal seljast i kakedisken kan gjerne vere vanlege sjokoladekaker og andre typar skuffekaker. Muffins og bollar er også etterspurde der, spesielt kanelbollar. Som den rutinerte loppemarknadkafevertinna eg er har eg alltid ei sikt med melis klar, eit dryss med den gjer dei …

Bulgari Black

Published by

Det er alltid ein snakkis når parfymer går ut av produksjon, dei som misser si kjære signaturduft blir fortvila og bygger lager, dei som mislikte den frydar seg. Mange parfymer er tekne av kartet i det siste, til dømes Fendi Palazzo. Eg kan styre meg for den, så eg sørgar ikkje.  Ei anna linje som i følge informerte kjelder er på veg ut, er Bulgari si Omnia-linje, samt Black, Thé Rouge og Blu Notte. Dei to siste har eg aldri sett i Norge, men Bulgari Black dumpa eg borti på eit parfymeri i dag.  Bulgari Black er ei unisex-duft, og du ser det med ein gong du pakkar den opp. Den ser ut som eit traktorhjul på ein glasfelg. Dette med flaskene på unisex-parfymer er ei historie for seg sjølv. Dei må for all del ikkje sjå feminine ut. Rosa, lilla og kvitt er forbode. Det virkar som om produsentane er trygge på at damene kjøper kva som helst dersom dei likar det, det viktige er at ein for all del ikkje må gje mennene femi-kjensla. Sarah Jessica …

Eit nytt kjøkkeneksperiment

Published by

Her i huset foregår det stadig eksperimentering på kjøkkenet, og for dokke som les bloggen min går eg ut frå at det ikkje er eit problem. For dei eg bur saman med er det heller ikkje vanskeleg – i utgangspunktet. Dei får ny og spennande mat som ikkje så mange har smakt før, og det er jo fint. Problemet er at når eg held på med ein idé må eg gjerne prøve den ut nokre gongar, og det betyr at det kan hende dei vert servert den same retten med minimale forandringar fleire gongar på rad. I lengda kan kanskje det bli noko trøyttande. Dagens oppskrift er ei slik. Det byrja med ein idé om purregrateng, og så hadde eg ikkje mjølk, og hadde rømme i sausen. Det vart godt, men eg hadde litt lite purre, så eg måtte teste ein stor porsjon. Så kom eg på at eg kunne ha skinke i, og då kom den på bordet for tredje gong. Jaja, eg fekk iallfall ingen klager på smaken. For å vere konsis: Dette …

På kvinnedagen –

Published by

– kva gjer ein? Viss du er i Ringsakerområdet har eg eit tips: Kammerkoret Ensemble 96 held konsert med temaet Den moderne Maria. Ifølge dei som arrangerer presenterer konserten historier om gjemsel og glemsel, vinter og varme. Her er programmet:   Program Andrew Smith:  Pulchra es tu Maria Karin Rehnqvist:  Bara du går över markerna Karin Rehnqvist:  När natten skänker frid Knut Nystedt:  Stabat Mater Cecilie Ore:  Carnatus Judith Bingham:  Winter’s Pilgrimage Sven-David Sandström:  Ave Maria Torbjørn Dyrud:  En målares önskan Torbjørn Dyrud:  Via media Marcus Paus:  Ave Maria       På konsertane vil du også få høyre Kristine Solberg, cello og Ane Marthe Sørlien Holen, perkusjon. Konserten vert gjenteken i Ris kyrkje i Oslo 14. mars. Sjåast vi der, kanskje?

I’m easy, easy on a Sunday morning…

Published by

Det aller enklaste var det eg hadde lyst på i dag: Eit middels stort egg, lagt i kokande vatn, kokt i fem minutt, lagt på ei rista skive med smør og flaksalt over. Etter at bildet vart teke kverna eg litt svart peppar over, skar opp ein tomat og koste meg. Lett! Eg har ikkje heilt bestemt meg for korleis eg skal feire dagen i dag, men iallfall: Gratulerer med dagen, alle dokke herlege damene som stikk innom her! Og til alle dokke herlege mennene som også stikk innom: Sett pris på damene rundt dokke, alltid, men særleg i dag. Det har vi vel fortent?