All posts filed under: Sausar og dippar

Cardamom baked oranges – translated

Published by

Some of my foreign friends wanted to test my recipe for cardamom baked oranges, so I have translated the recipe. I have been experimenting with a dessert with spicy oranges for a while, and I have tested different ways to make it and present it. This version is served with a sour cream sauce, honey roasted nuts (store bought) and rum-drenched raisins. I always put raisins in rum early in November. They are useful for a lot of things, I put them in the Norwegian “gløgg”, a sort of mulled wine, I put them in my christmas fruit cake and in chocolate truffles. And now in these succulent baked oranges. This recipe makes four servings. Cardamom baked oranges Four oranges 4 ts light syrup or honey 1/2 ts ground cardamom 1 ts vanilla extract 2 ts powdered sugar 50 g raisins 1 dl rum 50 g sweet nuts, I used a store bought honey roasted nut mix Heat the oven to 120 degrees celcius. Cut all the peel of the oranges, including all the white …

Ein himmelsk appelsindessert

Published by

Eg har drive og eksperimentert litt med appelsiner i det siste, for å finne den perfekte desserten basert på denne saftige vinterfrukta. Tradisjonen er å ete appelsin naturell, til nød med ein sukkerbit dytta inn i eit lite hol ein kan syge safta ut gjennom. Dei appelsinene du finn i butikken no er så store, søte og fine at dei inspirerer iallfall meg til å prøve ut nye måtar å servere dei på. Den beste varianten eg har servert er kardemommebakte appelsiner med romrosiner og hakka nøtter på. Dei hakka nøttene bør vere søte. Eg har brukt brente mandlar, men den beste varianten var ein ny type honningrista blanda nøtter frå Meny sitt Jacobs-utvalg. Dei er litt salte og litt søte, og det passar perfekt her. Romrosinene bør leggast på glas tidleg. Eg brukar å lage til eit stort glas tidleg i november, så har eg rosiner til fruktkaker, gløgg, trøflar og til anna moro. Eg har også erfart at appelsin bør ikkje bake på høg temperatur. Då vert den tørr og trist. Det perfekte …

Ny ribbevri

Published by

Ribba er nesten gratis for tida. Det er sjølvsagt berre no ei god stund før jul, på veslejulaftan er den dyr igjen, sann mine ord. Men no, medan den er billig, kan vi jo ha det litt gøy med den, og lage mat vi elles ikkje lagar om vinteren. Spareribs er ein amerikansk grillklassikar, men den kan like gjerne lagast på denne tida av året i steikeomnen. Når du skal finne ribbe til spareribs, så velg heller ei som er tynn og vid i utstrekning enn ei som er tjukk i kjøtet. Den tjukke får lang steiketid, og bitane blir meir handterlege når dei ikkje er så tjukke. Eg serverer ribba med omnsbakte mandelpoteter, ein deilig sursøt grillsaus og coleslaw-salat. i dag får du oppskrift på saus og ribbe, i morgon kjem resten. Ein god barbequesaus høyrer med når ein serverer spareribs. Denne kan kjøpast ferdig, men dei sausane er fulle av e-stoff og salt, og ikkje så gode syns eg. Denne tomatbaserte sausen framhevar den fine ribbesmaken, og balanserer godt med krydderet i kjøtet. …

Fargerik laks

Published by

Gråveret heng over oss, og det er godt å kunne lyse opp med litt fargerik mat. I dag fekk eg ein salmalaks i hus, og den er alltid lett å ha med å gjere. Førsteklasses råvarer kan ein lage kva som helst av, og ofte er det enklaste det beste. Eg serverer laksen steikt, med urtedryss på og med ein ratatouille-saus. I hagen veks framleis persille, salvie og graslauk. Vel, å seie at dei veks er vel å overdrive, men dei lever iallfall. Dei toler frost ganske godt, og eg plukkar til det er tomt. Ratatouille er tradisjonelt ein grønsakskompott med tomat, aubergine, squash, urter, kvitløk og løk. Eg lagar den noko lausare i konsistensen, slik at den fungerer også som saus for fisken. Smaksmessig minner min ratatouille-saus om den italienske capunataen, sidan eg har eddik og sukker i den. Det gjev ein fin sur-søt smak som går fint til den feite fisken. Til dette serverte eg kokte poteter, men du kan like gjerne servere det med ris eller bulghur, for eksempel. Serverer du den …

Parisisk salat

Published by

Ikkje eit vondt ord om norske grønsaker, men utvalet, kvaliteten og prisane på alt grønt i Paris er fantastisk. Sommarferien og eit boligbytte med ein fransk familie gjorde at vi hamna i 20. arrondissement, altså ein av dei austlege bydelane i Paris. I kvar ende av gata vi budde i er det stor grønsaksmarknad to dagar i veka. Der kan ein handle inn alt ein treng av frukt og grønsaker til resten av veka. Slikt inspirerer meg til å lage store salatar, som er perfekt å servere ein sval sommarkveld etter ein varm dag. Gryterettar og gratengar er ikkje tingen no. Ei anna glede ved å vere i Paris er bakverket. Dei klassiske baguettane vert borne heim to gongar for dag, ein til lunch og ein til middag. Heldigvis har dei lært seg å lage Pain Complet, altså noko som minner om grovbrød, som vi kan få til frukost. Men til middagen høyrer det liksom med å servere ein deilig, lang baguett. Barna og eg filosoferte over kor mange baguettar som vert bakt i Frankrike …

Man bli’kke børsten…

Published by

Det begynte en morgen i dusjen, min kone Turid, som jeg kaller tusjen, ropte: Larsern har du bestilt drosjen? for hun sku til verksted med påsjen. Hun kanke kjøre påsjen uten å kræsje’n! Nei, tusjen, sa jeg, jeg tar mæsjen. Neimen larsern, sa tusjen, du er børsten! Næh, bli’kke børsten av litt champis mot tørsten… osv. (Tekst: Ole Paus) Gratulerer med dagen! Dette er jo sjølvaste champagne-dagen, og då tenkte eg at eg skulle foreslå litt champagne-mat av den rampete typen, faktisk. Eg har nemleg fått tak i heilt ferske norske asparges, og lagt til nokre få av mine eigne. Dette var min luksusmiddag til meg sjølv her om kvelden. Å spise dette gir meg ein deilig, rampete følelse. Det er nesten som om det skulle vore forbode, så godt er det. Dersom du vil lage den til fleire enn deg sjølv kan du jo bruke den som tilbehør, dette går fint til alle typar kvit og raud fisk, og til skaldyr. Ferske asparges skal dampe veldig kort, eg brukar ikkje meir enn tre minutt. Eg skreller litt av …

Dei enkle rettane

Published by

Her får du dei rettane som kom på bordet som krevde lite arbeid. Eg serverte varmrøykt pepparlaks som eg kjøpte ferdig. Den vart servert på ei seng av ruccola. Til pepparlaksen lagde eg ein appelsinvinaigrette. Den syrleg-søte vinaigretten var heilt rett til den salte og pepra laksen. Eg har tidlegare eksperimentert med appelsinmarmelade i dressingar. I denne oppskrifta hadde eg tenkt å koke inn appelsinsaft og alt det der, men i staden varma eg opp appelsinmarmelade og blanda den med sitroneddik. Oppvarminga gjorde at marmeladen smelta, og blanda seg heilt med eddiken. Så køyrde eg det med stavmiksar med god olivenolje, og krydra med nokre klyper heimelaga urtesalt. Det vart kjempegodt! På toppen av det heile emulgerte marmeladen vinaigretten, slik at den vart stabil. Perfekt! Å ta bilde av den klarte eg ikkje, så du får tru meg på mitt ord. Vinaigretten var også kjempegod å dyppe saltkokte poteter i, som eit alternativ til aioli. Slik gjorde eg det: Appelsinvinaigrette 3 ss appelsinmarmelade 2 ss sitroneddik eller annan kvit eddik 2,5 dl olivenolje, extra virgin …

Kyllingrullader

Published by

På konfirmasjonsbordet sto det kyllingrullader med spekeskinke og basilikum. Kyllingrullader er lette å lage, og du kan lage dei ferdige på førehand og varme dei opp. Kyllingbrysta blir banka flate, og så rullar eg dei med basilikumblad og ei skive strandaskinke og festar med tannpirkar utan mentolsmak. Eg serverte dei med ein mørk, krydra honningvinaigrette som eg vart veldig fornøgd med. Du kan også bytte ut brysta med kyllinglårfiletar, då sparer du deg bankejobben, og det går endå kjappare. Slik gjer du det: Kyllingrullade Eit kyllingbryst per person Ei skive spekeskinke per filet Tre-fire basilikumblad per filet Salt og peppar Margarin til steiking Skjer indrefileten av fileten, og legg den til side. Bank kvar filet mellom to flak plastfolie, det gjer jobben lettare og meir reinsleg. Vend på fileten iblant slik at du bankar det heile jamt utover. Fileten skal vere snautt 1 cm tjukk over det heile. Ta øverste folielag av, og legg på ei spekeskinkeskive og basilikumblad. Rull fileten tett saman og fest med ein tannpirkar. Steik fileten rundt det heile til den …

Singelmiddag

Published by

Her er ein singelmiddag eg lagde i helga, og den vart så god at eg må berre dele den med dokke. Eg tok ein pakke tortellini, og delte den i to. Så lagde eg ein deilig, krema saus av det eg hadde i kjøleskapet, litt kvitvin som vart kokt inn, smelta ost og litt rømmedressing. Det er dei raraste ting som kan bli ein god saus. Toppingen er bacon og dampa sukkererter. Slik gjorde eg det: Tortellini med bacon og ostesaus 1/2 pakke tortellini 1 dl kvitvin 1 dl buljong 50 g brie 50 g kremost med krydder 50 g riven kvitost 2 ss rømmedressing 100 g bacon 10 sukkererter Damp sukkerertene i salta vatn i tre minutt. Hell av vatnet, avkjøl dei fort i kaldt vatn og set til side. Kok tortellinien slik det står anvist på pakken. Steik baconet i tørr panne til det er sprøtt. Ha vin og buljong i ei gryte. La det koke inn litt. Ha i osten og rør godt medan den smeltar. Ha i rømmen og rør godt. …

Ein ny gnocchi-vri

Published by

Som eg har fortalt tidlegare lagde eg ein gigaporsjon med gnocchi på laurdag. Hovuddelen gratinerte eg i den ikkje pene med gode tomatsausforma, men ein del vart liggande att i ein boks i kjøleskapet. Restane lagde eg til middag i dag. Eg var ikkje motivert for ein tur i butikken, så det vart ein “ta det ein har”-middag. I kjøleskapet fann eg bacon, creme fraiche, paprika og løk, og dette vart det ein slags saus av. Slik gjorde eg det: Gnocchi med baconsaus 200 g gnocchi 100 g bacon 1/2 paprika 1 løk 3 ss creme fraiche 2 dl vatn eller 1 dl vatn og 1 dl vin viss du har 2 ss olje til steiking 1/2 ss flytande oksebuljong Steik baconet på middels varme til det er brunt. Ta det ut av panna, og legg i gnocchien. La den bli brun og fin. Fordel den på to tallerknar. Rens og finhakk løk og paprika. Fres det i olje til det er blankt og fint. Slå på vin og/eller vatn, og la det koke inn …

Det søte

Published by

Søndag er det lov med dessert, ikkje sant? Desserten i dag er ein slags fruktsalat med blodappelsin og mango. Blodappelsinene er berre å få tak i i februar og mars, så då får vi nytte høvet. Eg lagar ein saus av appelsinsafta som liknar på den du fekk oppskrift på til rispudding for ei stund sidan, bortsett frå at denne søtar eg med honning. Den er så god at den kan godt få vere med ein runde til. Slik gjorde eg det: Fruktsalat med mango og blodappelsin To mangoar Tre blodappelsinar 1 ts maisenna 1 ss vatn 1 ss honning Skjer topp og botn av appelsinene. Skjer skalet av appelsinen frå topp til botnar slik at alt det kvite unntatt hinnene mellom båtane blir borte. Skjer ut appelsinfiletar av båtane mellom hinnene. Legg dei til side. Kryst safta ut av det som er att når filetane er skorne ut, og det skalet du har skore bort. Ta vare på all safta. Ha den i ein kjele med ei skei honning, og la det koke opp. …

Dry-rub

Published by

Is i rubben, det var den store snakkisen i vinterferien. Den rubben eg driv med skal det normalt ikkje gå is i. Det er fordi det er ein dry-rub, den kan ikkje fryse. Nei da, eg berre tullar, dry-rub er ei blanding av krydder ein brukar på kjøt og fisk i staden for marinade. Eg brukar den same dry-rubben på både forrett og hovudrett, utan at det får dei til å smake likt. Dagens rub er lagd med svart peppar og korianderfrø. Korianderfrø får du i velassorterte butikkar og innvandrarbutikkar (som definitivt er velassorterte!). Dei du ikkje brukar opp kan du så, så får du fersk koriander til ei god thai-suppe ved eit seinare høve. Pepparen og korianderfrøa varmar eg opp i steikepanna til dei ”poppar”, og blir intenst aromatiske. Så knusar eg dei i mortar, og gnir det inn i det eg skal servere med godt med salt. Utgangspunktet for forretten er ein salma-filet. Dei er eg veldig glad i, det er topp kvalitet heilt til datoen går ut, og det blir ikkje noko svinn …

Elsk din kvardag

Published by

Eg googlar dette uttrykket, og finn det ingen annan stad enn her i bloggen. Då må eg vel ha funne på det? Eg veit ikkje. Iallfall: Her er ein klassisk kvardagsmiddag, som det definitivt kan gå an å elske. Fiskebollar er kvardagsmat, men desse er ikkje av kvardagssort. Far min hadde dei med ned frå Sunnmøre, dei er laga ved Ørsta Fiskemat, og er av første klasse. Der lagar dei visst glutenfrie fiskebollar og, har eg høyrt. Eg serverer dei med ein enkel ertepuré, og den klassiske kvitsausen. På ICA sel dei store posar med frosne, lekre, grøne erter for under tjue kroner. Fullt på høgde med dei tøysete små posane med selskapserter som ein får rundt omkring. Slik gjorde eg det: Fiskebollesaus 4 ss smør 4 ss mjøl 1/2 liter mjølk Krafta frå fiskebollane – viss den er god Litt sitronsaft Salt, peppar og muskat Set omnen på 200 grader. Smelt smøret i ei tjukkbotna gryte. Rør i mjølet, og la det surre litt. Slå på mjølk og fiskebollekraft (ha i meir mjølk viss …

Rask festmat

Published by

Kva gjer ein når ein ventar gjestar, men har det travelt? Då lagar eg mat som eg kan gjere klar på førehand, eller som går kjempefort å lage. I dag får du ein slik meny av meg. Vi hadde avtalt aketur med nokre vennar, og så skulle vi heim til oss og lage middag etterpå. Det er koseleg å lage mat saman, men når ein kjem inn frå aketur treng ein mat NO, ikkje om to timar. Eg hadde kjøpt inn blåskjell, dei er på sitt beste no. Blåskjell skal berre dampe nokre få minutt, og med godt brød og ein aioli til har du middag på bordet før du veit ordet av det. Aiolien lagde eg på førehand. Slik gjorde eg det: Aioli 2 eggeplommer (frys kvitene, eller lag marengs med dei) 2 fedd kvitløk 1 ts dijonsennep 2 ss sitronsaft 1 lita ts salt ½ ts honning ½ dl jomfruolivenolje 2 dl nøytral olje Press kvitløken, og bland alt som står over saman i ein bolle. Bruk ein handmiksar, og miks ingrediensane over …

Sjokoladelasagne med kokossorbet

Published by

Lasagne til dessert? No har ho tørna, tenker du kanskje. Men eg fann ikkje noko betre namn på denne desserten så eg kallar det ein lasagne. Dette er ei dessertkake, ei iskake for å vere heilt presis. Botnen er ein slags sjokolademarengs, og så har eg lagt den i lag med kokossorbet imellom. Mi mjølkeallergiske venninne er alltid på leit etter kokossorbet, det er ein deilig mjølkefri is som smakar sommar, sol og syden. Denne oppskrifta er både mjølkefri og glutenfri. Eg tenkte i mitt stille sinn at kokossorbet må det vel vere råd å lage. Kokosmjølk får ein tak i på boks over alt, og kokosmasse er også i alle butikkar, sjølv om makronsesongen er over. Å eksperimentere på kjøkkenet er ein av mine hobbyar, så dette er resultatet av laurdagens eksperimentrunde. For fleire år sidan fekk eg ein ismaskin av han som eg bur saman med. Vi var ganske ivrige i byrjinga, men det har dabba av med islaginga. Men til kokossorbet er ismaskinen perfekt, så den fekk seg ein luftetur ut av skapet. …

Festmenyen

Published by

No har du forhåpentlegvis fått kvile ut i juledagane, og har samla krefter til den store festen. Festkomitéen må samlast igjen, og fordele oppgåvene for sjølve festdagen og dagane før. På dette tidspunktet løner det seg å lage ein (ganske) nøyaktig tidsplan. Når skal dei siste tinga handlast, kvar skal dei oppbevarast, kven skal lage kva, kven skal frakte det som må fraktast og kven skal vere kvar på sjølve dagen. Som du ser av menyen, kan både forretten og desserten lagast i god tid på førehand. Bestem kven som skal handle inn til og lage desse, og når dei skal leverast på ”festplassen”. Husk å fryse ned isbitar til den store festen. Eg brukar plastposar til isbitar, og så tek eg ut isbitane av plastposane nokre dagar før festen, og legg dei laust i ei bøtte i frysaren fram til festen. Då slepp du å bli stressa over å måtte trykke kvar isbit ut av plasten medan utolmodige gjestar heng over deg. Så er det sjølve menyen. Den består av tre rettar: Festterrine med …

Endå fleire dessertar?

Published by

Ja, eg har faktisk tre dessertoppskrifter til. Desse er Heidi sine, og her får du lære å lage heimelaga sjokoladepudding med vaniljesaus. Eg kan love deg at den er betre enn Tine sin. Eg lagar alltid pikekyss sjølv, men det går fint å lage pikekyssdesserten med kjøpte. Men her og er dei heimelaga best, ikkje minst fordi du veit kva som er i dei. Alt godt Sjokoladepudding 8 dl mjølk 2 ss kakao 4 ss sukker 2 ts vaniljesukker 7 plater gelatin Kok opp mjølk, kakao, sukker og vaniljesukker, og set det til sides. Legg gelatinplatene i kaldt vatn i ei skål og la dei ligge der i 5 minutt. Vri gelatinplatene opp og legg dei i ei skål. Slå litt varm kakao over gelatinen og rør han ut i den varme blandinga. Hell så denne blandinga i kakaoen medan du rører flittig. Gelatinen må ikkje koke, så du må ikkje ha gryta på varm plate medan du gjer dette. Avkjøl blandinga litt og hell puddingen i ei glasskål. Det har lett for å verte …

Fest i sikte!

Published by

No byrjar det å nærme seg, og dei næraste dagane kjem det til å vere så fullt opp med ting å gjere at no gjeld det å tenke klart. Som eg har nemnt tidlegare kjem eg til å kome med forslag til ein nydeleg nyttårsmeny, men det kan hende at det løner seg å tinge enkelte råvarer i god tid. Menyforslaget mitt kjem til å innehalde andebryst, så gå til den beste slaktaren du veit om, og be han eller henne ta inn det for levering i romjula. Andebrysta vert som regel importert frosne frå Frankrike, så risikoen for svinn og tap er minimal. Skal du mot formodning til Sverige før jul, så kjøp det der. Halv pris… Du kan og kjøpe nokre pakkar frosne bjørnebær og legge i frysen, og så kan du fundere på kva vi skal bruke dei til! Finn du ei vaniljestang på din veg, så kjøp den, del den i to, og skrap ut frøa. Ha frøa og stanga i eit glas med 300 gram melis.  Dette vert verdens beste …

Det er ikkje jul enno….

Published by

Eg ser jul overalt, og eg er litt skeptisk. Skal vi fylle opp førjulstida med julemat? Er det ikkje nok med alle juleborda? Vi hadde gjestar på laurdag, og nærast i protest serverte eg mat utan eit einaste hint av jul. Eg serverte kylling med røstipoteter, salat og ein romanesco-saus, ein klassisk spansk saus basert på paprika og tomat. Til salaten lagde eg ein deilig dressing med tahine, denne sesampastaen som dei brukar mykje i den austlege delen av middelhavet. Både romanesco-sausen og dressingen vart emulgert. Emulgering er det som skjer når du får olje og vatn til å blande seg til ein krem, som til dømes i majones. Det hender at eg lagar emulsjonssausar og dressingar der eg ikkje er heilt sikker på kva som er emulgatoren, altså det stoffet som får oljen og vatnet til å ”gå i hop”. Egg er den klassiske emulgatoren, men ein kan også få ein emulsjon med honning, sennep og med kvitløk. I den klassiske spanske aiolien er det ikkje egg, der er det stoff i kvitløken som …

Langs silkevegen til Kina

Published by

I dag lagar Heidi kinamat, den klassiske take-away-retten som du får kjøpt i heile Norge, ifølge Are Kalvø. Eg har prøvd Heidi sin variant, og den smakar nydeleg. Absolutt verd å prøve. Du treng ikkje bruke smult til fritering slik Heidi gjer, du kan bruke rapsolje eller soyaolje. Alt godt Eg las om presten på Giske som er så heldig at han skal reise til Kina langs den gamle Silkevegen. Eg har sjølv reist til Kina, men det var med den Transibirske jernbanen på 1980-talet. Å reise langs den gamle Silkevegen vert nok ei heilt anna reise enn gjennom flate Sibir og Mongolia med tospora jernbanesviller heile vegen. Er presten heldig kan han kanskje finne der Vårherre grunnla Edens hage der fiken, dadlar, fersken og mango voks vilt, eit reint paradis. Røtene til vår eigen matkultur ligg i her i Den fruktbare Halvmåne austan for Eden, og i nærleiken av elvane Eufrat og Tigris. Her tok vår tids jordbruksrevolusjon til, der ein byrja å kultive ville vekster og temje dyr. Husdyra og plantefaunaen vår kjem …

Tunfiskgreier

Published by

Eg har fortalt før om mitt lidenskapelege forhold til tunfisk på boks. Denne oppskrifta har også tunfisk som hovudingrediens. Kvar eg har den frå veit eg ikkje, eg har brukt å lage den til meg sjølv når eg skal kose meg. Men eigentleg er smaken god nok til at dette skal bli noko meir enn berre kosemat for ein. Problemet er at denne røra ikkje er vakker å sjå til. Eg skal ikkje seie kva den liknar på, men brunfargen seier sitt. Det er mange døme på mat som ikkje er vakker, men som smakar fantastisk. Baba ganoush er ein slik rett, den grå, triste gugga som sonen min meiner liknar på hjernemasse. Men den smakar så godt at eg alltid angrar på at eg ikkje spiste litt til. Dagens tunfiskrøre er rar på fleire måtar, også ved at det skal smør i den. Smøret gjev ein rund, fyldig smak, så ikkje dropp det. Du kan blande inn hakka urter, det vert sikkert kjempegodt. På nyrista, tynne baguettskiver er dette eit deilig lite tiltygg, så …

Mysterier

Published by

Når eg skriv om mat samlar eg inspirasjon herfrå og derfrå, og dermed endar eg opp med masse oppskrifter som eg ikkje heilt veit opphavet til. Har eg funne på dette sjølv? I tilfelle ikkje, kvar kjem den frå? Når den ikkje er eit utklipp, er den som originalen, eller har eg endra på den? Forvirringa er komplett. Her er ei slik, det står ikkje ein gong på kva det er. Men all sunn fornuft tilseier at det er ein laksepai som ikkje skal steikast. Eg kan ikkje huske å ha lagd den, og gjorde eg det tok eg ikkje bilde, så her er det rein tekst som gjeld. Meld frå om du lagar den før meg, og er fornøgd. Eller misfornøgd. Finn du ut kvar den stammar frå, så gjer vel å seie ifrå, så skal eg be om samtykke og kreditere. Laksepai 300 g kavring eller knekkebrød 75 g smør 2 pakkar Philadelphiaost 2 dl lettrømme 250 g røykalaks 2 små, gule løkar eller ein stor 3-4 ss finklipt grasløk eller dill Salt, …

Urtesteikt laks

Published by

Eg og mange med meg lagar vårt eige urtesalt. Det kan brukast på mange måtar, og i dag brukte eg det til å panere nokre fine laksestykke i. Du kan framleis lage urtesalt viss ikkje kuldegradene har herja altfor gale, hos meg står både salvie, løpstikke, timian og persille fine og klare til å bli til heimelaga urtesalt. Å krydre mjølet er ein fin måte å gje smak til panert fisk på. Eg var raus med urtesaltet i dag, to spiseskeier til fire-fem spiseskeier kveitemjøl. Panering skjer i tre steg. Først skal det du panerer vendast i krydra mjøl. Så kjem turen innom eit bad av samanpiska egg, før siste runde med griljermjøl gjer stykka klare for steikepanna. Denne teknikken kan du bruke både på kjøt (snitslar eller tynt skorne svinekotelettar) og fisk av alle slag. I steikepanna brukar eg halvparten soya- eller maisolje og margarin. Smør vert fort brent, så det egnar seg ikkje så godt til denne bruken, der steikinga skjer på høg varme. Steik fiskestykka i to minutt på kvar side, og …

Husmannskost

Published by

I dag driv ho Heidi med slikt som eg verken har greie på eller lyst på; sild og poteter. Eg skuldar på matpingle-genet mitt, ikkje kaffi, ikkje øl, ikkje sild. Men eg veit at mange set pris på denne kosten sjølv om eg ikkje gjer det. Men dei tradisjonelle søtsuppene har eg ete mykje av, det var det eg fekk til middag når eg ikkje ville ete silda. Alt godt I dag er det mykje snakk om det gode søreuropeiske kosthaldet med mykje olivenolje og tomatar. Ja visst dette er bra, men minst like bra er vårt eige kosthald. Eg har ikkje høyrt om nokon som har vorte dårleg eller tjukk av sild og poteter, nei tvert om, slank som ei spikj–otre vert du av sild. Dette er mat som styrkjer hjarta og meir til. Eg hadde tenkt å lage sildekaker, men eg har ikkje fått tak i ei einaste sild her inne i fjorden  Når eg får lyst på sild, må eg berre ha det, og desse nedfrosne spekesildfiletane i frysedisken gir deg no smaken …

Og så over til noko heilt anna

Published by

Heidi har vore på matkurs, og lært om tysk mat av ei som heiter Anne Lore Larsen. Der har ho blitt inspirert til å lage heilt andre typar mat enn det ho lagar til kvardags. Vi har mange ingrediensar felles med det tyske kjøkenet, men vi handterer dei ofte på forskjellig vis. Alt godt I dag lagar vi kokt oksekjøt med suppe og salat til. Vi lagar nudelsuppe av buljongen vi får når vi kokar kjøtet. Suppa er forretten, og litt av buljongen brukar vi til sausen. Så lagar vi nokre salatar og ein pepparrotsaus som er heilt nydeleg til kjøt. Vi i er enige med Anne Lore at kokt mat bør få ein renessanse, betre mat finst knappast. – Og så kan ein gjere andre ting medan maten kokar som å lære ungane  å synge. Om resultatet blir like bra som rundt grytene til Anna Lore lovar eg ikkje,  men at maten hennar ”schmeckt gut” er klart. Tafelspitz/kokt oksekjøt 2 kg oksekjøt, bruk beinfri bog eller høgrygg. Kok kjøtet i så heile stykke som …