All posts filed under: Blogging

Å, så kjedeleg…


No er eg verkeleg fjortis her, eg kjedar meg. Jada, eg skal sette på musikk, og ta ein runde og rydde i huset, vi skal snart byte hus og alt det der, men akkurat no sit eg her og kjedar meg. Så då må vi finne på noko. Skal vi ta ein spørsmålsrunde? Alle bloggarar har det, no også her. Du skal spørje om det du vil, om matoppskrifter, hagetips, kva parfyme du burde prøve, strikkeoppskrifter (då vert du sendt vidare til Gryda eller Britt Åse) eller dei store spørsmåla i livet. Eg skal svare etter beste evne og skjønn. Kast deg utpå! Har du eit spørsmål eller tre til meg?

Sjølvmeldinga


Ja, eg veit at alle innleveringsfristar er utløpt, men dette er ikkje skatteetaten sin, men Glamourbibliotekaren. Her er mine svar: Dagens leppestift/lipgloss: Michael Kors gloss, Very Hollywood over bengalakk (max factor lipfinity spice) Dagens duft (parfyme/lotion/shampoo/hva enn du dufter av): B by Boucheron EdP og bodylotion Dagens sko: Svarte ballerinasko Dagens smykker: Ein ring frå Armani Dagens bok (altså den du leser nå): Akkurat ferdig med Eat Pray Love, har Sushi for beginners (jada, sommar) på vent. Siste avis du leste: Dagens Næringsliv på do på jobb Siste cd du hørte på: Stevie Wonder; den doble med Isn’t she lovely på. Siste film du så: SATC2 Siste reise du var på (innenlands/utenlands): Kolbjørnsvik/Hisøya i helga, og Stockholm for to veker sidan med ein spennande mann…. Siste nettsted du var innom før denne bloggen: Underskog Siste te/kaffe du drakk: Lipton Earl Grey Siste setning du sa: Ha det bra, og god ferie! (til ein kollega som reiser nordover i morgon) List opp tre ting fra veska di: Lommebok, Guerlain Kisskiss Sexy Tango og tre par solbriller …

Gamle dagar


Huskar dokke gamle dagar, då 20 Mb var masse, og ein måtte ha eit modem som lagde lyd for å kome seg på nett? Det var slett ikkje alltid linja var ledig, men når den var det kom den fine godlyden som fortalte at du var på veg ut i world wide wait. Jakob minte meg om dette her om dagen. Eg blir reint nostalgisk, samstundes som eg er glad for at verda har gått framover. Slik høyrdest den ut:

Hjelp! WordPressutfordringar


Eg slit med wordpress. Eg har forstått at ein kan ha meir enn ei side her, men korleis får ein side 2 til å syns? «On popular demand» tenkte eg å legge ut Nepal-turen og Egypt-turen med bilde og det heile, men eg la inn eit Nepal-innlegg og no syns det berre når du søker på det, ikkje frå hovudsida. Kan nokon hjelpe klønete meg?

Fin fredag


No har eg sykla opp frå byen, etter ein tur til Glasmagasinet for å få med godis til dei heldige to vinnarane av 200 000-konkurransen min. Det har skya over, men ikkje over meg, eg har mi eiga sol som følgjer meg akkurat no. 🙂 Neste helg blir ei langhelg, og den blir ikkje tilbrakt i Norge, det er alt eg førebels veit. Posane ved sidan av inneheld alle prøvene frå Gimle som skal ut til blogglesarane mine, og den bakerste posen inneheld fine ting frå Heaven Scent. Syrin og Selma kan glede seg til dei får pakke! Sjølv om eg har fått mange mailar (også frå ein del afrikanske bankfolk…) så har eg ikkje delt ut alle prøvene enno, der er framleis tid til å melde seg på det store gåvedrysset. Eg ynskjer alle lesarane mine ei god helg, ta vare på deg sjølv og dine. Vi er så viktige for kvarandre, og vi seier det kanskje ikkje så ofte som vi burde!

Gåvedryss frå Alt godt og Gimle!


Eg var innom Gimle i går for å tigge prøver til dei to som vann 200 000-besøkskonkurransen min. Der var avkastninga langt over det ein kunne forvente. Eg har fått med to fulle posar med Acqua di Parma-prøver! Eg har altså MANGE prøver på Colonia, Magnolia nobile og Colonia Intensa. Desse vil eg sjølvsagt dele ut til mine engasjerte lesarar, så lenge lageret rekk. Det dokke må gjere er å sende ein mail til altgodtblogg ætt gmail dått com, med namn og adresse, og fortel også om dokke vil ha alle tre eller berre enkelte av dei. Fyr laus! Eg set strek søndag kveld.

Og vinnarane er:


Selma og Syrin! Dei klokka begge to inn med ein skjermdump på 199 994. Litt underleg, i og med at talet skal endre seg ved kvart besøk, men slik er det. Kjære begge to: Send meg ein mail eller skriv i kommentarfeltet kva dokke likar og ikkje likar, så skal eg grave i skuffer og skap, og ikkje minst ta ein liten tur til Glasmagasinet. 😉 Gratulerer!

Min dag


Eg har blitt utfordra av HildeG, og ho vil høyre meir om min dag! Det får vel bli gårsdagen, og slik var den: Morgenens nedtur: At mannen med musikkanleggledninga ikkje kom. Det er framleis stille her, dessverre. Utenfor mitt vindu: Sveipar lindetrea fram og tilbake, på nydelegaste vis. På mitt fjernsyn: Det största av allt är kärleken… Kleenex på bordet. Jeg vil gjerne høre: Musikk, som sagt. Berre anlegget får straum så blir det bra. Jeg har på meg: Tunika, cardigan utanpå i tynn ull, det var litt kjølig. Beige bukser med blondekant og husmoderlege tøflar. Raude, rett nok. I dag skal jeg: Reise til Bodø for å møte ei av mine favorittdamer. Men jeg vil heller: Eh… Vere på ei reise. Meir detaljar seinare. I min vinduskarm: Nydelege peonar. I helgen skal jeg: Neste helg er eg i Målselv, sikkert med litt shopping på Finnsnes. Morgenens lykke: Ein SMS med varme tankar. 🙂 Dette bildet har dere aldri sett før:

OK, her er greia:


Lag ein skjermdump frå bloggen min som viser det næraste talet til 200 000, mail det til meg på altgodtblogg ætt gmail dått com i låg men leseleg oppløysing, og legg igjen nick, namn og adresse. Den som kjem nærast får ein godtepose full av deilige parfymeprøver (og kanskje noko anna og? ;-)) Eg ventar med å «innhente» prøver til eg veit om det er ein mann eller dame som vinn. Er du med?

200 000! :-o


Eg bikkar snart 200 000 gjestar på bloggen min! Huttemegtu, det er mange menneske, og sjølv om mange av dokke er kjende, og er innom ofte, så er det utruleg gøy at så mange les det eg skriv. Tidlegare har eg hatt spørjerundar og delt ut parfymeprøver når eg har passert runde besøkstal, kva bør eg gjere no? Forslag?

Offline


Det er ein smule frustrasjon i heimen, vi er offline. Get har klart å paie heile nettet i nabolaget, så alt er daudt. Dei har klart å få fjernsynssignala opp og stå, elles hadde vel dei gamle damene gått i tog i gatene med svarte hatflagg. Internett klarer dei ikkje å fikse. Jaja, vi får iallfall lagt oss til fornuftig tid, det er alltids noko. Så inntil vidare blir det bildelause, kjedelege postar frå meg, på jobb får eg nemleg ikkje lov til å laste opp bilde. Sånn er det når ein sit bak landets tjukkaste brannmur. så viss du føler behov for å snakke med meg sånn privat så er greia god, gamaldags sms. Ha ein fin dag!

Ei følsom sjel


Ja, eg er vel det. Eg blir fysisk kvalm av ekle bilde der folk blir skada eller har det vondt. Men avisene elskar slike bilde. No ligg det eit bilde av ein tyrefektar som har fått hornet frå oksen inn under haka og ut gjennom munnen på framsida av nettavisa til Dagbladet. Eg er vanlegvis glad i Dagbladet, men eg har ikkje noko lyst til å gå inn dit. For ei stund sidan var det ein fotballspelar som fekk trakka av foten, slik at den sto i ein heilt unaturleg vinkel. Bildet av situasjonen der ein mann står oppå foten hans og han vrir seg i smerte vart sjølvsagt smurt utover alle nettavisene. For meg er det uaktuelt å sitte å glo på eit slikt bilde, eg fresar forbi, og så let eg vere å gå inn på den nettavisa ei stund framover, for å sleppe å sjå det. Kan det vere nødvendig? Syns alle andre enn meg at det er kult å sjå på menneske som blir skada, og der ingenting vert overlete til …

Nytt blad!


Huskar dokke Paul Løwe, som samarbeider med familien Dreyer Hensley om masse lekre kokebøker? Paul har etablert seg i New York, og arbeider med styling og mat for store og kjente magasin der borte. Han skriv bloggen Sweet Paul, som er ei oase av blomar, mat, DIY og stilfull kreativitet. No har han altså lansert eit nytt blad, som han ganske enkelt kallar Sweet Paul. Er ikkje det kult? Eg kjem til å sette himmel og jord i bevegelse for å få tak i det, denne mannen inspirerer meg. Og så gøy at han har gjort det så bra! Eg er kjempeimponert.

Ut av tåka – fin matblogg


Her er ein kjempefin og lærerik matblogg for oss som er hakket meir nerdete enn landsgjennomsnittet når det gjeld mat, eller som på eit eller anna tidspunkt i livet har tenkt at det kunne vere gøy å prøve å leve av det. Av den har eg lært enormt mykje om kokkefaget, og eg har også lært at det kanskje ikkje er noko for meg. Bloggen er skriven av ei kvinne som er frilansjournalist, men som har bestemt seg for å prøve å utdanne seg til kokk. Det ber bloggen preg av, den er velskriven og innsiktsfull, og ho har ei veldig god observasjonsevne. Deltakarane i Masterchef ville nok ha glede av å nærlese denne frå tid til annan. Den heiter Cooking school confidential. Enjoy!

Kommunikasjonssynsing og andre gullkorn


Mi venninne og på ein måte tidlegare kollega Hilde har byrja å blogge. Hilde er eit av dei mest kultiverte og påleste menneska eg veit om. Det ho ikkje kan om norsk komposisjonsmusikk frå 1900-talet og fram til i dag er ikkje verd å vite. Bloggen hennar handlar ikkje berre om musikk, tvert imot skriv ho reflektert og velformulert om mange ting. Ho skriv om å vere farmor, om reiser ho gjer og om ting som opptek henne elles. Stikk innom bloggen hennar, den er verd eit besøk.

Eg blir prisa!


To prisar har eg fått i det siste, både Mitt snitt og Hagen på hytta har fortalt at dei likar bloggen min. Sånt gjer meg så glad! Med prisen følgjer det to plikter; å peike ut sju nye prismottakarar og å dele sju meir eller mindre interessante faktaopplysningar om seg sjølv. Eg har hatt oppgåva før, så det kan hende det kjem gamalt nytt her, men ha tol med meg. Her får du fakta: 1. Eg har ikkje fot for fantasy i det heile. Eg har aldri sett meir enn to minutt av Ringenes herre-filmar, Starwars eller liknande. Eg har verkeleg prøvd, sorry. 2. Eg elskar mac, skreiv på min første i 1988. Fekk pc i min første jobb i 1992 og heldt på å døy av frustrasjon. 3. Eg manglar anlegg for religiøsitet. For meg hamnar det i same kategori som fantasy, totalt uinteressant. 4. Eg kan høyre same musikk fleire gongar utan å bli lei. Dei rundt meg, derimot… 5. Gode filmar kan eg gjerne sjå omatt, men eg ser aldri omatt ein …

Sju ting til


Søte Lothiane har gitt meg ein award. Eg har fått den før, av andre, og blir like glad kvar gong. Det vert vanskelegare og vanskelegare å svare, men ein kan ikkje gi seg. Her er sju nye, (u-)interessante opplysningar om meg: 1. Eg er konfirmant-mamma no i april. Og finst ikkje stressa. Er det feil? 2. Eg treng nye konjakkglas og ein kjæreste. Elles har eg det meste. Og ein kjæreste, forresten. 3. I hagen min poppar krokus og snøklokker fram. Og jammen er det ikkje liv i den store, raudlette julerosa og. Jippi! 4. Eg lærer fjortenåringen å lage middag. I kveld blir det kyllingfilet. Ho er flink! 5. Eg er sørpe forkjøla. Kjedeleg. 6. Eg manglar litt inspirasjon for tida. Beklagar det. Skal prøve å skjerpe meg. 7. Eg ynskjer alle som stikk innom bloggen velkomne tilbake til kvardagen etter fortente påskeferiedagar. Utfordringa går til dei som vil, og som har meir inspirasjon enn meg! 🙂

Ei utfordring


Slike jenter har utfordra meg! Det er eg glad for, eg diggar bloggen hennar, og har du ikkje lese den så stikk innom. Ho vil at eg skal skrive sju ting om meg sjølv. Eg har gjort det før, men gjer det gjerne igjen når så hyggelege folk ber meg om det. Utfordringa er eigentleg å finne på sju nye ting, eg får prøve.  Her er sju fakta om Alt godt: 1. Eg lever av å kjøpe inn. I kid you not, som Slike jenter ville ha sagt. Dronningreplikken var den gongen då ein pushy egyptisk suvenirselgar ville presse meg inn i sjappa si i souken i Kairo. «Ask me what I do for a living», sa eg. «What do you do for a living?» sa han, litt perpleks. «I shop», sa eg. «When I see something I like I buy it. So get out of my way!» Han ga seg. 2. Eg elskar å «lage til», og meiner sjølv eg er ei god vertinne. 3. Eg er utruleg glad i å reise. Viss det …

Har eg fortalt…


-at Hjartesmil lagar magasin? Eit ordentleg papirmagasin som du kan halde i hendene og bla i og kose deg med? Ho har den finaste bloggen i bloggverda syns eg, sjølv om eg kanskje meir enn andre vert sjarmert av nynorsken hennar. Viss du vil ha eit slikt magasin kan du gå inn på bloggen hennar og legge att ei melding i dette innlegget. Ho held nemleg på av avgjere kor mange ho skal lage. Viss ud har lyst på eit slikt magasin, altså. Lykke til, fine Hjartesmil!

Nye vennar


Eg legg til og tek bort lenker til bloggar her på sida innimellom.  Dei eg tek bort er stort sett bloggar som ikkje lenger er aktive, eller som eg sjølv har slutta å lese. Og ein gong i blant «møter» ein nye bloggarar som er opptekne av noko av det same som meg, som eg legg til lista. Mine to nye bekjentskap denne veka er Per Christian og Helge og Jorid. Helge og Jorid bloggar saman, om partikkelfysikk, japansk og parfymer. Og jammen står det ikkje noko om korps der og. Per Christian er ferskare i gamet, og konsentrerer seg berre om parfyme. Spennande bloggar, begge to. Ta ein tur innom om du får tid!

Tordenbloggen 2009


Tordenbloggen er i gang igjen! Opplegget i år er litt annleis enn før, dei 100 mest plukka bloggarane på Sonitus får foreslå kandidatar til Tordenbloggen. Eg er så heldig at eg er blant dei 100, og har difor fått lov til å foreslå dei som eg meiner bør vinne årets tordenblogg. Mine kandidatar er: Flinke pike – Embla bloggar om det å gå inn i ein ettertrykkeleg depresjon, og å arbeide seg ut av den. Vi kjem nær innpå korleis det følest, utan at det opplevest som klamt eller invaderande. Eg lærer utruleg mykje av å lese det Embla skriv, og det veit eg mange andre gjer og. Hagen på hytta – Ein av glad-bloggane mine. Britt Åse er blant desse som brukar kreftene på å framheve livets lyse sider, utan at det vert overfladisk eller jålete. Eg likar bloggen hennar fordi vi er opptekne av ein del av dei same tinga, og for at ho med sikker språkføring og lyst sinn ser på desse tinga frå ein annan vinkel enn eg gjer. Velduftende – …