-står Alt godt i baren på Moringen pub. Det skal ikkje bli ein vane, men akkurat denne dagen er spesiell. Stavangerensemblet spelar i Kolbjørnsvik, og det blir ein deilig, nostalgisk åttitalsfest med masse gamle hits, slitne jeans og tynt hår på toppen. Sjekk ut meir info her, og bli med om du er i området. Ha ein fin fredag! 🙂
No har eg sykla opp frå byen, etter ein tur til Glasmagasinet for å få med godis til dei heldige to vinnarane av 200 000-konkurransen min. Det har skya over, men ikkje over meg, eg har mi eiga sol som følgjer meg akkurat no. 🙂 Neste helg blir ei langhelg, og den blir ikkje tilbrakt i Norge, det er alt eg førebels veit. Posane ved sidan av inneheld alle prøvene frå Gimle som skal ut til blogglesarane mine, og den bakerste posen inneheld fine ting frå Heaven Scent. Syrin og Selma kan glede seg til dei får pakke! Sjølv om eg har fått mange mailar (også frå ein del afrikanske bankfolk…) så har eg ikkje delt ut alle prøvene enno, der er framleis tid til å melde seg på det store gåvedrysset. Eg ynskjer alle lesarane mine ei god helg, ta vare på deg sjølv og dine. Vi er så viktige for kvarandre, og vi seier det kanskje ikkje så ofte som vi burde!
Denne buketten meinte verdas beste kollegaer at eg fortente – er den ikkje fantastisk? Eg føler meg heldig, av fleire grunnar. Viss alt klaffar vert eg endå heldigare i løpet av kvelden, meir info følgjer. Du må passe på teljaren når du er innom, når den byrjar nærme seg 200 000 må du ta skjermdumpbilde og maile det til meg. Følg med, den som kjem nærast, same på kva side, får ein premie! 🙂 Ha ein fin og fredeleg fredag, du og.
No er det roleg i huset, blomane står på bordet og middagsplanane er klare. Det blir ei aktiv helg, i kveld får eg vonaleg besøk, og i morgon skal elleveåringen og eg på Grand Prix – i salen! Eg har snakka med folk som var der på torsdag, og dei fortel at det var kjempestemning. Så det gler vi oss til, sjølv om øyrepropper visstnok er obligatorisk for å beskytte seg mot dei sure tonane til han frå Israel. Søndag blir det litt forsinka bursdagsfeiring, så eg må vel lage noko god mat, tenker eg. Akkurat no er eg tom for idéar, men eg finn vel på noko, iallfall når eg kjem i butikken. Og så trur eg neste veke blir ei fin veke. Det er litt lysare stemning i heimen no enn det var ei periode. 🙂 Eg ynskjer alle som stikk innom ei fredeleg helg, med eller utan Grand Prix!
Eg er seint ute med fredagshelsinga mi i dag. Det skuldast at eg akkurat har kome heim etter ein runde på Grünerløkka med ein gjeng fine menneske, frå pub til pub, og sushistopp undervegs. Dette er ein slik deilig dag då heile Oslo og alle menneska her går for halv fart. Vanlegvis er tempoet her ganske høgt, men då eg sykla heim såg eg at alle går avslappa rundt, det er ingen som skal rekke noko, og pliktene som kallar her og der tenker dei iallfall ikkje på. No skal eg ut i hagen med ein stor kopp te og eit glas vin, og prate med koselege naboar. Rosene? Fordi eg fortener det. Akkurat som kaka i går. Ha ein fin fredag og ei fin helg, du og!
Vel, det kan hende overskrifta lovar for mykje, men dei vakre fredagsblomane mine har eg iallfall plukka i hagen. Eg var på veg til min lokale blomsterbutikk då klarsynet brått slo ned i meg. Eg har jo hagen full! Så eg tok med meg saksa og gjekk ut og fann dei flottaste tulipanane. Er dei ikkje lekre? Denne helga er det mykje som skjer, så det gjeld å slappe av når ein kan. Spar føtene på 17. mai, og ikkje kast deg uti meir enn du har lyst til. Ha ein fortsatt fin fredag og ei deilig, lang helg!
Dette vakre diktet vil eg gjerne dele med dokke denne fredagen. Planen for helga er å gjere minst mogeleg, einaste plikta som ligg på meg er å lage ein stor porsjon med mjølkefri sjokolademousse i morgon, og møte opp pynta og fin i ein konfirmasjon på søndag. Det skal eg klare, festen byrjar klokka to. Eg ynskjer dokke alle ei fredeleg helg, og takkar Rolf Jacobsen for det fine diktet. HVIS DU VIL Har du varme nok? Du har. Søvnen, tankene er gitt deg gratis. Men varmen i deg må du gi og gi igjen. Også du kan si et ord om glede. Du har en hånd varm, hvis du vil. Rolf Jacobsen
-Eg har altså gjort alt som står på lista frå i dag tidleg, unntatt det som skal gjerast i festlokalet. Det skal vi avgarde og ordne no. Den nydelege buketten ved sidan av her har eg fått av skjønne Ovedia, som var innom på onsdag til middag saman med to andre flotte damer. Astrantia major, eukalyptus og roser, og til og med ein nellik har lista seg inn der. Er den ikkje fin? Camilla hos Fem sanser har laga den. No er skjortene strøkne, dressen pressa og det som skal bakast er bakt. Kjøkkenhjelparane har vore innom og fått lange lister med instruksjonar, og eg har full tillit til at dei ordnar det som skal ordnast og meir til. Til morgondagen har konfirmanten ønska seg gerbera, dei har Ovedia henta, og skal lage fine dekorasjonar. Hurra! Eg er så glad fordi eg har ei nær meg som får til slikt! Eg ynskjer alle som stikk innom ein fin kveld og ei fredeleg helg.
Eg planlegg aldri så nøye som når eg skal lage mat til fest. Det hadde sikkert lønt seg for meg å planlegge nøyare i andre situasjonar og, men der har eg nokre utfordringar. Men iallfall: Her er arbeidsplanen for matlaginga til konfirmasjonen til den fine guten min, med alle oppgåver detaljert for morgondagen og laurdagen: Fredag heime G&K: Lage grønnsaksterte Bake cheesecake brownie Lage to vinaigrettar Lage sjokolademousse Lage pannacotta Lage gelé Lage hummus Hente gravlaks og sennepssaus hos H Avtale blomsterhenting med H Kjøpe vaniljesaus til geléen Finn ut kven som kan kjøpe brød laurdag morgon Hente mineralvatn hos Singh Fredag i festlokalet G&E: Ha aioli, dressingar og hummus i skåler med plast over. Merk med kva dei tilhøyrer Sette alt på kjøl Finne fram eldfaste former til kjøttbollar og kyllingfilet Finne fram serveringsfat og serveringsbestikk Legge på dukar Legge på glas, bestikk, serviettar og bordkort Sette lysestakar med telys i på bordet Laurdag kl. 10 M&I: Knekke asparges, koke dei i godt salta vatn i 3 minutt, rett i kaldt vatn. La renne …
-Og støtt Island…
Du Vårens milde, skjønne Barn, tag Vårens første Blomme, og kast den ej, fordi du ved, at Somrens Roser komme. Ak, vist er Somren lys og smuk og rig er Livets Høst, men Våren er den deiligste med Elskovs Leg og Lyst. Og du og jeg, min ranke Mø, står jo i Vårens Rødme; så tag da min Blomst, men giv igjen dit unge Hjertes Sødme! Den bergenske diktaren John Paulsen skreiv dette diktet som Grieg har tonesett så vakkert. Eg har ein primula i fredagsvindauga mitt, men det er ikkje ein gong ein primula veris, snarare ein primula vulgaris. Men like blid står den der og minner om at forkjøling og anna elende går over. No skal eg vandre over plenen og bli servert og skjenka på beste vis. Det er ikkje farleg når ein blir teken hand om på slikt vis, og berre treng å ta med ei skål aioli! Eg skal kanskje prøve å finne ei flaske god vin i kjellaren og. Eg ynskjer alle som stikk innom ein fredeleg og fin …
-trudde eg det skulle vere. Så feil kan ein ta. Mannen måtte innom, få ei underskrift og hente masse greier til bilen, som skal selgast. Fjortenåringen måtte innom med ein pose sart undertøy og anna småtteri som ho må lære å vaske sjølv. Ho tek ikkje sjansen på å overlate den til pappaen. Så folk for ut og inn. Men no har freden senka seg, og eg trur eg er åleine i huset. No kjenner eg at eg har sakna det. Balanse er viktig, også balansen mellom å vere blant folk og å vere åleine. I kveld treng eg å vere litt åleine. Men det varer ikkje lenge. I morgon treff eg først ei parfymevenninne, vi skal på ein liten sniffetur, kortare enn den vi hadde forrige helg, og med mindre bagasje. Etterpå kjem ei av mine kjæraste hit, det gler eg meg til. Ha ei fin helg, alle som stikk innom!
Eg har vore ute ein liten runde, henta ting eg treng til treffet i morgon, avklart detaljar med damene på Glasmagasinet og vore innom på Gimle og advart om at vi kanskje kan kome innom ein tur viss vi får tid. I kjellaren på Glasmagasinet fann eg eit ekte kupp, Victorinox kokkeknivar og konditorknivar til halv pris! Det er eit kupp, ingenting anna å seie om det. Vil du ha slike knivar, så sjekk ut dette. (Eg er ikkje sponsa av Glasmagasinet, underleg nok.) Eg har dei knivane eg treng, men eg fekk med meg heim nye grytelappar, forkle og to nye kakespadar til halv pris. Til sniffetreffdeltakarane: Eg gler meg til å sjå dokke i morgon kl. 13 på Edderkoppen! Vi møtast i restauranten. Til alle dokke andre: Ha ei fredeleg helg, og send oss ein lett misunneleg tanke! 🙂
Helgefreden senkar seg, og eg trur det blir ei fin helg. I ettermiddag skal eg møte ei bloggevenninne IRL for første gong, det er alltid spennande. I morgon skal vi feire fjortenåringen, så kvelden går nok med til baking og anna førebuing av familieselskap. Eg feirar også med å vise deg påskevinduet mitt. Ja, eg veit det er litt tidleg, men det får ikkje hjelpe. Vi reiser bort i påska, og det er koseleg å ta fram pynten i litt god tid, syns eg. Vrihasselgreinene er lette å dekorere, og å gjere om frå jul til påske til andre feiringar og årstider. Påskeliljene kostar ingenting for tida, så eg kjøper nye bukettar rett som det er. Ha ei fredeleg helg, alle som stikk innom!
Eg trur ikkje det er hol i ballongen, det er nok berre knuten som er open for tida. Det er altså ikkje mykje piff å hente her. Eg tenkte ikkje at det skulle bli så tungt, til no har eg klart det meste i livet ved å stå på litt hardare. Akkurat no fungerer ikkje det. Det er mange ting som kjem fram frå gøymde skuffer og skap når ein bryt opp, også ting som ligg langt tilbake i tid. Akkurat no er eg der, eg kjenner på ubearbeidde kjensler som eg i mange år har fortrengt i omsorg, glede og arbeid. Viss det finst ei førtiårskrise så er eg der no, eg trur det er slik det må kjennast. Eg er god til å feike, men det einaste som struttar her i huset no er tulipanane. Så ha tol med meg, send meg varme tankar, så skal eg prøve å samle meg. Eg klarer det innimellom, eg er på jobb og eg gir barna mine det dei treng, men av og til går altså …
I dag har eg ikkje så mykje å seie, anna enn at eg som vanleg har funne fram ein fin fredagsbukett, om eg vonar at du gler deg like mykje over som eg gjer. Eg ynskjer deg ei fredeleg helg!
Dette er nok siste helga vi er fire i huset, flyttinga har teke litt tid. Det er alltid noko som skal malast, flikkast på, spikrar som skal trekkast ut, sparklast og alt det der. Dagane fyk avgarde, denne veka har vore fylt av glede, vemod, gjensyn, endringar og energi. To dagar har eg halde seminar om det eg arbeider med, det gir meg like mykje løft kvar gong. Eg frydar meg over å formidle, forklare og å inspirere. På mine gamle dagar skal eg berre reise rundt og snakke til folk, trur eg. Finne meg eit almengyldig tema som eg kan snakke om, og leve på det. Responsen er så umiddelbar, du merkar med ein gong om du har folk med deg eller ikkje, og desse to dagane har eg heldigvis hatt folk med meg. Gøy! Eg prøver å finne ei slags ro her heime medan ungane reiser på vinterferie med bestemor nordover til nordlysland. Eg ynskjer alle som stikk innom ei fredeleg og god helg. Send meg ein vennleg tanke, eg sender deg ein og. …
Alt kan ikkje vere berre trist og leitt sjølv om det er tøffe tider akkurat no. Eg frydar meg over helga, og over denne reklamen. Legg spesielt merke til den som ikkje har namn… Eg ynskjer alle som stikk innom ein fredeleg kveld og ei avslappande helg!
Eigentleg er det tre feiringar denne søndagen, morsdag, valentinerdagen og fastelaven. Eg held meg til fastelaven, eller fastelavn, som ein norsklærar påpeikte er det rette namnet. Faste er vanleg i mange religiøse retningar. Islam har sin ramadan, ein månad med faste, og jødedomen har sin Yom Kippur. I kristendomen innleier ein fasta onsdagen i den sjuande veka før første påskedag, og den varer i 40 dagar til minne om då Jesus fasta 40 dagar i ørkenen. Fastelavn har strengt tatt ikkje noko med faste å gjere, tvert imot er det nokre dagar før fasta då ein et ekstra fin og feit mat. Gulatingslova nedla forbod mot å ete kjøt i fasta, og åt ein kjøt kunne ein verte ilagd bøter. Fastelavn kjem av det tyske ordet Fastel-abend, og tyder kvelden før fasta. Fastelavn vart markert med rikeleg, feit mat før ei tid med ransaking og ettertanke fram mot høgtida. Fastelavnsbollar er truleg eit tysk påfunn (slik mange av tradisjonane våre er) og dei vart baka i Bergen av hanseatane. Tysk baketradisjon stod sterkt i Bergen, …
…og eg trur jammen eg må ta meg ein pille og ein liten lur, hovudet er vondare enn eg set pris på. Eg ville berre først vise dokke fredagsbuketten min, med skjære, rosa tulipanar.I bakgrunnen ser du vrihasselgreinene mine, med noko som med nød og neppe kan kallast vinterpynt. Det er visst ikkje alt som har komt på loftet etter jul likevel. Det har kome så mange treff på morsdag i dag, det er altså ikkje denne helga, men neste. Då er det i tillegg både fastelaven og Valentine’s day, ein skikkeleg mamma-jackpot, altså. Eg syns eigentleg det høyrest litt slitsomt ut. No, derimot, er det ingen som har forventningar om noko som helst, berre fred og ro i huset. Ha ei fredeleg helg, alle som stikk innom!
I dag lagar ho Heidi slikt eg ikkje likar, iallfall hovudretten. Det er nemleg sprøsteikt sild, og det kan eg styre meg for. Desserten, derimot, trur eg ikkje eg ville skulke unna. Den trur eg at eg skal lage til Grand Prix-festen på Ullevål Hageby i morgon. Niesa mi bestilte nemleg ei kake, og det skal ho få. Alt godt Å bearbeide det rå til det kokte/steikte eller la naturen gjere arbeidet vert kalla for det kulinariske triangelet. Vår eigen matkultur, med all si frodigheit, lukt, smak – og som kulturen vår tillet oss å framskaffe ligg innanfor dette triangelet. Hadde eg hengt opp katten til tørk på garasjeveggen i staden for silda var det nok ein kvan som ville ha reagert. Men også tid, stad og økonomi vil avgjere til ei kvar tid kva vi har oppi grytene våre. Ta for eksempel sildelukta av kleda våre for oss som vaks opp for 30-40 år sidan. Enkelte dagar sat lukta så fast i ullgensaren at vi helst ville sleppe å gå på skulen. Men vi …
Har eg ikkje fin fredagsbukett i dag? Den har eg fått av mi kjære venninne, dei er utan kjøkkengolv for tida, og difor inviterte eg dei på middag i går. Som takk for det fekk eg denne nydelege buketten. Den er frå Fem sanser, vår lokale blomsterbutikk, som er driven av den koselegaste og flinkaste blomsterdama eg veit om. No står den her i den grøne mjølkemugga mi og spreier glede og fredagsfred. Eg ynskjer dokke alle ei deilig helg!
Fredagskaffen på jobb er drukken (ikkje av meg, eg drakk te), det stilnar i gangane og eg skal snart gå inn i fredagsmodus. Eg må berre fortelje dokke to viktige ting først. Dette skjer på nytt denne helga, Ila skoles musikkorps har bokmarknad, masse fint, deilig servering og du kan finne skattar du kan gje til dine kjære neste jul, etter at du har lese dei først. Stormberg har Haiti-kampanje i dag. Alle inntekter, ikkje overskotet, men alle inntekter frå sal i dag i deira konseptbutikkar og på nett går til Haiti. Så treng du vottar, stillongsar, fleecegenserar eller skibukser så er det dagen for å shoppe. Det var berre det eg ville seie, ja og så god helg, sjølvsagt, til alle som stikk innom. 🙂
Freden har senka seg, men ikkje for meg. No skal eg farte rundt og fikse ting til i morgon, og så blir det bursdagsselskap og vaksenfest og tur til Bodø søndag kveld for å halde kurs mandag morgon. Og sånn går no dagan. Konkurransen min er fortsatt i gang, Så har du ikkje meldt deg på enno har du framleis sjansen. Eg reknar med at eg trekker søndag føremiddag. Då vil eg berre ynskje alle som stikk innom her ei deilig helg med dei fine clementinene du ser her. Eg får julestemning berre av bildet!
I kveld har eg tenkt å gå ut i byen, nærare bestemt til M3 og feire Virrvarr sitt treårsjubileum som bloggar. Eg har aldri møtt Virrvarr sjølv, men eg kjenner svigermora hennar, som ser ut til å vere med i VM i svigermødring, allfall ifølge beskrivelsane til svigerdatra. Uansett; eg gler meg! Det blir mitt første møte med bloggosfæren, viss vi held hagebloggarane utanom. Dei stiller liksom i ein eigen kategori i mi verd. Ha ei fin helg, alle saman, og kos dokke med god mat, store tekoppar og tente lys i vindauga.
