All posts filed under: Grønt

Nordpå

Published by

Vertskapet her nordpå trur på minimalisme i alle ledd unntatt når det gjeld mat. Alt er dermed ganske spartansk, altså ikkje noko nett, ikkje tv, ein sliten radio stildra oppå sofaryggen og sittegruppe i fire ulike ikkje matchande grønfargar. Så vi er på leit etter eit samarbeidsvillig trådlaust nett, og enda opp på Gründer på Finnsnes. Her får vi smoothie og Earl Grey med sitron i store glas, og er ganske fornøgde, særleg fordi det følgjer internett med på kjøpet. Alt er litt seinare her oppe, og det nyt vi godt av. Saftige, søte jordbær frå Salen gård i Rossfjorden:  Markjordbær frå oppi bakken: Harry Potter-skogen, med bregner høgare enn ein åtteåring (vi har målt): Kan nokon namnet på denne blomen? Vi har ikkje sett den før. Lange stilkar, små runde blad langt nede på stilken. Ignorer flua.

Endeleg

Published by

No har eg (vel, også mannen min og andre tilfeldig passerande sterke menn med god rygg) bore  denne digre krukka med fire agapanthusknollar i ut og inn kvar sommar i tre år. Kvar sommar har det spruta opp grøne blad, men ingen blomar. Eg hadde ein avtale med meg sjølv at når det kom kontainer på dugnaden i oktober skulle eg vippe heile skiten oppi den. Men då eg kom heim frå Frankrike – kven andre står her og struttar enn ein sprekkeferdig agapanthusknopp? Stor glede i heimen! (OK, eg er heime åleine, så det er ingen her å dele gleda mi med. Men å dele den med dokke er ein sann fryd, berre så det er sagt.) Eg ynskjer alle som stikk innom ei fredeleg helg!

Ein juvel eller eit &%$?#% ugras?

Published by

Eg veit at ein del ekspertar med grøne/svarte fingrar er innom bloggen min med jamne mellomrom, og i dag treng eg slik kompetanse. I og med at eg plantar etter innfallsmetoden i ein del tilfelle har eg ikkje full oversikt over alt som står i hagen min. Denne planten veks opp midt i sitronmelissen min. Det vitnar om stor veksekraft og overlevingsevne.  Først trudde eg det var solhatt, for eg har planta nokre solhattar der utan at eg tenkte på at det er dumt å plante solhatt der ein er plaga med ugrasklokke. Dei er ganske vanskelege å skilje frå kvarandre. Men no ser til og med eg at dette ikkje er solhatt. Den er nesten like høg som meg, altså snart 170 cm. Kva kan det vere? Den har ikkje blomstra enno, men dersom den er frå «the dark side» har eg ikkje så veldig lyst til å la den blomstre og frø seg medan vi er i Frankrike. Er det ein snill plante, ein skatt frå gåvmilde hagegale, så skal den sjølvsagt få alt …

Feriefredag

Published by

I dag, sånn rundt kl. 17:00 byrja ferien min! Siste mail er sendt, pulten er rydda (faktisk!) og rapport er skriven til han som skal ta over «leiinga». Deilig! No skal vi sette huset i god orden til franskmennene kjem på tirsdag, og  vi skal pakke tølene våre. Mandag litt utpå dagen reiser vi avgarde, og får treffe dei vi skal bu i huset til der nede før dei reiser hit. Det er alltid spennande med boligbytte, sjølv om ein har sett bilde så er det alltid ei glede å ta det «nye» huset i bruk. Eg fann forresten denne bloggen her om dagen, er du nysgjerrig på boligbytte kan du lese litt der. Ha ei fredeleg helg!

Fredeleg fredag

Published by

Vel heime, etter at tiåringen har tilbrakt to og ein halv time på Ringen kino med Transformers 2, og vi begge har spist deilig middag på Noahs Ark. Fredagsfreden senkar seg, og eg ynskjer alle som stikk innom ei fredeleg helg med eit bilde av «trappa mi». Ved inngangsdøra har eg to Ikeahyller i stål, som ber trappeblomane. Fint, ikkje sant?

Ruccolapesto

Published by

Er du så heldig at du har stauderuccola så kjem den att år etter år. Diplotaxis tenuifolia heiter den, og kom visstnok i ballastvatnet til skip langs sørlandskysten og har etablert seg der. Den har gule blomar, og ein fin, sennepsaktig smak. Ikkje utan grunn at svenskane kallar den sandsennep. Enkelte hevdar at det norske namnet er steinsennep, men det har eg ikkje vore borti.  Ei venninne trengte opprydding i ruccolakrattet sitt, og melde meg frivillig til å eksperimentere med fangsten. Ein heil brødpose vart med heim, då eg vog den kom eg til 315 gram. Her får du oppskrift på halv mengde, det er ikkje alle som har ein heil åker å ta av. Slik gjorde eg det: Ruccolapesto 150 g ruccola 1 fedd kvitløk 1 dl olivenolje 2 ts kapers 2 ss kvit balsamico eller annan lys eddik 100 g parmesan 100 g pinjekjerner 1 ts sukker 1 ss strøkavring salt og peppar Riv osten. Køyrer du osten i matmølla risikerer du grove bitar som det ikkje er noko stilig å møte på …

Endeleg fredag…

Published by

Dette har vore ei travel veke, når alle skal ha ferie så spring alle rundt og skal ha ordna masse saker, og då må eg og hive meg rundt og ordne det eine og det andre som står på meg. Dei neste to vekene blir nok rolegare, og eg kan bruke tid på å rydde, arkivere og få ting i orden til hausten går i gang for fullt. I desse to vekene får eg kanskje også tid til å gå heim frå jobb tidleg, og slappe av og nyte rosene i hagen og alt som høyrer med. Dei står der i fullt flor, og eg frydar meg over kor friske og flotte dei er.  Eg har ei sterk kjensle av at neste vår bør eg flytte litt rundt på ting i hagen min. Det er ein del plantar som er feilplassert, slik at dei ikkje kjem til sin rett. Eg har prøvd å vere konsekvent i plantinga mi, men let meg lokke ut på ville vegar av hagegale som fristar med alle mogelege lekre vekstar. …

Apropos-

Published by

–eksplodert hagesenter:  (Nei, det er ikkje min hage, men ganske nær…)

Ein tur i hagen

Published by

Eg må nok innrømme at hagen min har eit visst preg av kaos. Fargane passar ganske godt saman, men eg har ikkje hatt tilstrekkeleg oversikt over kva form plantane får når dei er store, så dei står plassert litt hulter til bulter.  Fargeskalaen er frå kvitt til mørk lilla, her ser du ein vakker geranium, grasløkblomar og salvie som får ein nydeleg lillafarge. Kaotisk men fint, syns eg. Vekas nyvinning er denne lukestaken, eller kva den heiter. Med den kan eg luke innimellom plantane sjølv langt inni bedet, og det trengst, for vassarven lever herrens glade dagar blant dei andre plantane mine.  Den kjem frå Osloområdets beste rosebutikk, Hesleberg på Vollen i Asker. Der har dei flotte reiskapar, i tillegg til masse nydelege roser i topp stand. Godt humør har han og, han som driv det. I fjor kjøpte eg meg ein skikkeleg solid plantespade, og i år vart det altså lukestaken. For folk som er dårlege til å ligge på kne i beda må denne vere heilt perfekt, kan eg tenke meg. Og så …

-Og så litt reklame.

Published by

Eg driv vanlegvis ikkje med det, men nokre ting fortener å bli reklamert for, og då let eg prinsippa fare.  Viss du er i Oslo, køyrer opp Maridalsvegen, og svingar inn i Carl Kjeldsens vei, finn du eit lite blomsterutsal i Carl Kjeldsens vei 79. Der held den hagegale Ragnhild på med blomane sine, og for nokre blomar! Ho plukkar ut plantane som om ho skulle ha dei til sin eigen hage, ho seg stiklingar og ho har eit utval av fuchsia som er til å døy for.  Der finn du plantar og vekstar som Plantasjen ikkje ein gong har høyrt om, stauder, sommarblomar og urter omeinannan. Dersom det du kjøpte i april byrjar å bli litt pjusk no, bør du ta turen til henne. Denne veka har ho sommarsal, for ho held på berre fram til jonsok. Sjansen for å gjere plantekupp er overhengande. God tur!

Er syrinen på hell?

Published by

-Eller står den i fullt flor? Syrinar veks raskt, og vert store tre i løpet av åtte til ti år. Det kan vere praktisk å beskjere dei, men kuttar ein greiner om våren så vert det ikkje blomstring den sesongen. Det er etter blomstringa at beskjering av syrinar bør skje. Har du eit forvokst eksemplar av arten, så gi den ein omgang med saks og sag no etter at den er avblomstra. Det å ta inn bukettar er også ei form for beskjering, så ver raus med blomar på borda så lenge den står i blomst. Snus inn den deilige lufta som vi må til parfymeflasker for å få kjenne resten av året.

Lommetørkletreet

Published by

Lommetørkletreet i Botanisk hage på Tøyen er ein sjeldan plante. Davidia involucrata finst nokre få stader i Norden, men kjem opprinneleg frå Kina. Det held på å blomstre av no, så blada byrjar å bli grønare, dei er ikkje så lysande kvite som dei er rundt midten av mai. Men det er uansett lett å forstå kvifor den har fått kallenamna duetre, lommetørkletre eller spøkelsestre. Vakkert! Dette bildet er frå Trädgårdsmestaren (med hans samtykke), for eg gløymde sjølvsagt å ta med kameraet i dag.

Alt på ein gong

Published by

Er det ikkje typisk? Alt det hyggelege, fine, morsomme skjer på same tid. Det slår ikkje feil. Denne helga kokar det av arrangement i byen, og problemet med å dele seg er uløyseleg, så harde prioriteringar må til. I botanisk hage er det Åpen dag på søndag, og både botanisk sjølv og mange andre har plantesalg der. Sjansane for å finne noko som Plantasjen ikkje har høyrt om ein gong er overhengande. Det er open dag begge dagane på Ramme gård også, Petter Olsen si «vesle» perle ved Oslofjorden, mellom Drøbak og Hvidsten. Ramme gård er heilt fantastisk, hagen er ei oppleving og det er guida turar gjennom den kvar time. Pass på å få med deg den erotiske hagen, den er spektakulær! At St.Hanshaugen er eit kjendistett område er opplese og vedteke som sanning. Kjendisar må gå på mange festar, (puh, så slitsomt… 😉 ) og må dermed ha nye antrekk rett som det er. Dei mest velkledde damene i byen, også kalt Jentene på haugen, har bakgårdssalg laurdag kl. 13-19. Det du ikkje …

Grønt og godt

Published by

Eg brukar masse grøne urter i maten eg lagar, og å dyrke dei er mykje lettare enn ein trur. Urter gjev maten eit løft, utan at det kostar for mykje verken i kroner eller i arbeid. Men det kan vere vanskeleg å skaffe seg oversikt over dei vanlegaste sortane og korleis dei vert dyrka. Her er ei oversikt over dei krydderurtene eg brukar mest, korleis du får tak i dei, passar på dei og brukar dei i mat. Det er vanleg å skilje mellom fleirårige og eittårige urter. Mange eittårige urter frør seg så lett at du får dei tilbake år etter år likevel. Dei fleirårige er som regel ganske motstandsdyktige, og toler ein vinter. Men nokre av dei treng å bli pusla litt med, for eksempel med eit lag granbar i dei kaldaste månadane. Lag deg eit urtebed i ein lun del av hagen, gjerne med ein levegg, og vend mot sør. Del gjerne bedet i to, for nokre urter er ugras, og må tøylast, og dei kan stå kvar som helst. Andre må …

Å kome heim

Published by

-er deilig når ein slik ein står og ventar i bakgården.  For ikkje å snakke om denne: -Og til slutt denne stjerna her: Alle desse tre veks på eller ved sidan av trappa til mi venninne Hilde. Ha ein fin frimandag, alle som stikk innom!

Ein deilig fredag

Published by

I dag blir det ikkje blomar frå heimen i Oslo, men frå København, naturleg nok. Blomane inne fekk dokke sjå tidlegare i dag, så no ynskjer eg dokke ei fredeleg og lang helg med denne baljen som eg fann i går. Lyset er betre enn eg kunne ha arrangert sjølv, ettermiddagssol speila i vindauga på den andre sida av gata. Ein flott idé til dekorasjon, stilkane gjer at rosene held seg på plass. Varme helsingar til alle som stikk innom frå København!

Det regnar

Published by

– og eg tenker at eigentleg burde eg vere glad for det. Det er bra for hagen, for aspargesane, for blomane som står i ein pose ved inngangsdøra og ventar på å bli planta. For ikkje å snakke om dei som står der dei skal stå i bedet sitt, men enno ikkje er tekne ut av potta. Uff, eg har vore ein dårleg hagebrukar i år. Men det regnar, det bergar dei kanskje til eg får avslutta korøvinga, generalforsamlinga, pakkinga, vitninga i retten, seminaret på danskebåten, foredraget om cash management (!!) på danskebåten, shoppingturen med Heidi i København, flyturen heim, rekneskapen og sjølvmeldinga. Puh. Kan verda bli normal etter dette, ver så snill?

i hagen min

Published by

  Eg tok nokre bilde her om dagen, og vart så fornøgd at eg må poste dei her. Her ser du to flotte kvite og purpurfarga kuleprimulaer, eller mikrofonblomster som datra mi brukte å kalle dei då ho var lita. Den vesle søtingen i same bildet er ein fylt raudveis – ein sjeldan blome som eg har fått av ei god hagevenninne. Rundt omkring dei veks det ei skuggesildre som kjem til å breie seg utover og fylle bedet når dei to andre er ferdigblomstra. Her er vårdronninga i bedet mitt, ei burgunder julerose som kombinerer nakkekneising med blygt nedslått blikk. Ikkje så vanleg i menneskeverda, men blant plantane kan altså dei to livsinnstillingane kombinerast. Rundt tærne har ho nokre iris og ein heuchera, og ein geranium bak og til høgre. Desse hyllene frå IKEA er perfekte til blomar utandørs, dei er i metall og er svartlakkerte så dei gjer ikkje så mykje av seg. Dei fyller perfekt opp rommet mellom sykkelstativet, inngangsdøra, veggen og aspargesbedet. Dei har perforerte hyller, så det er uproblematisk å …

Gult er kult

Published by

Her er nokre bilde som bør få vere med frå turen til botanisk. Det første er ein enorm forsythia, som står ved den gangvegen som kjem opp frå Jens Bjelkes gate. Det andre er ein vårkornell, og blomane på det tredje bildet er Caltha palyustris Flore Pleno, ein variant av bekkeblom. Dei er fine, sjølv om dei er gule.

Ein deilig dag

Published by

– i botanisk hage. Magnoliaene blomstrar, og rhododendronen står med lysande rosa knoppar. Vakre primulaer står og vippar med blomen mot sola og oss som ser på. Og kjære. Vakkert!

Ut i sola

Published by

Eg veit at eg har lesarar over heile landet, så eg skal ikkje gni det inn, men resten av dagen skal tilbringast UTE. Her er fredagsblomane mine, flammande papegøyetulipanar. Ha ei fin helg, alle de gode menneska som stikk innom! 

Grønt på kontoret

Published by

Nei, dette handlar ikkje om å så urter eller sommarblomar på kontoret, men korleis ein kan gjere sitt for at arbeidsplassen ein er på belastar miljøet minst mogeleg. Eg er «miljøansvarleg» der eg jobbar, og held akkurat på med ein plan for korleis vi kan redusere søppel og energiforbruk, samt gjere meir miljøvennlege innkjøp og reiser. Denne videoen inneheld ein heil del tips som er praktiske å ta med seg. Vinduslufting ville nok få vårt ventilasjonssystem til å slå krøll på seg, men elles er det meste her gode tiltak for å skape ein grønare arbeidsplass. Kanskje noko du kan foreslå der du jobbar?

Lyst og florlett

Published by

Er det ikkje vakkert, når blomane er så lyse at dei nesten er gjennomskinnelege? Spesielt når sola skin varmande inn av vindauga. I tillegg til å understreke det florlette ved blomane mine, avslører også sola at ein av helgesyslane mine bør vere å vaske nettopp vindauga. Elles skal eg på hagemessa på Lillestrøm, i morgon «på jobb«, på søndag saman med to venninner og gjere kupp idet dei ber varene ut. 😉 Ha ei god helg, alle som stikk innom!